Jozue 10:36 - Bibl Koad 21: Ar Bibl e Brezhoneg evit ar Vretoned

³⁶ Neuze Jozue hag holl Israel gantañ a bignas eus Eglon da Hebron, hag e vrezeljont outi.

Jozue 10:36 Referencias Cruzadas

Geneliezh 13:18

Neuze Abram a zougas e deltennoù hag a zeuas da chom e dervennoù Mamre, a zo en Hebron. Hag e savas eno un aoter d'an AOTROU.

1 Danevelloù 12:23

Setu amañ niveradeg an dud harnezet evit an arme a zeuas da gavout David da Hebron, evit reiñ dezhañ rouantelezh Saül, hervez urzh an AOTROU:

1 Danevelloù 12:28

ha Zadok, den yaouank kreñv ha kalonek, ha daou benn-brezel warn-ugent eus ti e dad;

2 Danevelloù 11:10

Zorea, Ajalon hag Hebron, a oa kêrioù kreñv e Juda hag e Benjamin.

Niveroù 13:22

Pignat a rejont dre ar c'hreisteiz hag e teujont betek Hebron, e-lec'h ma oa Ahiman, Sheshai ha Talmai, mibien Anak. Hebron a oa bet savet seizh vloaz a-raok Zoan en Ejipt.

Jozue 10:3

Adoni-Zedek roue Jeruzalem a gasas da gavout Hoham roue Hebron, Piram roue Jarmud, Jafia roue Lakish ha Debir roue Eglon, da lavarout:

Jozue 10:35

Hag he c'hemerjont en deiz-se, hag e skojont warni gant troc'h ar c'hleze. Lakaat a reas da verz en deiz-se an holl dud a oa enni, evel m'en doa graet da Lakish.

Jozue 10:37

Hag he c'hemerjont, hag e skojont warni gant troc'h ar c'hleze, war he roue, war hec'h holl gêriadennoù ha war an holl dud a oa enno, ha ne lezas den da dec'hout kuit, evel m'en doa graet da Eglon. He lakaas da verz gant an holl dud a oa enni.

Jozue 10:5

Ar pemp roue eus an Amoreaned: roue Jeruzalem, roue Hebron, roue Jarmud, roue Lakish, roue Eglon, en em zastumas hag a bignas gant o holl luioù, hag e kampjont a-enep Gabaon, hag e vrezeljont outi.

Jozue 15:13

Roet e voe da Galeb mab Jefune ul lodenn e-touez mibien Juda, hervez gourc'hemenn an AOTROU da Jozue, Kirjad-Arba, a zo Hebron; Arba a oa tad Anak.

Jozue 15:54

Humta, Kirjad-Arba, a zo Hebron, Zior. Ar c'hêrioù-se: nav, gant o c'hêriadennoù.

Jozue 21:13

roet e voe eta da vibien Aaron an aberzhour ar gêr-repuiñ evit ar vuntrerien Hebron gant he douaroù, Libna gant he douaroù,

Ar Varnerien 1:10

Juda yeas a-enep ar Gananeiz a oa o chom en Hebron, anv Hebron a oa diagent Kirjad-Arba, ha Juda a bilas Sheshai, Ahiman ha Talmai.

Ar Varnerien 1:20

Evel m'en doa lavaret Moizez, Hebron a voe roet da Galeb, hag e kasas kuit ac'hane tri mab Anak.