Jeremiaz 8:1 - Bibl Koad 21: Ar Bibl e Brezhoneg evit ar Vretoned

¹ En amzer-se, eme an AOTROU, e vo taolet eskern rouaned Juda, eskern e briñsed, eskern e aberzhourien, eskern e brofeded hag eskern tud Jeruzalem, er-maez eus o bezioù.

Jeremiaz 8:1 Referencias Cruzadas

1 Rouaned 13:2

Hag e krias a-enep an aoter, a-berzh komz an AOTROU, hag e lavaras: Aoter, aoter, evel-henn e komz an AOTROU: Setu, ur mab a vo ganet e ti David, e anv a vo Jozia, lazhañ a raio warnout aberzhourien an uhellec'hioù a laka da vogediñ warnout, ha devet e vo warnout eskern tud.

2 Rouned 23:16

Ha Jozia, o vezañ en em droet, a welas ar bezioù a oa er menez, hag e kasas da gerc'hat eskern ar bezioù, hag o devas war an aoter. Evel-se e saotras anezhi, hervez komz an AOTROU bet disklêriet dre zen Doue en doa lavaret an traoù-se dirak an holl.

2 Rouned 23:20

Hag ec'h aberzhas war an aoterioù holl aberzhourien an uhellec'hioù, hag e tevas eskern tud warno. Goude e tistroas da Jeruzalem.

2 Rouned 9:37

ha korf Jezabel a vo evel teil war ar parkeier eus douaroù Jizreel, e doare ma ne c'hello den lavarout: Amañ emañ Jezabel.

Salmoù 53:5

Ha n'o deus anaoudegezh ebet ar re a ra ar fallentez? Lonkañ a reont va fobl evel ma tebrer bara, n'aspedont ket Doue.

Jeremiaz 14:16

Hag ar bobl a brofedont dezhi a vo taolet e straedoù Jeruzalem dre an naonegezh ha dre ar c'hleze, ha ne vo den da sebeliañ anezho, nag int nag o gwragez nag o mibien nag o merc'hed, hag e skuilhin warno o drougiezh.

Ezekiel 37:1

Dorn an AOTROU a voe warnon, hag a reas din mont er-maez e Spered an AOTROU, hag am lakaas e-kreiz un draonienn a oa leun a eskern.

Ezekiel 6:4

Hoc'h aoterioù a vo diskaret, ho peulioù-heol a vo bruzunet, hag e lakain da gouezhañ ho lazhidi dirak hoc'h idoloù.

Ezekiel 6:5

Lakaat a rin korfoù marv mibien Israel dirak o idoloù, hag e stlabezin hoc'h eskern en-dro d'hoc'h aoterioù.

Amoz 2:1

Evel-henn e komz an AOTROU: En abeg da deir disentidigezh a-berzh Moab, ha peder zoken, ne zistroin ket diouto, dre m'o deus devet ha pulluc'het eskern roue Edom.