Jozue 15:11 - Bibl Koad 21: Ar Bibl e Brezhoneg evit ar Vretoned

¹¹ hag en em astenne an harz e tu hanternoz Ekron, hag ez ae da gavout Shikron, hag e tremene dre venez Baala, hag ez ae da Jabneel, hag an harz a zeue d'ar mor.

Jozue 15:11 Referencias Cruzadas

2 Rouned 1:16

Hag e lavaras dezhañ: Evel-henn e komz an AOTROU: Peogwir ec'h eus kaset kannaded da c'houlenn ali digant Baal-Zebub doue Ekron, evel na vije Doue ebet en Israel evit goulenn digant e gomz, ne ziskenni ket diwar ar gwele ma'z out pignet warnañ, met a-dra-sur e varvi.

2 Rouned 1:6

Hag e respontjont: Un den a zo pignet en arbenn deomp hag en deus lavaret deomp: Kit, distroit da gavout ar roue en deus ho kaset, ha lavarit dezhañ: Evel-henn e komz an AOTROU: Ha n'eus Doue ebet en Israel, pa gasez da c'houlenn ali digant Baal-Zebub doue Ekron? En abeg da-se, ne ziskenni ket diwar ar gwele ma'z out pignet warnañ, met a-dra-sur e varvi.

2 Danevelloù 26:6

Mont a reas d'ober brezel a-enep ar Filistined, hag e reas toulloù-freuz e moger Gad, moger Jabne ha moger Asdod, hag e savas kêrioù e bro Asdod hag e-touez ar Filistined.

Niveroù 34:6

Diwar-benn harz ar c'huzh-heol, ar Mor Bras a vo an harz evidoc'h, hoc'h harz kornog e vo.

Jozue 15:10

hag e troe an harz eus Baala d'ar c'huzh-heol war-zu menez Seir, hag e tremene en hanternoz menez Jearim, a zo Kesalon, hag e tiskenne da Vet-Shemesh, hag e tremene dre Dimna,

Jozue 15:12

An harz kornôg a oa ar Mor Bras hag e ribl. Evel-se e voe harzoù mibien Juda, a bep tu, hervez o ziegezhioù.

Jozue 15:45

Ekron, gant he c'hêrioù hag he c'hêriadennoù,

Jozue 15:9

hag en em astenne an harz eus lein ar menez da gavout mammenn doureier Neftoa, hag ez ae da gavout kêrioù menez Efron, hag e plege an harz war-zu Baala, a zo Kirjad-Jearim,

Ar Varnerien 1:18

Juda a dapas ivez Gaza gant he ziriad, Askelon gant he ziriad, Ekron gant he ziriad.

1 Samuel 17:52

Tud Israel ha Juda a savas, a laoskas kriadennoù a levenez, hag a redas war-lerc'h ar Filistined betek digor an draonienn ha betek dorioù Ekron. Hag ar Filistined gloazet d'ar marv a gouezhas war hent Shaaraim betek Gad ha betek Ekron.

1 Samuel 5:10

Kas a rejont eta arc'h Doue da Ekron. Pa erruas arc'h Doue en Ekron, an Ekroniz a grias o lavarout: Degaset o deus deomp arc'h Doue Israel, evit hol lakaat da vervel, ni hag hor pobl!

1 Samuel 5:8

Hag e kerc'hjont hag e tastumjont holl briñsed ar Filistined, hag e lavarjont: Petra a raimp gant arc'h Doue Israel? Hag e respontjont: Ra vo kaset arc'h Doue Israel betek Gad. Hag e tezougjont arc'h Doue Israel.

1 Samuel 7:14

Ar c'hêrioù bet tapet gant ar Filistined digant Israel a zistroas da Israel, adalek Ekron betek Gad, gant o ziriadoù. Israel o dieubas eus dorn ar Filistined, hag e voe peoc'h etre Israel hag an Amoreaned.