3 Kempennit ar skoed bihan hag ar skoed bras, ha tostait d'an emgann.
Staliañ a reer an daol, ar warded a evesha, debriñ a reer, evañ a reer. Savit, kabitened! Olevit ar skoed!
Disklêriit en Ejipt, embannit e Migdol, e Nof, e Tapanez, lavarit: Sav ha bez prest! Rak ar c'hleze a lonk en-dro dit.
Embannit kement-mañ e-touez ar broadoù: Kempennit ar brezel, dihunit an dud kreñv, ra dostaio ha ra bigno an holl dud a vrezel!
An distrujer a zeu a-enep dit, diwall ar c'hreñvlec'h, evesha an hent, nerzheka da zivgroazell, dastum da holl nerzhoù.
Tenn dour evit ar seziz, kreñva da vogerioù, kae er fank ha mac'h ar pri, fich forn ar brikennoù.