Jeremiaz 8:16 - Bibl Koad 21: Ar Bibl e Brezhoneg evit ar Vretoned

¹⁶ Diouzh tu Dan e vez klevet c'hwirinadeg e gezeg, an holl zouar a gren gant trouz gourriziadennoù e re greñv. Dont a reont da zebriñ ar vro hag ar pezh a zo enni, kêr hag ar re a zo o chom enni.

Jeremiaz 8:16 Referencias Cruzadas

Levr Job 39:20

Hag e c'hellez ober dezhañ lammat evel ar c'hilhog-raden? E c'hwirinadenn a zo spontus.

Salmoù 24:1

Salm David. D'an AOTROU eo an douar ha kement a zo ennañ, ar bed hag ar re a zo o chom ennañ.

Jeremiaz 10:25

Skuilh da fulor war ar broadoù na'z anavezont ket, ha war an tiegezhioù na c'halvont ket da anv, rak lonket o deus Jakob, e lonket o deus, e guzumet o deus, ha gwastet o deus e chomlec'h.

Jeremiaz 3:24

Ar vezh he deus debret labour hon tadoù adalek hor yaouankiz, o deñved hag o saout, o mibien hag o merc'hed.

Jeremiaz 30:16

Koulskoude an holl re a zebr ac'hanout a vo debret, ha da holl enebourien, holl anezho, a yelo d'ar sklavelezh. Ar re a ziwisk ac'hanout a vo diwisket, hag ar re a breizh ac'hanout a vo roet d'ar breizhadeg.

Jeremiaz 30:5

Evel-henn e komz an AOTROU: Klevet hon eus ur vouezh a spouron, emañ ar spont, ha n'eus ket a beoc'h.

Jeremiaz 4:24

Sellout a ran ouzh ar menezioù, ha setu e vrañsellont, hag an holl grec'hioù a zo hejet.

Jeremiaz 4:7

Al leon a bign er-maez eus e doull, distrujer ar broadoù a zo o kerzhout, deuet eo kuit eus e lec'h, evit ober eus da vro ur glac'har. Da gêrioù a vo distrujet, ha ne vo den o chom enno.

Jeremiaz 47:3

En abeg da drouz tregernus karnioù e virc'hed galloudek, en abeg da storlok e girri, en abeg da dourni e rodoù, an tadoù ne droint ket etrezek o mibien, ken laosk ma teuio o daouarn.

Jeremiaz 5:17

Lonkañ a raio da eost ha da vara, lonkañ a raio da vibien ha da verc'hed, lonkañ a raio da zeñved ha da ejened, lonkañ a raio da winienn ha da wezenn-fiez, distrujañ a raio gant ar c'hleze da gêrioù kreñv ma fizies enno.

Jeremiaz 50:42

Kemer a raint ar wareg hag al lañs, garv ez int ha didruez, o mouezh a groz evel ar mor, ha pignet war gezeg-red, int renket evel un den a vrezel a-enep dit, merc'h Babilon.

Jeremiaz 51:29

An douar a greno hag a vo er poanioù, rak pep mennad an AOTROU a-enep Babilon a vo graet, evit lakaat bro Vabilon da vezañ ur gouelec'h hep tud.

Jeremiaz 6:23

Kemer a raint ar wareg hag al lañs, garv ez int ha didruez, o mouezh a groz evel ar mor, ha pignet war gezeg-red, int renket evel un den a vrezel a-enep dit, merc'h Sion.

Nahum 3:2

Klevet e vez trouz ar skourjez, trouz ar rodoù, ar c'hezeg o pevarlammat, ar c'hirri o krozal.

Habakuk 3:10

Ar menezioù a wel ac'hanout hag a gren. Froudoù herrus en em daol d'an traoñ, an donder a laka e vouezh da dregerniñ, sevel a ra e zaouarn d'an nec'h.

1 Korintiz 10:26

rak: D’an Aotrou eo an douar ha kement a zo ennañ.

1 Korintiz 10:28

Met mar lavar unan bennak deoc’h: An dra-mañ a zo bet aberzhet d’an idoloù, na zebrit ket abalamour d’an hini en deus roet deoc’h an ali-se hag en abeg d’ar goustiañs, rak: D’an Aotrou eo an douar ha kement a zo ennañ.

Ar Varnerien 18:29

Anvet e voe kêr: Dan, hervez anv Dan o zad, a oa bet ganet en Israel. Met anv ar gêr diagent a oa Laish.

Ar Varnerien 20:1

Neuze holl vibien Israel a zeuas er-maez, adalek Dan betek Beer-Sheba ha betek bro C'halaad, hag ar vodadenn en em zastumas evel un den hepken dirak an AOTROU e Mizpa.

Ar Varnerien 5:22

Neuze karnioù ar c'hezeg a dregernas, dre c'haloup, dre c'haloup o re c'halloudek.