Jozue 7:12 - Bibl Koad 21: Ar Bibl e Brezhoneg evit ar Vretoned

¹² Mibien Israel ne c'hello ket derc'hel ouzh o enebourien, treiñ a raint o c'hein dirak o enebourien, rak lakaet int da verz. Ne vin ken ganeoc'h ma ne lamit ket an traoù lakaet da verz eus ho touez.

Jozue 7:12 Referencias Cruzadas

Salmoù 44:10

Koulskoude ec'h eus hon taolet kuit ha goloet a zismegañs, ha ne gerzhez ken gant hon armeoù.

Salmoù 60:10

Moab eo ar gibell en em walc'han enni, teurel a ran va botez war Edom. Douar ar Filistined, laosk kriadennoù em enor!

Krennlavarioù 28:1

An hini drouk a dec'h hep ma'z eer den war e lerc'h, met an den reizh en deus fiziañs evel ul leon.

Izaia 59:2

Met ho tireizhder eo en deus lakaet an disrann etrezoc'h-c'hwi hag ho Toue, ho pec'hedoù eo a ra dezhañ kuzhat e zremm evit n'ho klevfe ken.

Jeremiaz 23:33

Mar gra goulennoù ouzhit ar bobl-mañ, pe ar profed, pe un aberzhour, mar lavar dit: Pehini eo diougan an AOTROU? e lavari dezho: Pehini eo an diougan? Me ho tilezo! eme an AOTROU.

Jeremiaz 6:8

Jeruzalem, degemer ar gelennadurezh, gant aon na zistagfe va ene diouzhit, ha gant aon na rafen ac'hanout ur gouelec'h, un douar didud.

Ozea 9:12

Mar desavont o mibien, me o dibourvezo diouto a-raok ma teuint da vezañ gwazed. Gwalleur dezho pa en em dennin diouto!

Habakuk 1:13

Re c'hlan eo da zaoulagad evit gwelout an droug, ha ne c'hellez ket sellout ouzh ar fallagriezh. Perak e sellfes ouzh a re fall hag e tavfes, pa lonk an hini drouk unan reishoc'h egetañ?

Niveroù 14:39

Moizez a lavaras ar c'homzoù-mañ da holl vibien Israel, hag e voe ur c'hañv bras e-touez ar bobl.

Niveroù 14:42

Na bignit ket rak an AOTROU n'emañ ket en ho touez, arabat deoc'h bezañ pilet gant hoc'h enebourien!

Niveroù 14:43

An Amalekited hag ar Gananeiz a zo aze dirazoc'h, hag e kouezhot dre ar c'hleze abalamour ma oc'h distroet diouzh an AOTROU; an AOTROU ne vo ket ganeoc'h.

Niveroù 14:45

An Amalekited hag ar Gananeiz a oa o chom war ar menez-se a ziskennas, hag e piljont hag e tiframmjont anezho betek Horma.

Adlezenn 7:26

Ne zegasi ket traoù euzhus da'z ti, evit na vi ket lakaet da verz evelto; heug az po outañ, euzh az po outañ, rak lakaet da verz ez int.

Jozue 6:18

Nemet en em virit ouzh an traoù lakaet da verz, gant aon na en em lakafec'h da verz o kemer eus an traoù lakaet da verz, ha na lakafec'h kamp Israel da verz ha na vefec'h trubuilh ennañ.

Ar Varnerien 16:20

Neuze e lavaras dezhañ: Ar Filistined 'zo warnout, Samzun! Hag e tihunas eus e gousk o lavarout: Tec'hout a rin evel ar gwechoù all, hag en em zieubin. Met ne ouie ket e oa pellaet an AOTROU dioutañ.

Ar Varnerien 2:14

Fulor an AOTROU en em danas a-enep Israel, hag e lakaas anezho etre daouarn preizhataerien o freizhas, hag e werzhas anezho etre daouarn o enebourien tro-dro, ha ne c'helljont ken derc'hel dirak o enebourien.

Ar Varnerien 2:4

Kerkent ha m'en doe lavaret ael an AOTROU ar c'homzoù-se da holl vibien Israel, e savas ar bobl o mouezh, hag e leñvjont.

1 Samuel 14:38

Saül a lavaras: Tostait amañ, c'hwi holl briñsed ar bobl, hag anavezit ha gwelit penaos eo bet graet ar pec'hed-se hiziv,