Jozue 22:20 - Bibl Koad 21: Ar Bibl e Brezhoneg evit ar Vretoned

²⁰ Akan mab Zerak, ha ne reas ket un torfed en ur gemer traoù lakaet da verz? Ha ne gouezhas ket fulor an AOTROU war holl vodadenn Israel? An den-se ne varvas ket e-unan evit e zireizhder.

Jozue 22:20 Referencias Cruzadas

2 Danevelloù 24:18

Hag e tilezjont ti an AOTROU, Doue o zadoù, ha servijañ a rejont an Asheraoù hag an idoloù. Kounnar an AOTROU a voe war Juda ha war Jeruzalem en abeg da-se, dre ma oant en em rentet kablus.

Levr Job 35:8

Da un den eveldout eo e c'hell da fallagriezh noazout, da vab an den eo e c'hell bezañ da reizhder talvoudus.

Leviegezh 10:6

Moizez a lavaras da Aaron, ha da Eleazar ha da Itamar e vibien: Na zizoloit ket ho pennoù ha na rogit ket ho tilhad, gant aon na varvfec’h ha na teufe fulor a-enep an holl vodadenn. Ra ouelo ho preudeur, holl di Israel, abalamour d’an entanadur en deus enaouet an AOTROU.

1 Korintiz 10:6

Hag an traoù-se a zo c’hoarvezet evit servijañ da skouer deomp, evit na c’hoantaimp ket traoù fall evel ma c’hoantajont-int.

Jozue 22:21

Mibien Ruben, mibien Gad hag hanter-veuriad Manase a respontas, o lavarout da bennoù milieroù Israel:

Jozue 7:1

Mibien Israel a dorras ar reolenn diwar-benn an traoù lakaet da verz. Akan mab Karmi, mab Zabdi, mab Zerak, eus meuriad Juda, a gemeras diwar an traoù lakaet da verz, ha kounnar an AOTROU en em danas a-enep mibien Israel.

Jozue 7:18

Lakaat a reas e diegezh da dostaat den dre zen, hag Akan mab Karmi, mab Zabdi, mab Zerak, eus meuriad Juda, a voe tapet.

Jozue 7:24

Jozue, hag holl Israel gantañ, a gemeras Akan mab Zerak, an arc'hant, ar vantell, an dolzenn aour, e vibien hag e verc'hed, e ejened, e ezen, e zeñved, e deltenn ha kement a oa dezhañ, hag e rejont dezho pignat da draonienn Akor.

Jozue 7:5

Tud Ai a lazhas war-dro c'hwec'h den ha tregont, rak e redjont war o lerc'h adalek an nor betek Shebarim, hag e piljont anezho war un dinaou. Kalon ar bobl en em deuzas hag a zeuas da vezañ evel dour.

2 Pêr 2:6

mar en deus kondaonet Sodom ha Gomora da vezañ distrujet o rentañ ar c’hêrioù-se e ludu evit o reiñ da skouer d’ar re a vevfe e dizoujañs-Doue,