Joel 3:9 - Bibl Koad 21: Ar Bibl e Brezhoneg evit ar Vretoned

⁹ Embannit kement-mañ e-touez ar broadoù: Kempennit ar brezel, dihunit an dud kreñv, ra dostaio ha ra bigno an holl dud a vrezel!

Joel 3:9 Referencias Cruzadas

Salmoù 96:10

Lavarit e-touez ar broadoù: An AOTROU a ren, setu perak eo start ar bed ha ne vrañsell ket. Barn a raio ar pobloù gant eeunder.

Izaia 34:1

Tostait, broadoù, da selaou! Ha c'hwi, pobloù, bezit evezhiek! Ra selaouo an douar, ha kement a zo ennañ! Ar bed ha kement a zeu diwarnañ!

Jeremiaz 31:10

Broadoù, selaouit komz an AOTROU, he c'hemennit d'an inizi pell, lavarit: An hini en deus stlabezet Israel en dastumo hag en diwallo evel ur mêsaer e dropell.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Jeremiaz 51:11

Lemmit ar biroù, kemerit ar skoedoù! An AOTROU en deus dihunet spered rouaned Media, dre ma fell dezhañ distrujañ Babilon, amañ emañ veñjañs an AOTROU, veñjañs e dempl.

Jeremiaz 51:27

Savit ur banniel war an douar, sonit ar shofar e-touez ar broadoù, kempennit a-enep dezhi ar broadoù, galvit a-enep dezhi rouantelezhioù Ararad, Minni hag Ashkenaz, lakait a-enep dezhi pennoù, grit d'ar c'hezeg pignat evel kilheien-raden a-bik.

Jeremiaz 6:4

Kempennit ar brezel a-enep dezhi! Deomp! Pignomp e-kreiz an deiz! Siwazh, an deiz a ziskenn, hag ec'h astenn skeudoù an abardaez.

Ezekiel 38:17

Evel-henn e komz an Aotrou AOTROU: Ha n'eo ket diwar da benn em eus komzet gwechall, dre va servijerien profeded Israel, o deus profedet neuze e-pad bloavezhioù e rin dit dont a-enep dezho?

Ezekiel 38:7

Bez prest, en em gempenn, te hag an holl engroez dastumet en-dro dit, bez o gward!

Mika 3:5

Evel-henn e komz an AOTROU a-enep ar brofeded a laka va fobl da ziankañ, ar re a embann ar peoc'h p'o deus o dent peadra da gregiñ, hag a gempenn ar brezel a-enep an den na laka netra en o genoù:

Agge 2:7

Hag e vrañsellin an holl vroadoù, hag e teuio teñzorioù an holl vroadoù, hag e leugnin an ti-mañ a c'hloar, eme AOTROU an armeoù.

Zakaria 14:2

Dastum a rin an holl vroadoù a-enep Jeruzalem evit ober brezel dezhi, hag ar gêr a vo kemeret, an tiez a vo skrapet, ar gwragez a vo gwallet, un hanter eus kêr a yelo en harlu, met un nemorant eus ar bobl ne vo ket lamet eus kêr.

Zakaria 14:3

An AOTROU a yelo er-maez hag a stourmo a-enep ar broadoù-se, evel p’en deus stourmet da zeiz an emgann.