Jeremiaz 50:1 - Bibl Koad 21: Ar Bibl e Brezhoneg evit ar Vretoned

¹ Ar gomz a voe disklêriet a-berzh an AOTROU a-enep Babilon hag a-enep bro ar Galdeiz, dre ar profed Jeremiaz, er gerioù-se:

Jeremiaz 50:1 Referencias Cruzadas

Geneliezh 10:10

Deroù e rouantelezh a voe Babel, Erek, Akkad ha Kalne, e Bro Shinear.

Geneliezh 11:31

Terak a gemeras Abram e vab, Lot mab Haran e vab bihan ha Sarai e verc'h-kaer gwreg Abram e vab, hag ez ejont asambles er-maez eus Ur ar Galdeiz evit mont da vro Ganaan. Dont a rejont betek Charan hag e chomjont eno.

Geneliezh 11:9

Setu perak hec'h anv a voe galvet Babel, rak an AOTROU en doa kemmesket eno yezh an douar holl, hag ac'hane an AOTROU o stlabezas war-c'horre an douar holl.

2 Samuel 23:2

Spered an AOTROU en deus komzet drezon, e gomz a zo bet war va zeod.

2 Rouned 17:24

Roue Asiria a gasas tud eus Babilon, eus Kuta, eus Ava, eus Hamad hag eus Sefarvaim, hag a lakaas anezho e kêrioù Samaria, e-lec'h mibien Israel. Hag e perc'hennjont Samaria, hag e chomjont en he c'hêrioù.

Levr Job 1:17

Edo c'hoazh o komz pa zeuas unan all o lavarout: Kaldeiz renket e tri bagad a zo en em daolet war ar c'hañvaled hag o deus o zapet, lazhet o deus ar servijerien gant barvenn ar c'hleze. Me va-unan am eus tec'het da zisklêriañ dit.

Izaia 14:4

e tistagi ar c'hrennlavar-mañ a-enep roue Babilon, hag e lavari: Penaos en deus echuet ar gwasker? Penaos en deus echuet c'hoantidigezh an aour?

Izaia 23:13

Setu bro ar Galdeiz, ar re ha ne oant ket ur bobl gwechall; Ashur a roas ar vro-se da dud ar gouelec'h. Sevel a rejont tourioù, distrujañ a rejont palezioù Tir, he lakaat a rejont en distruj.

Jeremiaz 25:12

Hag e c'hoarvezo, pa vo sevenet an dek vloaz ha tri-ugent, ma kastizin roue Babilon hag ar vroad-se, eme an AOTROU, en abeg d'o direizhder. Me a gastizo bro ar Galdeiz, hag e rin anezhi ur gouelec'h peurbadus.

Jeremiaz 27:7

An holl vroadoù a servijo anezhañ, e vab ha mab e vab, ken na zeuio an amzer evit e vro e-unan ivez da vezañ mestroniet gant meur a vroad ha rouaned bras.

Daniel 1:1

D'an trede bloaz eus Jojakim roue Juda, e pignas Nebukadnezar roue Babilon a-enep Jeruzalem hag e reas seziz en-dro dezhi.

Actou an Ebestel 7:4

Neuze ez eas er-maez eus bro ar C’haldeiz hag e teuas da chom e Charan. Ac’hane, goude ma voe marv e dad, eñ a zegasas anezhañ d’ar vro-mañ e-lec’h ma chomit bremañ.

2 Pêr 1:21

rak ar brofediezh n’eo ket bet degaset gwechall dre volontez an den, met tud santel Doue o deus komzet renet gant ar Spered-Santel.

Apocalyps 14:8

Un ael all a heulie o lavarout: Kouezhet eo, kouezhet eo, Babilon ar gêr vras, abalamour m’he deus roet da evañ d’an holl vroadoù eus gwin fulor he gastaouerezh.