Jozue 21:44 - Bibl Koad 21: Ar Bibl e Brezhoneg evit ar Vretoned

⁴⁴ An AOTROU a roas dezho diskuizh a bep kostez, evel m'en doa touet d'o zadoù, hag hini ebet eus o enebourien ne zalc'has dirazo; an AOTROU a lakaas o holl enebourien etre o daouarn.

Jozue 21:44 Referencias Cruzadas

2 Danevelloù 13:16

Mibien Israel a dec'has dirak Juda, ha Doue a lakaas anezho etre o daouarn.

Ermaeziadeg 23:31

Hag e lakain da harzoù adalek ar Mor Ruz betek Mor ar Filistined, hag adalek ar gouelec'h betek ar stêr, rak lakaat a rin etre ho taouarn tud ar vro hag o c'hasin kuit dirazout.

Ermaeziadeg 33:14

An AOTROU a lavaras: Va bezañs a yelo ganit hag e roin dit diskuizh.

Izaia 63:14

Spered an AOTROU en deus o renet goustadik, evel ul loen a ziskenn en un draonienn. Evel-se eo ec'h eus renet da bobl, evit ober evidout un anv glorius.

Adlezenn 2:36

Adalek Aroer war ribl froud Arnon hag ar gêr a zo e-kichen ar froud betek Galaad, ne voe kêr ebet re greñv evidomp. An AOTROU hon Doue a roas holl deomp.

Adlezenn 21:10

Pa'z i d'ar brezel a-enep da enebourien, hag e lakaio anezho an AOTROU da Zoue etre da zaouarn, hag e ri prizonidi,

Hebreed 4:9

Chom a ra eta un diskuizh a sabad evit pobl Doue.

Jozue 1:13

Ho pet soñj eus ar c'homzoù en deus gourc'hemennet deoc'h Moizez servijer an AOTROU o lavarout: An AOTROU ho Toue en deus roet diskuizh deoc'h hag en deus roet deoc'h ar vro-se.

Jozue 1:15

ken na roio diskuizh an AOTROU d'ho preudeur evel deoc'h, ha ken na berc'hennint int ivez ar vro emañ an AOTROU ho Toue o vont da reiñ dezho. Hag e tistroiot d'ar vro a zo deoc'h da berc'hennañ anezhi, an hini en deus roet deoc'h Moizez servijer an AOTROU en tu-mañ d'ar Jordan, war-zu ar sav-heol.

Jozue 1:5

Den ne zalc'ho dirazout e-pad holl zeizioù da vuhez; me a vo ganit evel ma'z on bet gant Moizez, ne zilaoskin ket ac'hanout, ne zilezin ket ac'hanout.

Jozue 11:12

Jozue a gemeras ivez holl gêrioù ar rouaned-se, gant o holl rouaned, hag e lazhas anezho gant barvenn ar c'hleze; hag o lakaas da verz, evel m'en doa gourc'hemennet Moizez servijer an AOTROU .

Jozue 11:23

Jozue a gemeras eta an holl vro hervez kement en doa lavaret an AOTROU da Voizez; Jozue a roas anezhi da Israel evel hêrezh, hervez o meuriad pep a lodenn. Hag ar vro a voe sioul hep brezel.

Jozue 11:8

An AOTROU a lakaas anezho etre daouarn Israel, a bilas anezho hag a redas war o lerc'h betek Sidon ar Vras ha betek Misrefod-Maim, ha betek traonienn Vizpa war-zu ar sav-heol; o filet o deus en doare na lezjont den da dec'hout kuit.

Jozue 2:24

Hag e lavarjont da Jozue: A-dra-sur an AOTROU en deus lakaet an holl vro etre hon daouarn, holl annezidi ar vro o deus kollet kalon dirazomp.

Jozue 22:4

Bremañ an AOTROU ho Toue en deus roet diskuizh d'ho preudeur, evel m'en doa lavaret. Distroit eta bremañ, kit d'ho teltennoù, d'ar vro a zo deoc'h, an hini en deus roet deoc'h Moizez servijer an AOTROU en tu all d'ar Jordan.

Jozue 22:9

Mibien Ruben, mibien Gad hag hanter-veuriad Manase a zistroas hag a yeas kuit a-zigant mibien Israel, eus Silo a zo e bro Ganaan, evit mont da vro C'halaad, d'ar vro a berc'hennent, e-lec'h m'o doa bet o dalc'h, hervez gourc'hemenn an AOTROU dre c'henoù Moizez.

Jozue 23:1

Pell amzer goude m'en doa roet an AOTROU diskuizh da Israel eus e holl enebourien a oa en-dro dezhañ, Jozue a oa kozh hag oadet bras,