Jeremiaz 6:25 - Bibl Koad 21: Ar Bibl e Brezhoneg evit ar Vretoned

²⁵ N'it ket d'ar parkeier ha na gerzhit ket war an hentoù, rak kleze an enebour hag ar spont a zo e pep lec'h tro-dro.

Jeremiaz 6:25 Referencias Cruzadas

2 Danevelloù 15:5

En amzer-se, ne oa ket a surentez er vro evit ar re a yae hag a zeue, rak trubuilhoù bras a oa e-touez holl dud ar vro.

Levr Job 18:11

Ar spouronoù a sezizo anezhañ a bep tu, war-lerc'h e dreid e redint.

Salmoù 31:13

Ar c'halonoù n'o deus ket soñj ac'hanon evel ma vefen un den marv, bez' on evel ul lestr torret.

Izaia 1:20

met ma ne fell ket deoc'h ha ma'z oc'h disent, e viot lonket gant ar c'hleze, rak genoù an AOTROU en deus komzet.

Jeremiaz 14:18

Mard an d'ar parkeier, setu tud toullet gant ar c'hleze, mar deuan e kêr, setu tud o vervel gant an naon. Ar profed zoken hag an aberzhour a red dre ar vro, hep anavezout da belec'h ez eont.

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 30:5

Evel-henn e komz an AOTROU: Klevet hon eus ur vouezh a spouron, emañ ar spont, ha n'eus ket a beoc'h.

Jeremiaz 4:10

Hag em eus lavaret: A Aotrou AOTROU! E gwirionez ec'h eus touellet ar bobl-mañ ha Jeruzalem, o lavarout: Ar peoc'h ho po! Met ar c'hleze a zeu betek an ene.

Jeremiaz 4:5

Disklêriit e Juda hag embannit e Jeruzalem, sonit ar shofar er vro, youc'hit a vouezh kreñv, lavarit: En em zastumit hag eomp d'ar c'hêrioù kreñv!

Jeremiaz 46:5

Petra 'welan? Spontet int, treiñ a reont o c'hein, o zud kreñv a zo lakaet a-dammoù, hag e tec'hont hep distreiñ. Ar spont a zo a bep tu, eme an AOTROU.

Jeremiaz 49:29

Tapout a raint o zeltennoù hag o zropelloù, kemer a raint o fallennoù, o holl listri hag o c'hañvaled, hag e vo yudet: Spont a bep tu!

Jeremiaz 49:5

Setu ez an da zegas warnout ar spont eus da holl drowardroioù, eme an Aotrou, AOTROU an armeoù, hag e viot kaset pep hini war-eeun dirazañ, ha den ne zastumo an dec'hidi.

Jeremiaz 8:14

Perak e chomomp azezet? Bodadit, deomp d'ar c'hêrioù kreñv, ha bezomp didrouz eno, rak an AOTROU hon Doue en deus graet deomp tevel, ha roet deomp dour ampoezonet da evañ, rak hon eus pec'het a-enep an AOTROU.

Jeremiaz 8:15

Gortoz a raemp ar peoc'h, met n'eus netra vat, amzer ar yec'hed, met setu ar spont.

Klemmganoù 2:22

A bep tu ec'h eus galvet warnon ar spontoù evel d'un deiz gouel. Da zeiz kounnar an AOTROU den n'en deus tec'het na bevet. Ar re am boa mailhuret ha desavet, an enebour en deus o lonket.

Ezekiel 21:17

Kri ha yud, man an den, rak a-enep va fobl eo tennet, a-enep holl briñsed Israel. Roet int d'ar c'hleze, ha va fobl ganto, sko eta war da vorzhed.

Ezekiel 7:18

En em c'hourizañ a raint gant seier, ar spouron o goloio, ar vezh a vo war o holl zremmoù, o holl bennoù a vo touzet.

Sant Lucas 19:43

Rak deizioù a zeuio warnout ma raio da enebourien fozioù en-dro dit, hag e kelc’hint ac’hanout, hag e waskint ac’hanout a bep tu,