Jeremiaz 9:22 - Bibl Koad 21: Ar Bibl e Brezhoneg evit ar Vretoned

²² Lavar: Evel-henn e komz an AOTROU: Korfoù marv an dud a gouezho evel teil war ar parkeier, evel un dornad tañvouez war-lerc'h an eoster, hep den d'o dastum.

Jeremiaz 9:22 Referencias Cruzadas

2 Rouned 20:13

Ezekiaz a selaouas outo, hag e tiskouezas dezho ti e draoù prizius, an arc'hant, an aour, al louzoù-frondus, an eoul prizius, e harnezioù, kement en em gave en e deñzorioù. Ne voe netra a gement na ziskouezas ket Ezekiaz en e di pe en e holl zomani.

2 Rouned 20:15

Neuze e lavaras: Petra o deus gwelet ez ti? Ezekiaz a respontas: Gwelet o deus kement a zo em zi, n'eus netra em zeñzorioù ha na'm eus ket diskouezet dezho.

2 Rouned 9:37

ha korf Jezabel a vo evel teil war ar parkeier eus douaroù Jizreel, e doare ma ne c'hello den lavarout: Amañ emañ Jezabel.

Levr Job 5:13

Eñ a dap ar re fur en o gwidre, ha c'hoantoù ar re zrouk a zo diskaret,

Salmoù 49:7

Fiziout a reont en o madoù, hag e tennont gloar eus fonnusted o finvidigezh.

Salmoù 83:10

Gra dezho evel da Vadian, evel da Sisera, evel da Jabin e froud Kison,

Krennlavarioù 18:11

Madoù ar pinvidig a zo e gêr greñv, hag evel ur voger uhel en e soñj.

Krennlavarioù 23:4

Na labour ket evit bezañ pinvidik, na laka ket da boell e kement-se.

Izaia 5:25

Setu perak fulor an AOTROU en em danas a-enep e bobl, astennet en deus e zorn warno ha skoet ganto, ar menezioù o deus krenet, o c'horfoù marv a oa evel teil e-kreiz ar straedoù. En desped da gement-se e fulor ne harz ket, e zorn a chom bepred astennet.

Jeremiaz 16:4

Mervel a raint dre varv ar c'hleñvedoù, ne vint na gouelet na sebeliet, met evel teil e vint war-c'horre an douar; distrujet e vint dre ar c'hleze ha dre an naonegezh, hag o c'horfoù marv a vo boued da laboused an neñvoù ha da loened an douar.

Jeremiaz 25:33

Ar re a vo lazhet gant an AOTROU en deiz-se a vo astennet eus ur penn d'an douar d'egile, ne vo ket gouelet warno, ne vint ket dastumet na sebeliet, met evel teil e vint war-c'horre an douar.

Jeremiaz 6:21

Setu perak evel-henn e komz AOTROU: Setu, emaon o vont da lakaat dirak ar bobl-mañ mein-kouezh, hag e kouezho en o enep tadoù ha mibien a-gevret, amezeien ha mignoned, hag ez aint da goll.

Jeremiaz 7:33

Korfoù marv ar bobl-mañ a vo boued da laboused an neñvoù ha da loened an douar, ha ne vo den da drubuilhañ anezho.

Jeremiaz 8:2

Astennet e vint dirak an heol, dirak al loar ha dirak holl arme an neñvoù, o deus karet, o deus servijet, o deus kerzhet war o lerc'h, o deus klasket, hag o deus stouet dirazo. Ne vint ket dastumet na sebeliet, hag e vint evel teil war-c'horre an douar.

Habakuk 1:11

Neuze e treuz evel an avel, tremen a ra e-biou hag en em laka kablus. He nerzh eo he doue.

Sofonia 1:17

Lakaat a rin an dud en estrenvan, hag e kerzhint evel dalled, dre m'o deus pec'het a-enep an AOTROU. Hag o gwad a vo skuilhet evel ar poultr, hag o c'hig evel lastez.

Adlezenn 8:17

Ra ne lavari ket ez kalon: Va nerzh ha galloud va dorn o deus prenet din ar madoù-se.