Jeremiaz 6:16 - Bibl Koad 21: Ar Bibl e Brezhoneg evit ar Vretoned

¹⁶ Evel-henn e komz an AOTROU: En em zalc'hit war an hentoù ha sellit, klaskit ar gwenodennoù a-wechall; int eo an hent mat ha kerzhit warnañ, hag e kavot diskuizh d'hoc'h eneoù. Met lavarout a reont: Ne gerzhimp ket warno.

Jeremiaz 6:16 Referencias Cruzadas

1 Rouaned 8:36

selaou anezho eus an neñvoù, pardon pec'hed da servijerien ha da bobl Israel, en ur gelenn dezho an hent mat, a zo ret dezho kerzhout gantañ, ha kas glav war an douar ac'h eus roet da hêrezh da'z pobl.

2 Danevelloù 19:11

Ha setu, Amaria an aberzhour-meur a zo lakaet warnoc'h evit holl aferoù an AOTROU, ha Zebadia mab Ismael, priñs ti Juda, evit holl aferoù ar roue, hag evel skribed hoc'h eus al Levited dirazoc'h. Bezit kreñv ha grit evel-se. An AOTROU a vo gant an den a ra vad.

Salmoù 116:7

Distro da'z tiskuizh, va ene, rak an AOTROU en deus graet vad dit.

Izaia 2:5

O tiegezh eus Jakob, deuit ha kerzhit e sklêrijenn an AOTROU!

Izaia 28:12

Lavaret en devoa dezho: Amañ emañ an diskuizh, lezit da ziskuizhañ an hini a zo bec'hiet, amañ emañ an distan. Met n'eo ket bet fellet dezho selaou.

Izaia 30:21

Ha pa'z eot a-zehou pe a-gleiz, da zivskouarn a glevo a-dreñv dit ur vouezh a lavaro: Amañ emañ an hent, kerzhit ennañ.

Izaia 46:9

Ho pet soñj eus traoù kentañ an amzer gozh, rak me a zo Doue ha n'eus ket un doue all, n'eus hini ebet eveldon.

Izaia 57:2

Mont a raio er peoc'h. Diskuizhañ a raio war e wele an hini en devo kerzhet war an hent eeun.

Izaia 8:20

D'al lezenn ha d'an testeni! Ma ne lavaront ket hervez ar gomz-se, gouloù-deiz ebet evito!

Jeremiaz 12:16

Ha mar deskont hentoù va fobl, mar touont dre va anv: An AOTROU a zo bev! evel m'o deus desket da'm fobl touiñ dre Vaal, e vint savet e-kreiz va fobl.

Jeremiaz 18:12

Hag e lavaront: En aner eo! Hor menozioù a heuilhimp, ha pep hini ac'hanomp a raio hervez kaleter e galon fall.

Jeremiaz 18:15

Met va fobl he deus va ankounac'haet, kinniget he deus ezañs d'an avel, derenet int bet da strebotiñ en o hentoù ha da guitaat ar gwenodennoù kozh, evit kerzhout war wenodennoù un hent diverk,

Jeremiaz 2:25

Harz da droad da vezañ divot, ha da c'houzoug da gaout sec'hed. Met lavaret ec'h eus: Dispi eo! Nann, rak karout a ran an diavaezidi, hag ez in war o lerc'h.

Jeremiaz 22:21

Komzet em eus ouzhit en amzer da verzh, hag e lavares: Ne selaouin ket. Setu da hent abaoe da yaouankiz, ne'c'h eus ket selaouet ouzh va mouezh.

Jeremiaz 31:21

Aoz arouezioù ha sav panelloù evidout, taol evezh ouzh an hent, ouzh ar wenodenn ac'h eus aet drezi. Distro, o gwerc'hez Israel, distro d'ar c'hêrioù-se a zo dit!

Jeremiaz 42:3

Ra lavaro an AOTROU da Zoue deomp an hent hon eus da heuliañ hag ar pezh hon eus d'ober.

Jeremiaz 44:16

Diwar-benn ar gomz ac'h eus lavaret deomp en anv an AOTROU, ne selaouimp ket.

Jeremiaz 50:5

Goulenn a raint hent Sion, hag e troint o selloù etrezek enni, o lavarout: Deuit, en em stagit ouzh an AOTROU, dre un emglev peurbadus na vo ket ankounac'haet.

Jeremiaz 7:23

Met setu amañ ar pezh am eus gourc'hemennet ha lavaret dezho: Selaouit ouzh va mouezh hag e vin ho Toue hag e viot va fobl, kerzhit war an holl hentoù a c'hourc'hemennan deoc'h, evit ma'z aio mat an traoù ganeoc'h.

Jeremiaz 7:24

Met n'o deus ket selaouet, n'o deus ket roet o skouarn, heuliet o deus kuzulioù ha kaleter o c'halon fall, hag int en em zistroet a-dreñv e-lec'h dont da'm c'havout.

Jeremiaz 7:3

Evel-henn e komz AOTROU an armeoù, Doue Israel: Adreizhit hoc'h hentoù hag hoc'h oberoù, hag ho lakain da chom el lec'h-mañ.

Malaki 4:4

Ho pet soñj eus lezenn Moizez va servijer, am eus roet dezhañ en Horeb evit Israel a-bezh, ar reolennoù hag ar barnedigezhioù

Sant Lucas 16:29

Abraham a respontas dezhañ: Bez’ o deus Moizez hag ar brofeded, ra selaouint anezho.

Sant Ian 12:35

Neuze Jezuz a lavaras dezho: Ar sklêrijenn a zo c’hoazh ganeoc’h evit un nebeud amzer. Kerzhit e-pad m’hoc’h eus ar sklêrijenn, gant aon na zeufe an deñvalijenn d’ho soupren. An hini a gerzh en deñvalijenn ne oar ket pelec’h ez a.

Sant Ian 13:17

Mar gouzoc’h an traoù-se, ez oc’h eürus, gant ma sentot outo.

Sant Ian 5:39

Furchal a rit ar Skriturioù, rak enno e kredit kaout ar vuhez peurbadus, hag int eo ar re a ro testeni ac’hanon.

Actou an Ebestel 17:11

Ar re-mañ o doa soñjoù uheloc’h eget re eus Tesalonike, hag e resevjont ar ger gant kalz muioc’h a vuander, o studiañ bemdez ar Skriturioù evit gwelout daoust hag e oa gwir ar pezh a lavared dezho.

Romaned 4:12

hag evit bezañ tad an amdroc’hidi, ar re n’int ket amdroc’het hepken met c’hoazh a heuilh roudoù ar feiz en doa hon tad Abraham pa voe diamdroc’h.

Adlezenn 32:7

Az pez soñj eus da zeizioù gwechall, evesha er bloavezhioù a rummadoù da rummadoù, goulenn digant da dad hag e tesko dit, digant da dud kozh hag e lavarint dit.

Koloseiz 2:6

Evel-se eta, pa hoc’h eus degemeret an Aotrou Jezuz-Krist, kerzhit ennañ,

Hebreed 11:2

Drezi o deus an henaourien kavet un testeni mat.

Hebreed 6:12

evit na zeuot ket didalvez, met ma teuot heñvel ouzh ar re o deus ar promesaoù da hêrezh dre ar feiz ha dre ar basianted.

Ar Varnerien 2:17

Met ne fellas ket dezho selaou ouzh ar varnerien, hag en em rojont d'ar gasterezh gant doueoù all o stouiñ dirazo. Buan e tistrojont eus an hent m'o deus kerzhet warnañ o zadoù, o sentiñ ouzh gourc'hemennoù an AOTROU. Int ne rejont ket evel-se.