Jeremiaz 46:5 - Bibl Koad 21: Ar Bibl e Brezhoneg evit ar Vretoned

⁵ Petra 'welan? Spontet int, treiñ a reont o c'hein, o zud kreñv a zo lakaet a-dammoù, hag e tec'hont hep distreiñ. Ar spont a zo a bep tu, eme an AOTROU.

Jeremiaz 46:5 Referencias Cruzadas

Geneliezh 19:17

Raktal, evel ma o doe lakaet anezho er-maez, unan a lavaras: Savete da vuhez, na sell ket war da lerc'h ha na zale e lec'h ebet eus ar blaenenn. En em savete war ar menez, gant aon na vefes kollet.

Izaia 13:8

Bez' e vint spouronet, karget a c'hlac'har hag a anken; gouzañv a raint gwentloù evel ur vaouez o wilioudiñ, sellout a raint an eil ouzh egile gant souezh, o dremm a vo entanet.

Izaia 19:16

En deiz-se an Ejipt a vo evel gwragez, dianket ha spouronet e vo o welout dorn savet AOTROU an armeoù a vo savet a-enep dezhi.

Izaia 42:17

Mont a ra war-dreñv ha goloet eo a vezh ar re a fizi er skeudennoù kizellet, hag a lavar d'ar skeudennoù teuzet: C'hwi eo hon doueoù!

Izaia 5:25

Setu perak fulor an AOTROU en em danas a-enep e bobl, astennet en deus e zorn warno ha skoet ganto, ar menezioù o deus krenet, o c'horfoù marv a oa evel teil e-kreiz ar straedoù. En desped da gement-se e fulor ne harz ket, e zorn a chom bepred astennet.

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 46:15

Perak eo bet sammet da dud kadarn? N'o deus ket gallet derc'hel, rak an AOTROU en deus o diskaret.

Jeremiaz 46:21

He gopridi ivez a zo en he c'hreiz evel leueoù lart. Int ivez a dro kein dezhi, tec'hout a reont a-gevret, ne zalc'hont ket, rak deiz o glac'har a zo deuet warno, amzer o c'hastiz.

Jeremiaz 49:29

Tapout a raint o zeltennoù hag o zropelloù, kemer a raint o fallennoù, o holl listri hag o c'hañvaled, hag e vo yudet: Spont a bep tu!

Jeremiaz 49:5

Setu ez an da zegas warnout ar spont eus da holl drowardroioù, eme an Aotrou, AOTROU an armeoù, hag e viot kaset pep hini war-eeun dirazañ, ha den ne zastumo an dec'hidi.

Jeremiaz 6:25

N'it ket d'ar parkeier ha na gerzhit ket war an hentoù, rak kleze an enebour hag ar spont a zo e pep lec'h tro-dro.

Ezekiel 32:10

Leuniañ a rin a spont kalz a bobloù diwar da benn, hag o rouaned a vo spouronet en abeg dit pa hejin a-us dezho va c'hleze. Krenañ a raint dalc'hmat, pep hini anezho evit e vuhez, e deiz da lamm.

Ezekiel 39:18

Kig ar c'halloudeien a zebrot, gwad priñsed an douar a evot, maouted, oaned, bouc'hed, leueoù, holl anezho lartaet e Basan.

Nahum 2:8

Abaoe ma oa bet savet Ninive, e oa evel ur stank leun a zour… Tec'hout a reont… Arsavit! Arsavit!... Met den na zistro.

Nahum 2:9

Skrapit an arc'hant! Skrapit an aour! Rak n'eus diwezh ebet d'ar pinvidigezhioù, ur fonnusted a bep seurt traoù prizius

Sofonia 1:14

Tost eo deiz bras an AOTROU, tost eo ha dont a ra gant hast. Klevet eo mouezh deiz an AOTROU, neuze an den kreñv a laosk kriadennoù c'hwerv.