Jeremiaz 9:2 - Bibl Koad 21: Ar Bibl e Brezhoneg evit ar Vretoned

² O! Perak ne'm eus ket er gouelec'h ul lochenn evit beajour? Dilezel a rafen va fobl hag ez afen pell diganto, rak holl int avoultrerien hag ur vandenn c'hanazed.

Jeremiaz 9:2 Referencias Cruzadas

Izaia 59:3

Rak ho taouarn a zo saotret gant gwad hag ho pizied gant direizhder, ho muzelloù a lavar gevier, ho teod a zistag fallagriezh.

Jeremiaz 12:1

Re reizh ez out, AOTROU, evit ma kavfen abeg ennout, koulskoude e komzin diwar-benn da varnedigezhioù. Perak e ra berzh hent ar re fall? Perak emañ e peoc'h an holl douellerien?

Jeremiaz 12:6

Rak da vreudeur zoken ha ti da dad, ar re-se zo bet touellus ez keñver, ar re-se o deus kriet a-leizh-korzenn war da lerc'h. Na gred ket anezho, ha pa gomzont zoken en un doare c'hwek ouzhit.

Jeremiaz 13:22

Ha mar lavarez ez kalon: Perak e c'hoarvez ganin an traoù-se? En abeg da vraster da zireizhder eo adsavet pastelloù da zilhad ha gwallgaset da seulioù.

Jeremiaz 23:10

Rak ar vro a zo leun a avoultrerien, ar vro a zo e kañv en abeg d'ar vallozh, peurvanoù ar gouelec'h a zo krazet. O redadenn n'a nemet d'ar fall, hag o nerzh d'ar pezh n'eo ket eeun.

Jeremiaz 4:22

Va fobl a zo diskiant, n'anavezont ket ac'hanon. Mibien sot, diboell, barrek d'ober an droug, n'ouzont ket ober ar mad.

Jeremiaz 5:1

Kit da bourmen dre straedoù Jeruzalem, sellit, eveshait, klaskit war al leurennoù, mar kavit un den, unan hepken, oc'h ober ar reizhder hag o klask ar wirionez, e pardonin dezhi.

Jeremiaz 5:11

Rak ti Israel ha ti Juda a zo en em renet evel trubarded em c'heñver, eme an AOTROU.

Jeremiaz 5:2

Zoken pa lavaront: Bev eo an AOTROU! e gaou eo e touont.

Ozea 4:2

N'eus nemet sakreoù, gevier, muntroù, laeroñsioù hag avoultriezh. Freuzañ a reont dreist pep muzul, ul lazh a stok ouzh ul lazh all.

Ozea 5:7

Bet int fall e-keñver an AOTROU, rak ganet o deus mibien diavaeziek. Bremañ al loar nevez o lonko gant o madoù.

Ozea 6:7

Met evel Adam o deus torret va emglev, eno ez int bet difeal em c'heñver.

Ozea 7:4

Holl ez int avoultrerien, heñvel ouzh ur forn tommet gant ur baraer, a baouez da c'hwezhañ an tan adalek ma'z eo mezet an toaz betek ma'z eo goet.

Mika 6:12

Rak he re binvidik a zo leun a feulster, hec'h annezidi a lavar gevier, hag un teod touellus o deus en o genoù.

Sofonia 3:4

He frofeded a zo rok ha tud fall, hec'h aberzhourien o deus saotret an traoù santel, gwallerien int e-keñver al lezenn.

Malaki 2:11

Juda en deus graet an droug, un euzhusted a zo bet graet en Israel hag e Jeruzalem. Rak Juda en deus disakret ar pezh a oa santelaet d'an AOTROU, ar pezh a gare, hag en deus dimezet gant merc'h un doue estren.

Malaki 2:14

Hag e lavarit: Perak? Dre ma'z eo bet an AOTROU test etrezout ha gwreg da yaouankiz, an hini ma'z out bet disleal en he c'heñver, petra bennak ma'z eo da genseurtez ha gwreg da emglev.

S. Jakes 4:4

Tud ha gwragez avoultr, ha n’ouzoc’h ket penaos karantez ar bed a zo enebiezh ouzh Doue? An neb eta a fell dezhañ bezañ mignon d’ar bed en em ra enebour da Zoue.

Ar Varnerien 2:10

Hag an holl rummad-se a oa bet dastumet da gavout o zadoù, ha war o lerc'h e savas ur rummad all n'anavezent ket an AOTROU, nag an oberoù en doa graet evit Israel.