Jeremiaz 6:10 - Bibl Koad 21: Ar Bibl e Brezhoneg evit ar Vretoned

¹⁰ Ouzh piv e komzin ha da biv e lavarin, ma vin selaouet? Setu, o skouarn a zo diamdroc'h, ha ne c'hellont ket klevout. Setu, komz an AOTROU a zo evito un dra disprizus, ne gavont plijadur ebet enni.

Jeremiaz 6:10 Referencias Cruzadas

Salmoù 1:2

met a gav e blijadur e lezenn an AOTROU, hag a breder e lezenn deiz ha noz.

Salmoù 119:16

Kavout a rin va flijadur ez reolennoù, ha n'ankounac'hain ket da gomzoù.

Salmoù 119:174

AOTROU, huanadiñ a ran war-lerc'h da silvidigezh, da lezenn a zo va flijadur.

Salmoù 119:24

Setu perak da destenioù a zo va flijadur ha va c'huzulierien.

Salmoù 119:35

Va laka da gerzhout en hent da c'hourc'hemennoù, rak kavout a ran plijadur enno.

Salmoù 119:70

O c'halon a zo tevaet evel al lard, me a gav va flijadur ez lezenn.

Salmoù 119:77

Ra zeuio da druez warnon hag e vevin, rak da lezenn a ra va flijadur.

Salmoù 40:8

Neuze em eus lavaret: Setu e teuan, skrivet eo diwar va fenn e roll da levr.

Ermaeziadeg 6:12

Moizez a gomzas dirak an AOTROU hag a lavaras: Setu, mibien Israel n'o deus ket va selaouet; penaos e selaoufe Faraon ac'hanon, me hag a zo diamdroc'h a vuzelloù?

Izaia 42:20

Gwelout a rit kalz a draoù met ne daolit ket evezh, ho tivskouarn a zo digor met ne glevit netra.

Izaia 53:1

Piv en deus kredet hor prezegenn? Da biv eo bet diskuliet brec'h an AOTROU?

Jeremiaz 35:13

Evel-henn e komz AOTROU an armeoù, Doue Israel: Kae ha lavar da dud Juda ha da dud Jeruzalem: Ha ne zegemerot ket ar gentel, evit sentiñ ouzh va c'homzoù? eme an AOTROU.

Jeremiaz 4:4

Bezit amdroc'het evit an AOTROU ha lamit pod-mezenn ho kalonoù, tud Juda hag annezidi Jeruzalem, gant aon na zeufe va fulor er-maez evel un tan, ha na entanfe hep na vefe den da vougañ anezhañ, en abeg da fallentez hoc'h oberoù.

Jeremiaz 5:21

Selaou eta kement-mañ, pobl sot ha diboell: Daoulagad hoc'h eus ha ne welit ket, divskouarn hoc'h eus ha ne glevit ket.

Jeremiaz 7:13

Ha bremañ, peogwir e rit an oberoù-se, eme an AOTROU, hag em eus komzet deoc'h, komzet adalek ar beure ha n'hoc'h eus ket selaouet, peogwir em eus ho kalvet ha n'hoc'h eus ket respontet din,

Jeremiaz 7:26

Met n'o deus ket selaouet, n'o deus ket roet o skouarn, reudet o deus o gouzoug, graet o deus gwashoc'h eget o zadoù.

Jeremiaz 9:26

An Ejipt, Juda, Edom, mibien Ammon, Moab, an holl re a douz kognoù o barv hag a zo o chom er gouelec'h, rak an holl vroadoù a zo diamdroc'h, hag holl di Israel a zo diamdroc'h a galon.

Ezekiel 3:7

Met ti Israel ne fello ket dezhañ da selaou, rak ne fell ket dezhañ va selaou; rak holl di Israel a zo faeüs a zremm ha kaledet a galon.

Ezekiel 33:3

mar gwel hemañ ar c'hleze o tont war ar vro, mar son ar shofar evit aliañ an dud,

Ezekiel 33:9

Met pa alii an den fall da zistreiñ diwar e hent, hep ma tistrofe hemañ diwar e hent, e varvo en e zireizhder, ha te az po saveteet da vuhez.

Amoz 7:10

Neuze Amazia aberzhour Betel a gasas da lavarout da Jeroboam roue Israel: Amoz en em sav en da enep e-kreiz ti Israel; ar vro ne c'hell ket gouzañv e holl gomzoù.

Mazhev 3:7

Met, o welout kalz a farizianed hag a sadukeiz o tont d’e vadeziant, e lavaras dezho: Lignez a naered-gwiber, piv en deus desket deoc’h tec’hout diouzh ar gounnar da zont?

Sant Lucas 11:45

Unan eus doktored al lezenn a gemeras ar gomz hag a lavaras dezhañ: Mestr, en ur lavarout an traoù-se, e tismegañsez ac’hanomp-ni ivez.

Sant Lucas 20:19

Ar veleien vras hag ar skribed a glaskas lakaat o daouarn warnañ war an eur-se, met aon o doe rak ar bobl, rak ec’h anavezent penaos en doa lavaret ar barabolenn-se a-enep dezho.

Sant Ian 7:7

Ar bed ne c’hell ket ho kasaat, met kasaat a ra ac’hanon, abalamour ma roan testeni anezhañ penaos eo fall e oberoù.

Sant Ian 9:40

Hiniennoù eus ar farizianed a oa gantañ, o klevout kement-se, a lavaras dezhañ: Ha ni, ha dall omp ivez?

Actou an Ebestel 7:51

Tud a c’houzoug reut, diamdroc’h a galon hag a zivskouarn, stourm a rit bepred ouzh ar Spered-Santel. C’hwi a zo heñvel ouzh ho tadoù.

Actou an Ebestel 7:60

O vezañ daoulinet, e krias gant ur vouezh kreñv: Aotrou, na laka ket ar pec’hed-mañ warno! O vezañ lavaret kement-se, e chomas kousket.

Romaned 7:22

Rak kavout a ran plijadur e lezenn Doue hervez an den a-ziabarzh,

Adlezenn 29:4

Met an AOTROU n'en deus ket roet deoc'h ur galon evit kompren, na daoulagad evit gwelout, na divskouarn evit klevout, betek hiziv.

Koloseiz 1:28

Eñ eo an hini a brezegomp, oc’h aliañ pep den hag o kelenn pep den e pep furnez, evit lakaat pep den da vezañ peurvat e Krist Jezuz.

2 Timote 4:3

Rak dont a raio un amzer ma ne c’houzañvo ket an dud ar gelennadurezh yac’h, met, o c’hoantaat klevout traoù plijus, e tastumint doktored hervez o menozioù,

Hebreed 11:7

Dre ar feiz Noe, aliet a-berzh Doue eus an traoù na weled ket c’hoazh, a voe leuniet a zoujañs, hag a reas un arc’h evit silvidigezh e diegezh. Drezi e kondaonas ar bed hag e teuas da vezañ heritour eus ar reizhder a zo hervez ar feiz.