Jozue 7:6 - Bibl Koad 21: Ar Bibl e Brezhoneg evit ar Vretoned

⁶ Jozue a rogas e zilhad hag a gouezhas war e zremm d'an douar dirak arc'h an AOTROU betek an abardaez, eñ hag henaourien Israel, hag e taoljont poultr war o fenn.

Jozue 7:6 Referencias Cruzadas

Geneliezh 37:29

Ruben a zistroas d'ar puñs-glav ha setu, Jozef ne oa ket ennañ. Regiñ a reas e zilhad

Geneliezh 37:34

Regiñ a reas e zilhad hag e lakaas ur sac'h war e zivgroazell. E-pad pell e tougas kañv d'e vab.

2 Samuel 1:11

Neuze David a gemeras e zilhad hag o rogas. An holl dud a oa gantañ a reas heñvel.

2 Samuel 1:12

Hag e voent er c'hañv, hag e oueljont, hag e yunjont betek an noz abalamour da Saül ha da Jonatan e vab, ha da bobl an AOTROU, ha da di Israel, dre ma oant kouezhet dre ar c'hleze.

2 Samuel 1:2

D'an trede deiz, setu un den a zeuas eus kamp Saül, gant e zilhad roget ha douar war e benn. O vezañ deuet da gavout David, e kouezhas d'an douar hag e stouas.

2 Samuel 12:16

David a bedas Doue evit ar bugel, David a yunas, hag ez eas da dremen an noz gourvezet war an douar.

2 Samuel 13:19

Neuze Tamar a gemeras ludu war he fenn, hag a rogas he sae lieslivek a oa warni; lakaat a reas he dorn war he fenn, hag ez eas kuit en ur c'harmiñ.

2 Samuel 13:31

Ar roue a savas, a rogas e zilhad, hag a c'hourvezas war an douar. Hag e holl servijerien ivez en em zalc'he eno gant o dilhad roget.

2 Rouned 22:11

Hag adal ma klevas ar roue komzoù al lezenn, e rogas e zilhad,

2 Danevelloù 34:19

Hag adal ma klevas ar roue komzoù al lezenn, e rogas e zilhad,

Ezdra 10:1

Evel ma pede Ezdra ha ma rae an anzav-se o ouelañ, stouet dirak ti Doue, un engroez bras, gwazed, maouezed ha bugale, en em zastumas davetañ, hag ar bobl a ouelas a-boullad.

Nehemia 9:1

D'ar pevare deiz warn-ugent eus an hevelep miz, mibien Israel en em zastumas evit yunañ, gwisket gant seier ha goloet gant poultr.

Ester 4:1

Pa anavezas Mardoke ar pezh a c'hoarveze, e rogas e zilhad, e wiskas ur sac'h ha ludu, hag ez eas dre gêr o krial gant kriadennoù kreñv ha c'hwerv.

Ester 4:3

Hag e pep proviñs, el lec'hioù ma oa erruet urzh ar roue hag e gemenn, ar Yuzevien a voe en ur glac'har bras, o yunañ, o ouelañ hag oc'h hirvoudiñ. Kalz a c'hourveze war seier ha ludu.

Levr Job 1:20

Neuze Job a savas, hag e rogas e vantell, e touzas e benn, e kouezhas d'an douar, e stouas

Levr Job 2:12

Hag o vezañ savet o daoulagad a bell, n'anavezjont ket anezhañ; neuze e savjont o mouezh hag e oueljont. Hag e rogas pep hini e vantell, hag e taoljont poultr etrezek an neñvoù, dreist o fenn.

Levr Job 42:6

Setu perak em eus euzh ouzhin, hag em eus keuz war ar poultr hag al ludu.

Klemmganoù 2:10

Henaourien merc'h Sion a zo azezet dilavar war an douar. Lakaet o deus poultr war o fenn, gourizet int a seier. Gwerc'hezed Jeruzalem a stou o fenn etrezek an douar.

Niveroù 14:6

Jozue mab Nun ha Kaleb mab Jefune, a-douez ar re o doa spiet ar vro, a rogas o dilhad,

Niveroù 16:22

Neuze e kouezhjont war o dremmoù hag e lavarjont: O Doue, Doue speredoù pep kig! Un den hepken en deus pec'het, hag e fulorfes a-enep an holl vodadenn?

Niveroù 16:45

En em dennit a-greiz ar vodadenn-se, hag e kuzumin anezho en un taol kont. Neuze e kouezhjont war o dremmoù.

Actou an Ebestel 14:14

Met an ebestel Barnabaz ha Paol, o vezañ anavezet kement-se, a rogas o dilhad hag a redas e-kreiz an engroez, o krial:

Jozue 7:7

Jozue a lavaras: Siwazh! Aotrou AOTROU , perak ec'h eus lakaet ar bobl-mañ da dremen ar Jordan, evit hol lakaat etre daouarn an Amoreaned ha distrujañ ac'hanomp? Perak n'omp ket chomet en tu all d'ar Jordan?

Apocalyps 18:19

Teurel a raent poultr war o fenn hag, o ouelañ hag o c’harmiñ, e krient o lavarout: Gwalleur! Gwalleur! Ar gêr vras, enni ar re holl o doa listri war ar mor a oa en em binvidikaet dre he fuilhentez! Rak en un eur eo aet da netra.

Ar Varnerien 11:35

Kerkent ha ma welas anezhi e rogas e zilhad hag e lavaras: Siwazh va merc'h! Bec'hiet on, ya bec'hiet on, peurvantret on abalamour dit, rak digoret em eus va genoù d'an AOTROU ha ne c'hellin ket dislavarout.

Ar Varnerien 20:23

Mibien Israel o devoa pignet ha gouelet dirak an AOTROU betek an noz, ha goulennet kuzul o doa digant an AOTROU o lavarout: Hag e tostaimp c'hoazh d'an emgann a-enep mibien Benjamin va breudeur? Hag an AOTROU en doa lavaret: Pignit a-enep dezhañ.

Ar Varnerien 20:26

Neuze holl vibien Israel hag an holl bobl a bignas hag a zeuas da Vetel, gouelañ a rejont eno hag en em zalc'hjont dirak an AOTROU, hag e yunjont an deiz-se betek an noz, hag e kinnigjont loskaberzhoù hag aberzhoù a drugarekadennoù dirak an AOTROU.

Ar Varnerien 21:2

Ar bobl a zeuas da Vetel, hag e chomjont eno betek an noz dirak Doue. Sevel a rejont o mouezh o ouelañ dourek

1 Samuel 4:12

Un den eus Benjamin a dec'has eus an emgann hag a zeuas da Silo en deiz-se, e zilhad roget ha douar war e benn.