Joel 3:13 - Bibl Koad 21: Ar Bibl e Brezhoneg evit ar Vretoned

¹³ Lakait ar falz, rak darev eo an eost. Deuit ha mac'hit, rak ar waskell a zo leun, ar beolioù a fenn, rak o fallentez a zo bras.

Joel 3:13 Referencias Cruzadas

Geneliezh 13:13

Tud Sodom a oa fall ha pec'herien bras dirak an AOTROU.

Geneliezh 15:16

D'ar bedervet lignez, e tistroint amañ, rak direizhder an Amoreaned n'eo ket c'hoazh leuniet.

Geneliezh 18:20

An AOTROU a lavaras: Ar c'hri a-enep Sodom ha Gomora a zo kresket hag o fec'hed a zo bras-meurbet.

Izaia 17:5

Bez' e vo evel pa zastum ar meder an ed, da droc'hañ gant e vrec'h an tañvouez, hag e vo evel pa vez kemeret an tañvouez e traonienn ar Refaim.

Izaia 63:3

Bet on va-unan o jaodriñ er waskell, hag a-douez ar pobloù hini ebet ne oa ganin. O mac'het em eus em c'hounnar, o bruzunet em eus em fulor, o gwad en deus strinket war va dilhad ha mastaret em eus va holl wiskamantoù.

Jeremiaz 51:33

Rak evel-henn e komz AOTROU an armeoù, Doue Israel: Merc'h Babilon a zo evel ul leur en amzer ma vez mac'het, c'hoazh un nebeudig hag e teuio amzer hec'h eost.

Klemmganoù 1:15

An AOTROU en deus diskaret an holl dud kreñv em c'hreiz. Galvet en deus un emvod em enep, evit distrujañ va zud yaouank. An AOTROU en deus jaodret er waskell ar werc'hez merc'h Juda.

Ozea 6:11

Evidout ivez, Juda, ez eus un eost aozet, pa rin distreiñ re zalc'het va fobl.

Mazhev 13:39

an enebour en deus e hadet eo an diaoul; an eost eo fin ar bed; ar vederien eo an aeled.

Sant Marc 4:29

Ha pa vez darev ar frouezh, e lakaer raktal ar falz ennañ dre ma’z eo prest an eost.

Adlezenn 16:9

Kontañ a ri seizh sizhun; adalek ma vo kroget gant ar falz en edeier, en em lakai da gontañ ar seizh sizhun-se,

Apocalyps 14:14

Me a sellas ha setu, e oa ur goabrenn wenn, ha war ar goabrenn unan bennak azezet a oa heñvel ouzh Mab an den, o kaout war e benn ur gurunenn aour hag en e zorn ur falc’h lemm.

Apocalyps 19:15

Eus e c’henoù e teu ur c’hleze lemm evit skeiñ ar broadoù, rak gouarn a raio anezho gant ur wialenn houarn hag e wasko beol gwin kounnar daer an Doue holl-c’halloudek.