Jozue 10:40 - Bibl Koad 21: Ar Bibl e Brezhoneg evit ar Vretoned

⁴⁰ Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 10:40 Referencias Cruzadas

1 Rouaned 15:29

Kerkent ha ma voe roue, e skoas war holl di Jeroboam, ha ne lezas ene ebet da Jeroboam hep e zistrujañ, hervez ar gomz en doa an AOTROU disklêriet dre e servijer Akija eus Silo,

Nehemia 9:24

O mibien a zeuas e-barzh hag a berc'hennas ar vro, izelaet ec'h eus dirazo ar Gananeiz, annezidi ar vro, hag o lakaet ec'h eus etre o daouarn, gant o rouaned ha pobloù ar vro, evit ma rafent dezho hervez o c'hoant.

Salmoù 9:17

An AOTROU a zo en em roet da anavezout, graet en deus ar varnedigezh, an hini drouk a zo en em ereet e labour e zaouarn.  Seniñ-binvioù. Ehan

Ermaeziadeg 34:12

En em vir d'ober emglev gant tud ar vro emaout o vont enni, gant aon na vint ur stign evidout.

Niveroù 13:17

Moizez a gasas anezho evit spiañ bro Ganaan hag a lavaras: Pignit amañ dre ar c'hreisteiz, pignit war ar menez,

Adlezenn 1:7

Distroit hag it kuit, deuit war-zu menez an Amoreaned hag el lec'hioù tro-dro, d'ar blaenenn, d'ar menez, d'an draonienn, d'ar c'hreisteiz, da aod ar mor, da vro ar Gananeiz, d'al Liban betek ar stêr vras, ar stêr Efratez.

Adlezenn 2:34

Kemeret hon eus e holl gêrioù ha lakaet hon eus anezho da verz, gwazed, gwragez, bugale, ha ne chomas den ebet.

Adlezenn 7:24

Hag e lakaio e rouaned etre da zaouarn, hag e tilami o anv a-zindan an neñvoù, den ne zalc'ho dirazout betek ma vint aet da get.

Jozue 10:35

Hag he c'hemerjont en deiz-se, hag e skojont warni gant troc'h ar c'hleze. Lakaat a reas da verz en deiz-se an holl dud a oa enni, evel m'en doa graet da Lakish.

Jozue 10:37

Hag he c'hemerjont, hag e skojont warni gant troc'h ar c'hleze, war he roue, war hec'h holl gêriadennoù ha war an holl dud a oa enno, ha ne lezas den da dec'hout kuit, evel m'en doa graet da Eglon. He lakaas da verz gant an holl dud a oa enni.

Jozue 10:39

Hag he c'hemeras gant he roue hag hec'h holl gêriadennoù, hag e skojont warno gant troc'h ar c'hleze. Lakaat a reas da verz an holl dud a oa enno, ha ne lezas den da dec'hout kuit; hag e reas da Zebir ha d'he roue evel m'en doa graet da Hebron hag evel m'en doa graet da Libna ha d'he roue.

Jozue 11:16

Jozue a gemeras eta an holl vro-se, ar menez, an holl greisteiz, holl vro C'hoshen, an draonienn, ar blaenenn, menez Israel gant e draoniennoù,

Jozue 12:8

ar menezioù, an traoniennoù, ar plaenennoù, ar c'hrec'hioù, ar gouelec'h hag ar c'hreisteiz, e-lec'h ma oa an Hitited, an Amoreaned, ar Gananeiz, ar Ferezianed, an Hevianed hag ar Jebuziz.

Jozue 18:21

Kêrioù meuriad mibien Benjamin a oa, hervez o ziegezhioù: Jeriko, Bet-Holga, Emek-Keziz,

Jozue 6:17

Kêr a vo lakaet da verz, hi ha kement a zo enni, evit an AOTROU . Met Rahab ar c'hast a vevo, hi hag an holl re a vo ganti en ti, rak kuzhet he deus ar gannaded hor boa kaset.

Jozue 8:2

Ober a ri da Ai ha d'e roue evel ma ec'h eus graet da Jeriko ha d'e roue, nemet e kemerot evidoc'h ar preizh hag al loened. Laka ur ged ouzh kêr, en a-dreñv.

Jozue 8:27

Nemet e preizhas an Israeliz evito al loened ha diwisk kêr, hervez ar gomz en doa gourc'hemennet an AOTROU da Jozue.

Jozue 9:24

Neuze e respontjont da Jozue o lavarout: Lavaret eo bet da'z servijerien penaos an AOTROU da Zoue en doa gourc'hemennet da Voizez e servijer, reiñ deoc'h an holl vro ha lakaat d'ar marv he holl dud dirazoc'h, hag hon eus bet aon-meurbet evit hor buhez dirazoc'h, hag hon eus graet kement-se.