Jeremiaz 51:18 - Bibl Koad 21: Ar Bibl e Brezhoneg evit ar Vretoned

¹⁸ N'int nemet netra, oberennoù a douellerezh, mont a raint da goll pa zeuio o c'hastiz.

Jeremiaz 51:18 Referencias Cruzadas

Ermaeziadeg 12:12

En noz-se e tremenin dre vro Ejipt hag e skoin war bep kentañ-ganet e bro Ejipt, adalek an dud betek al loened, hag e rin barnadegoù war holl zoueoù an Ejipt. Me eo an AOTROU .

Izaia 19:1

Diougan diwar-benn an Ejipt. Setu, emañ an AOTROU douget war ur goabrenn skañv, dont a ra en Ejipt, idoloù an Ejipt a gren dirazañ, ha kalon an Ejipsianed a deuz en he c'hreiz.

Izaia 2:18

An holl idoloù a dec'ho kuit.

Izaia 46:1

Bel a bleg, Nebo a stou, o idoloù a ya war gein loened, war loened-samm. An traoù a zougec'h a zo deuet da vezañ ur bec'h, ur samm d'al loened divi.

Izaia 57:12

Reiñ a rin da anavezout da reizhder ha da oberennoù, ha na vo ket ur gounid evidout.

Jeremiaz 10:11

Evel-henn e komzot outo: An doueoù ha n'o deus ket graet an neñvoù hag an douar, a yelo da goll diwar an douar hag a-zindan an neñvoù.

Jeremiaz 10:14

Pep den a zo foll dre ar pezh a oar ober, pep orfebour en deus mezh eus e skeudenn gizellet, rak an traoù teuzet n'int nemet gaou, n'eus ket a c'hwezhadenn enno.

Jeremiaz 10:15

N'int nemet mogidelloù, oberennoù a douellerezh, mont a raint da netra da vare o c'hastiz.

Jeremiaz 10:8

Holl int a-gevret fall ha diboell. Ar c'hoad ne gelenn nemet mogidelloù.

Jeremiaz 18:15

Met va fobl he deus va ankounac'haet, kinniget he deus ezañs d'an avel, derenet int bet da strebotiñ en o hentoù ha da guitaat ar gwenodennoù kozh, evit kerzhout war wenodennoù un hent diverk,

Jeremiaz 46:25

Lavaret en deus AOTROU an armeoù, Doue Israel: Setu ez an da gastizañ pobl No, Faraon, an Ejipt, he doueoù, he rouaned, Faraon hag ar re a fizi ennañ.

Jeremiaz 48:7

Peogwir ec'h eus fiziet ez labourioù hag ez teñzorioù, e vi tapet ivez. Ha Kemosh a yelo d'an harlu, gant hec'h aberzhourien hag he fennoù.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Ezekiel 6:6

El lec'h m'emaoc'h o chom, ho kêrioù a vo gwastet, an uhellec'hioù a zeuio da vezañ distro, en doare ma vo gwastet ha diskaret hoc'h aoterioù, bruzunet ha distrujet hoc'h idoloù, lakaet a dammoù ho peulioù-heol, kaset da netra hoc'h oberennoù.

Jonaz 2:8

Pa zinerzhe va ene ennon, em eus bet soñj eus an AOTROU, ha va fedenn a zo deuet betek ennout, e templ da santelezh.

Sofonia 2:11

An AOTROU a vo spontus en o enep, rak kas a raio da netra holl zoueoù an douar, ha pep den a stouo dirazañ en e vro, ha zoken holl inizi ar broadoù.

Actou an Ebestel 14:15

O tud, perak e rit kement-se? N’omp nemet tud dalc’het d’an hevelep poanioù eveldoc’h. Prezeg a reomp deoc’h an Aviel evit ma tistroot eus an traoù didalvez-se ha m’en em droot war-zu an Doue bev, an hini en deus graet an neñv, an douar, ar mor hag an holl draoù a zo enno.