Jozue 11:14 - Bibl Koad 21: Ar Bibl e Brezhoneg evit ar Vretoned

¹⁴ Mibien Israel a breizhas evito holl ziwisk ar c'hêrioù-se hag al loened. Lazhañ a rejont gant barvenn ar c'hleze an holl dud betek ma vefent distrujet holl; ne voe lezet netra eus ar re a anale.

Jozue 11:14 Referencias Cruzadas

2 Danevelloù 20:25

Evel-se Jozafad hag e bobl a zeuas da gemer o freizh, hag e kavjont e-touez ar c'horfoù marv pinvidigezhioù e-leizh ha traoù prizius, hag e kemerjont kement, ken ne voent ket evit o dougen. Hag e voent tri devezh o tastum ar preizh, rak bras e oa.

Niveroù 31:9

Mibien Israel a zegasas gwragez Madian evel prizoniadezed, gant o bugaligoù, hag e preizhjont o holl loened, o holl dropelloù hag o holl vadoù.

Adlezenn 20:14

Kemer a ri hepken evidout ar gwragez, ar vugaligoù, al loened ha kement a vo e kêr, hec'h holl ziwisk, hag e tebri diwisk da enebourien en devo roet an AOTROU da Zoue dit.

Adlezenn 20:16

Met e kêrioù ar pobloù-mañ a ro dit an AOTROU da Zoue evel hêrezh, ne lezi da vevañ netra eus ar pezh en deus c'hwezh ennañ.

Jozue 10:40

Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 11:11

Lazhañ a rejont gant barvenn ar c'hleze an holl dud a oa enni, hag e lakajont anezhi da verz; ne chomas netra eus ar pezh a anale, hag e voe devet Hazor en tan.

Jozue 11:13

Met Israel ne zevas hini ebet eus ar c'hêrioù a oa war ur c'hrec'h, nemet Hazor hepken a voe devet gant Jozue.

Jozue 11:15

Evel m'en doa gourc'hemennet an AOTROU da Voizez e servijer, evel m'en doa gourc'hemennet Moizez da Jozue, evel-se e reas Jozue. Ne lamas netra eus ar pezh en doa gourc'hemennet an AOTROU da Voizez.

Jozue 8:2

Ober a ri da Ai ha d'e roue evel ma ec'h eus graet da Jeriko ha d'e roue, nemet e kemerot evidoc'h ar preizh hag al loened. Laka ur ged ouzh kêr, en a-dreñv.

Jozue 8:27

Nemet e preizhas an Israeliz evito al loened ha diwisk kêr, hervez ar gomz en doa gourc'hemennet an AOTROU da Jozue.