Jeremiaz 47:3 - Bibl Koad 21: Ar Bibl e Brezhoneg evit ar Vretoned

³ En abeg da drouz tregernus karnioù e virc'hed galloudek, en abeg da storlok e girri, en abeg da dourni e rodoù, an tadoù ne droint ket etrezek o mibien, ken laosk ma teuio o daouarn.

Jeremiaz 47:3 Referencias Cruzadas

Izaia 5:28

O biroù a zo lemm, o holl waregoù a zo stegnet, karnioù o c’hezeg a zo evel mein, rodoù o c'hirri a zo evel un avel-dro,

Jeremiaz 46:9

Savit, kezeg! Lammit, kirri! Ra en em ziskouezo ar re galonek, tud Kush ha Pud a embreg ar skoed, tud Lud a embreg hag a stegn ar wareg.

Jeremiaz 50:42

Kemer a raint ar wareg hag al lañs, garv ez int ha didruez, o mouezh a groz evel ar mor, ha pignet war gezeg-red, int renket evel un den a vrezel a-enep dit, merc'h Babilon.

Jeremiaz 8:16

Diouzh tu Dan e vez klevet c'hwirinadeg e gezeg, an holl zouar a gren gant trouz gourriziadennoù e re greñv. Dont a reont da zebriñ ar vro hag ar pezh a zo enni, kêr hag ar re a zo o chom enni.

Ezekiel 23:24

Dont a raint a-enep dit, gant armoù, kirri hag ijinoù-ruilh, ha pobloù e niver bras, hag e lakaint a-enep dit a bep tu skoedoù bras, skoedoù bihan ha tokarnoù. Hag e roin dezho ar varnedigezh, hag e varnint ac'hanout hervez o barnedigezhioù.

Nahum 2:4

Ar c'hirri a red gant fulor er straedoù, en em deurel a reont war al leurennoù, ouzh o gwelout ez int evel flammerennoù, redek a reont evel luc'hed.

Nahum 2:8

Abaoe ma oa bet savet Ninive, e oa evel ur stank leun a zour… Tec'hout a reont… Arsavit! Arsavit!... Met den na zistro.

Apocalyps 9:9

Hobregonoù o doa evel hobregonoù houarn ha trouz o divaskell a oa evel trouz kirri gant kalz a gezeg a red d’an emgann.

Ar Varnerien 5:22

Neuze karnioù ar c'hezeg a dregernas, dre c'haloup, dre c'haloup o re c'halloudek.