Jozue 7:2 - Bibl Koad 21: Ar Bibl e Brezhoneg evit ar Vretoned

² Jozue a gasas tud eus Jeriko da Ai, e-kichen Betaven, e sav-heol da Vetel, hag a lavaras dezho: Pignit da spiañ ar vro. An dud a bignas hag a spias Ai.

Jozue 7:2 Referencias Cruzadas

Geneliezh 12:8

Tremen a reas ac'hane etrezek ar menez e sav-heol Betel, hag e fichas e deltennoù etre Betel er c'huzh-heol hag Ai er sav-heol. Sevel a reas eno un aoter d'an AOTROU hag e c'halvas anv an AOTROU.

Geneliezh 28:19

Gervel a reas al lec'h-se Betel. Met diagent, anv ar gêr a oa Luz.

1 Rouaned 12:29

Hag e tiazezas unan e Betel hag e lakaas egile e Dan.

Nehemia 11:31

Ha mibien Benjamin a voe adalek Geba, e Mikmash, Aya, Betel hag en he c'hêriadennoù,

Krennlavarioù 20:18

Ar mennadoù a zo startaet dre ar c'huzul, kemer alioù evit ober brezel.

Krennlavarioù 24:6

Rak gant alioù eo e vez graet ar brezel, hag emañ ar surentez e kalz a guzulierien.

Izaia 10:28

Deuet eo da Ayad, tremenet eo dre Vigron, lezet en deus e bakad e Mikmash,

Jeremiaz 49:3

Yud, Hesbon! Rak Ai a zo distrujet. Garmit, merc'hed Rabba, gwiskit ar sac'h, hirvoudit, redit amañ hag ahont a-hed ar mogerioù! Rak Malkam a yelo d'an harlu gant e aberzhourien hag e bennoù.

Ozea 4:15

Mar gastaouez, Israel, ra ne zeuio ket Juda da vezañ kablus. N'it ket da C'hilgal, na bignit ket da Vetaven, ha na douit ket: An AOTROU a zo bev!

Mazhev 10:16

Setu, e kasan ac’hanoc’h evel deñved e-touez ar bleizi, bezit eta evezhiek evel naered ha eeun evel koulmed.

Efeziz 5:15

Lakait evezh eta ouzhoc’h hoc’h-unan d’en em ren gant eeunder, nann evel tud diskiant met evel tud fur,

Jozue 12:9

Roue Jeriko, unan; roue Ai e-kichen Betel, unan;

Jozue 18:12

O harz hanternoz a yae adalek ar Jordan, hag e pigne war gostez hanternoz Jeriko, hag e pigne er menez war-zu ar c'huzh-heol, hag e tape gouelec'h Betaven,

Jozue 2:1

Jozue mab Nun a gasas e kuzh eus Sitim daou spier o lavarout: Kit da spiañ ar vro, ha Jeriko. Mont a rejont eta hag e teujont da di ur c'hast anvet Rahab, hag e kouskjont eno.

Jozue 7:3

Distroet da gavout Jozue, e lavarjont dezhañ: Ra ne bigno ket an holl bobl, met ra'z aio daou pe tri mil den hag e pilint Ai. Na skuizh ket an holl bobl evit ken nebeut a dud.

1 Samuel 13:5

Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.

1 Samuel 14:23

En deiz-se an AOTROU a zieubas Israel, hag an emgann en em astennas betek Bet-Aven.

1 Samuel 30:27

Kas a reas d'ar re a oa e Betel, da re a oa e Ramod-ar-C'hreisteiz, d'ar re a oa e Jattir,