Jozue 11:23 - Bibl Koad 21: Ar Bibl e Brezhoneg evit ar Vretoned

²³ Jozue a gemeras eta an holl vro hervez kement en doa lavaret an AOTROU da Voizez; Jozue a roas anezhi da Israel evel hêrezh, hervez o meuriad pep a lodenn. Hag ar vro a voe sioul hep brezel.

Jozue 11:23 Referencias Cruzadas

Nehemia 9:24

O mibien a zeuas e-barzh hag a berc'hennas ar vro, izelaet ec'h eus dirazo ar Gananeiz, annezidi ar vro, hag o lakaet ec'h eus etre o daouarn, gant o rouaned ha pobloù ar vro, evit ma rafent dezho hervez o c'hoant.

Salmoù 46:9

Deuit ha gwelit oberennoù an AOTROU, an distrujoù en deus graet war an douar.

Ermaeziadeg 34:11

Laka evezh d'ar pezh a c'hourc'hemennan dit hiziv. Setu, ez an da gas kuit dirazout an Amoreaned, ar Gananeiz, an Hitited, ar Ferezianed, an Hevianed hag ar Jebuziz.

Ezekiel 45:8

E zouar e vo, e berzh en Israel, ha va friñsed ne waskint ken va fobl. Hag e lezint ar vro da di Israel, hervez e veuriadoù.

Adlezenn 1:38

Jozue mab Nun, da servijer, a yelo enni; kaloneka anezhañ rak eñ eo a lakaio Israel da berc'hennañ e hêrezh.

Adlezenn 25:19

P'en devo roet diskuizh an AOTROU da Zoue dit eus da holl enebourien tro-war-dro, er vro a ro dit an AOTROU da Zoue evel hêrezh evit he ferc'hennañ, e tiverki eñvor Amalek a-zindan an neñv. N'ankounac'ha ket!

Jozue 11:18

Jozue a reas ar brezel a-enep an holl rouaned-se e-pad pell amzer.

Jozue 12:7

Setu rouaned ar vro a voe trec'het gant Jozue ha gant mibien Israel en tu-mañ d'ar Jordan, etrezek ar c'huzh-heol, adalek Baal-Gad e traonienn al Liban betek Menez Halak a bign da Seir; Jozue a roas da berc'hennañ da veuriadoù Israel, pep a lodenn,

Jozue 18:10

Jozue a daolas ar sord evito e Silo dirak an AOTROU , ha Jozue a lodennas eno ar vro da vibien Israel, pep e lodenn.

Jozue 22:4

Bremañ an AOTROU ho Toue en deus roet diskuizh d'ho preudeur, evel m'en doa lavaret. Distroit eta bremañ, kit d'ho teltennoù, d'ar vro a zo deoc'h, an hini en deus roet deoc'h Moizez servijer an AOTROU en tu all d'ar Jordan.

Jozue 23:1

Pell amzer goude m'en doa roet an AOTROU diskuizh da Israel eus e holl enebourien a oa en-dro dezhañ, Jozue a oa kozh hag oadet bras,