Jeremiaz 8:14 - Bibl Koad 21: Ar Bibl e Brezhoneg evit ar Vretoned

¹⁴ Perak e chomomp azezet? Bodadit, deomp d'ar c'hêrioù kreñv, ha bezomp didrouz eno, rak an AOTROU hon Doue en deus graet deomp tevel, ha roet deomp dour ampoezonet da evañ, rak hon eus pec'het a-enep an AOTROU.

Jeremiaz 8:14 Referencias Cruzadas

2 Samuel 20:6

David a lavaras da Abishai: Bremañ Sheba mab Bikri a vo gwashoc'h evidomp eget Absalom. Kemer servijerien da aotrou ha red war e lerc'h, gant aon na gavfe kêrioù kreñv ha n'en em dennfe eus hon daoulagad.

Salmoù 39:2

Lavaret em eus: Eveshaat a rin ouzh va hentoù, evit na bec'hin ket gant va zeod; lakaat a rin ur brid war va genoù, e-keit ha ma vo an den drouk dirazon.

Salmoù 69:21

An dismegañs he deus rannet va c'halon, hag e hirvoudan. Gortozet em eus truez met en aner, frealzerien met n'em eus ket kavet.

Izaia 47:5

Azez sioul, tec'h en deñvalijenn, merc'h ar Galdeiz, rak ne vi ken anvet pennrouanez ar rouantelezhioù.

Jeremiaz 14:20

Anzav a reomp hon drougiezh, AOTROU, direizhder hon tadoù, rak pec'het hon eus a-enep dit.

Jeremiaz 14:7

Mar doug hon direizhder testeni a-enep deomp, gra evit da anv, o AOTROU! Rak hon dianzavadurioù a zo niverus, pec'het hon eus a-enep dit.

Jeremiaz 23:15

Setu perak evel-henn e komz AOTROU an armeoù diwar-benn ar brofeded: Setu ez an d'ober dezho debriñ huelenn hag evañ dour ampoezonet, rak eus profeded Jeruzalem eo en em skuilhet an dizeoliezh en holl vro.

Jeremiaz 3:25

Gourvezet omp en hor mezh, ha goloet gant hon dismegañs! Rak pec'het hon eus a-enep an AOTROU hon Doue, ni hag hon tadoù, adalek hor yaouankiz ha betek hiziv, ha n'hon eus ket sentet ouzh mouezh an AOTROU hon Doue.

Jeremiaz 35:11

Ha pa'z eo pignet Nebukadnezar roue Babilon a-enep ar vro-mañ, hon eus lavaret: Deuit, eomp da Jeruzalem pell diouzh arme ar Galdeiz hag arme Siria, hag ez omp chomet e Jeruzalem.

Jeremiaz 9:14

dre ma o deus heuliet kaleter o c'halon hag ar Baaloù, evel ma oant bet kelennet gant o zadoù.

Jeremiaz 9:15

Setu perak evel-henn e komz AOTROU an armeoù, Doue Israel: Setu e rin d'ar bobl-mañ debriñ huelenn hag evañ dour ampoezonet.

Klemmganoù 3:19

Az pez soñj eus va glac'har hag eus va c'hantreadeg; n'int nemet huelenn ha c'hwervoni.

Leviegezh 10:3

Moizez a lavaras da Aaron: Kement-se eo ar pezh en deus disklêriet an AOTROU en ur lavarout: Santelaet e vin dre ar re a dosta ouzhin hag e vo roet gloar din dirak ar bobl. Aaron a davas.

Amoz 6:10

Ha pa eontr unan marv, hag an hini a zle e deviñ, a gemero anezhañ evit dougen e eskern er-maez eus an ti, hag a lavaro d'an hini a zo chomet e traoñ an ti: Hag ez eus c'hoazh unan bennak war da lerc'h? Neuze e responto: N'eus ken! Hag an eontr a lavaro: Chom sioul. N'eo ket ar c'houlz d'ober anv eus an AOTROU.

Habakuk 2:20

Met emañ an AOTROU e templ e santelezh. Ra davo an douar holl dirazañ.

Zakaria 2:13

Ra davo pep kig dirak an AOTROU! Rak dihunet eo er-maez eus e chomadur santel.

Mazhev 27:34

e rojont dezhañ da evañ gwinegr mesket gant bestl. Ha p’en doe tañvaet, ne fellas ket dezhañ evañ.

Adlezenn 29:18

Ra ne vo ket en ho touez na den, na gwreg, na tiegezh, na meuriad, a zistrofe e galon hiziv diouzh an AOTROU hon Doue evit mont da servijañ doueoù ar broadoù-se. Ra ne vo en ho touez gwrizienn ebet da reiñ ampoezon pe huelenn-c'hwerv.

Adlezenn 32:32

Met o gwinienn a zeu eus gwiniegi Sodom, hag eus douaroù Gomora, o rezin a zo rezin ampoezonet, o blokad a zo c'hwerv,