Koloseiz 2:8 - Bibl Koad 21: Ar Bibl e Brezhoneg evit ar Vretoned

⁸ Lakait evezh na zeufe den da dromplañ ac’hanoc’h gant ar filozofiezh pe gant touelloù aner, hervez hengoun an dud, hervez kentañ kentelioù ar bed, ha nann hervez Krist.

Testamant Nevez 1897 (Jenkins)

⁸ Likit evez na zeufe den da c’hounid ac’hanoc’h dre philosophi ha touellerez goullo, hervez giz an dud, hervez kenta kenteliou ar bed, ha nann hervez ar C’hrist.

Koloseiz 2:8 Referencias Cruzadas

Kanenn ar C’hanennoù 2:15

Kemerit deomp al lern, al lern bihan a wast ar gwini, rak emañ hor gwini en o bleuñv.

Jeremiaz 29:8

Rak evel-henn e komz AOTROU an armeoù, Doue Israel: Ra ne douello ket ac'hanoc'h ar brofeded a zo en ho touez hag an divinourien, ha na selaouit ket an huñvreoù a huñvreit.

Mazhev 10:17

Diwallit diouzh an dud, rak ho kas a raint dirak al lezioù-barn hag e skourjezint ac’hanoc’h en o sinagogennoù.

Mazhev 16:6

Jezuz a lavaras dezho: En em virit gant evezh eus goell ar farizianed hag ar sadukeiz.

Mazhev 7:15

Diwallit diouzh ar fals-profeded a zeu d’ho kavout e gwiskamant deñved, met a zo en diabarzh nemet bleizi skraperien.

Actou an Ebestel 17:18

Un nebeud filozoferien epikuriat ha stoikat a gomzas gantañ. Darn a lavaras: Petra a fell d’an teodeg-se lavarout? Ha darn all: Seblantout a ra kemenn doueoù estrañjour. Rak prezeg a rae dezho Jezuz hag an adsavidigezh a varv.

Actou an Ebestel 17:32

Pa glevjont komz diwar adsavidigezh a-douez ar re varv, darn a reas goap hag ar re all a lavaras: Da glevout a raimp ur wech all war gement-se.

Romaned 16:17

Alian a ran ac’hanoc’h, breudeur, da ziwall diouzh a re a laka dizunvaniezh hag abegoù da gouezhañ a-enep ar gelennadurezh hoc’h eus desket, ha da bellaat diouto.

1 Korintiz 10:12

Evel-se an hini a gred bezañ en e sav, ra ziwallo da gouezhañ

1 Korintiz 8:9

Lakait evezh koulskoude na zeufe ar frankiz hoc’h eus da vezañ ur maen-kouezh evit ar re zinerzh.

2 Korintiz 10:5

evit distrujañ an arguzennoù ha pep uhelder en em sav a-enep anaoudegezh Doue, hag evit degas pep soñj dalc’het da sentidigezh ouzh Krist,

Galated 1:14

ha penaos ez aen pelloc’h er yuzeverezh eget meur a hini eus va oad hag eus va bro, o vezañ douget dreist an holl evit hengounioù va zadoù.

Galated 4:3

Evel-se ni ivez, pa oamp bugale, e oamp dindan sklavelezh kentañ kentelioù ar bed.

Galated 4:9

met bremañ pa hoc’h eus anavezet Doue, pe kentoc’h pa’z oc’h bet anavezet gant Doue, penaos e tistroit c’hoazh d’ar c’hentañ kentelioù dinerzh ha paour-se a fell deoc’h en em lakaat dindano a-nevez?

Galated 5:15

Met mar en em dagit ha mar en em zebrit an eil egile, lakait evezh na vefec’h distrujet an eil gant egile.

Efeziz 2:2

hoc’h eus kerzhet gwechall enno hervez giz ar bed-mañ, hervez priñs nerzh an aer, ar spered a labour bremañ e mibien an disentidigezh.

Efeziz 4:20

Met n’eo ket evel-se hoc’h eus desket Krist,

Efeziz 5:6

Ra ne dromplo den ac’hanoc’h dre gomzoù aner, rak abalamour d’an traoù-se e teu fulor Doue war ar vugale disent.

Adlezenn 6:12

diwall d'ankounac'haat an AOTROU en deus tennet ac'hanout eus bro Ejipt, eus an ti sklavelezh.

Filipiz 3:2

Diwallit diouzh ar chas, diwallit diouzh ar labourerien fall, diwallit diouzh ar fals amdroc’hidi.

Koloseiz 2:18

Ra ne dapo den ar priz diganeoc’h dre un izelegezh a-ziavaez ha dre lid an aeled, o kemer preder eus traoù n’en deus ket gwelet, o vezañ c’hwezet a ourgouilh hep poell gant e skiant kigel,

Koloseiz 2:20

Mar d-oc’h eta marv gant Krist e-keñver kentañ kentelioù ar bed, perak e vec’hier ac’hanoc’h eus an urzhiadurioù-se, evel pa vevjec’h c’hoazh er bed:

Koloseiz 2:22

urzhiadurioù a dro holl da fall dre o implij, hag a zo hervez gourc’hemennoù ha kredennoù an dud?

Koloseiz 2:23

An traoù-se o deus e gwirionez un diavaez a furnez, o tiskouez evel ul lid a volontez vat, izelegezh ha garventez e-keñver ar c’horf, met a zo didalvoud a-enep ar pezh a c’hell plijout d’ar c’hig.

1 Timote 6:20

O Timote, mir ar pezh a zo bet fiziet ennout, oc’h en em virout diouzh ar c’homzoù aner ha disakr ha diouzh ar c’houiziegezh a zo galvet e gaou evel-se,

2 Timote 3:13

Met an dud fall hag an douellerien a yelo en ur washaat, o touellañ hag o vezañ touellet.

Hebreed 13:9

N’en em lezit ket da vezañ stlejet dre gelennadurezhioù a bep seurt hag estren, rak mat eo e vefe ar galon nerzhet gant ar c’hras ha nann gant bouedoù n’o deus servijet da netra d’ar re staget outo.

Hebreed 3:12

Breudeur, diwallit n’en defe unan bennak ac’hanoc’h ur galon fall ha diskredik, hag na drofe kein d’an Doue bev.

1 Pêr 1:18

o c’houzout penaos n’eo ket dre draoù breinus, evel arc’hant pe aour, oc’h bet dasprenet eus an doare aner da vevañ ho poa bet da hêrezh digant ho tadoù,

2 Pêr 3:17

Re garet-mat, c’hwi a oar en a-raok, lakait evezh, gant aon na vefec’h hoalet gant tromplerezh ar re ziroll, ha na zeufec’h da gouezhañ eus ho started.

2 Yann 1:8

Lakait evezh ouzhoc’h hoch’-unan, evit na gollimp ket ar frouezh eus hol labour, met ma resevimp ur gopr leun.