Jeremiaz 51:11 - Bibl Koad 21: Ar Bibl e Brezhoneg evit ar Vretoned

¹¹ Lemmit ar biroù, kemerit ar skoedoù! An AOTROU en deus dihunet spered rouaned Media, dre ma fell dezhañ distrujañ Babilon, amañ emañ veñjañs an AOTROU, veñjañs e dempl.

Jeremiaz 51:11 Referencias Cruzadas

1 Rouaned 11:14

An AOTROU a savas eta un enebour da Salomon, Hadad an Edomad, a oa eus gouenn roue Edom.

1 Rouaned 11:23

Doue a savas c'hoazh un enebour da Salomon, Rezon mab Eliada, a oa tec'het eus e vestr Hadadezer roue Zoba.

1 Danevelloù 5:26

Doue Israel a atizas spered Pul roue Asiria ha spered Tilgad-Pilnezer roue Asiria, a harluas ar Rubeniz hag ar C'hadiz hag hanter-veuriad Manase, hag e kasas anezho da Galak, da Gabor, da Hara, betek stêr Gozan, hag e chomjont eno betek hiziv.

2 Danevelloù 36:22

D'ar bloaz kentañ eus Kiruz roue Persia, evit ma vefe sevenet komz an AOTROU lavaret dre Jeremiaz, an AOTROU a zihunas spered Kiruz roue Persia, a reas embann en e holl rouantelezh, ha zoken dre skrid, un urzh a lavare:

Ezdra 1:1

D'ar c'hentañ bloaz eus Kiruz roue Persia, evit ma vefe sevenet komz an AOTROU lavaret dre Jeremiaz, an AOTROU a zihunas spered Kiruz roue Persia, a reas embann en e holl rouantelezh, ha zoken dre skrid, un urzh a lavare:

Izaia 10:26

AOTROU an armeoù a savo ur skourjez outo, evel pa skoas Madian e roc'h Oreb, evel pa oa e vazh a-us d'ar mor, hag e savo c'hoazh anezhi en doare an Ejipt.

Izaia 21:2

Ur weledigezh euzhus a zo bet disklêriet din. An toueller a douell, an distrujer a zistruj. Pign, o Elam! Seziz, o Media! Me a laka da baouez an holl hirvoudoù.

Izaia 21:5

Staliañ a reer an daol, ar warded a evesha, debriñ a reer, evañ a reer. Savit, kabitened! Olevit ar skoed!

Izaia 41:25

E savet em eus eus an hanternoz hag e teuio; eus ar sav-heol e c'halvo va anv, kerzhout a raio war ar briñsed evel war ar fank, evel ma vac'h ar poder ar pri.

Izaia 45:1

Evel-henn e komz an AOTROU ouzh e olevad, ouzh Kiruz, an hini am eus kroget en e zorn dehou, evit mestroniañ dirazañ ar broadoù, evit dizeren gourizoù ar rouaned, evit digeriñ dirazañ an dorojoù, hag an dorojoù ne vint ket serret:

Izaia 45:5

Me eo an AOTROU, n'eus ket unan all, n'eus doue ebet estregedon. Da c'hourizet em eus pa n'anavezes ket ac'hanon,

Izaia 46:11

Me a c'halv eus ar sav-heol al labous-preizh, hag eus un douar pell den va c'hoantoù. Ar pezh a lavaran a lakaan d'en em gavout, hag ar pezh a ijinan a sevenan.

Jeremiaz 25:25

da holl rouaned Zimri, da holl rouaned Elam, da holl rouaned Media,

Jeremiaz 46:3

Kempennit ar skoed bihan hag ar skoed bras, ha tostait d'an emgann.

Jeremiaz 46:4

Stagit ar c'hezeg, ha c'hwi marc'hegerien pignit! En em ziskouezit gant ho tokarnoù, naetait ho koafioù, gwiskit ho hobregonoù!

Jeremiaz 46:9

Savit, kezeg! Lammit, kirri! Ra en em ziskouezo ar re galonek, tud Kush ha Pud a embreg ar skoed, tud Lud a embreg hag a stegn ar wareg.

Jeremiaz 50:25

An AOTROU en deus digoret e harnezerezh, tennet en deus er-maez armoù e gounnar, rak an Aotrou, AOTROU an armeoù, en deus ul labour d'ober e bro ar Galdeiz.

Jeremiaz 50:3

Rak ur vroad a bign a-enep dezhi eus an hanternoz, lakaat a raio he bro da vezañ ur gouelec'h, ha ne vo den o chom enni. Den ha loen a dec'ho, mont a raint kuit.

Jeremiaz 50:45

Setu perak, selaouit ar pezh a fell d'an AOTROU ober a-enep Babilon, hag ar soñjoù en deus graet a-enep bro ar Galdeiz: A-dra-sur e vint stlejet evel re vihanañ an tropell, a-dra-sur e vo distrujet o ziez warno!

Jeremiaz 50:9

Rak setu ez an da sevel ha da gas a-enep Babilon un tolpad a vroadoù bras eus bro an hanternoz, en em renko a-enep dezhi, hag e vo tapet. O biroù a vo evel re ur brezeler kadarn, na zistro ket e goullo.

Jeremiaz 51:12

Savit ur banniel a-enep mogerioù Babilon, kreñvait ar ged, lakait gwarded, kempennit spioù! Rak an AOTROU en deus bet ur mennad, hag e raio hervez ar pezh en deus lavaret a-enep tud Babilon.

Jeremiaz 51:24

Hag e roin da Vabilon ha da holl dud Kaldea, dirak ho taoulagad, an holl zroug o deus graet e Sion, eme an AOTROU.

Jeremiaz 51:35

Ra gouezho an taerder graet din ha da'm c'hig war Vabilon, a lavaro annezadez Sion; ra gouezho va gwad war dud Kaldea, a lavaro Jeruzalem.

Jeremiaz 51:36

Setu perak evel-henn e komz an AOTROU: Setu e tifennin da gaoz ha da veñjiñ a rin; disec'hañ a rin he mor hag e lakain he mammenn da hesk.

Daniel 5:30

D'an noz-se, Belshazar roue ar Galdeiz a voe lazhet.

Joel 3:10

Grit klezeier eus ho soc'hioù, ha goafioù eus ho filzier, ha ra lavaro an hini gwan: Me a zo kreñv.

Joel 3:9

Embannit kement-mañ e-touez ar broadoù: Kempennit ar brezel, dihunit an dud kreñv, ra dostaio ha ra bigno an holl dud a vrezel!

Leviegezh 26:25

Hag e kasin warnoc’h ar c’hleze a veñjo va emglev; pa en em zastumot en ho kêrioù, e kasin ar vosenn en ho touez hag e viot roet etre daouarn an enebour.

Zakaria 14:12

Ha setu amañ ar gouli a skoio an AOTROU drezañ gant an holl bobloù o devo brezelet a-enep Jeruzalem: Lakaat a raio o c'hig da vreinañ e-pad ma vint en o sav war o zreid, o daoulagad a vreino en o zoulloù, hag o zeod a vreino en o genoù.

Zakaria 14:2

Dastum a rin an holl vroadoù a-enep Jeruzalem evit ober brezel dezhi, hag ar gêr a vo kemeret, an tiez a vo skrapet, ar gwragez a vo gwallet, un hanter eus kêr a yelo en harlu, met un nemorant eus ar bobl ne vo ket lamet eus kêr.