Jeremiaz 46:12 - Bibl Koad 21: Ar Bibl e Brezhoneg evit ar Vretoned

¹² Ar broadoù o deus anavezet da vezh, ha da griadenn a leugn an douar, rak da re greñv o deus strebotet an eil war egile, hag o-daou int kouezhet a-gevret.

Jeremiaz 46:12 Referencias Cruzadas

Izaia 10:4

Ar re n'o devo ket pleget e-touez ar brizonidi, a gouezho e-touez ar re varv. Ha ne zigounnar ket, e zorn a zo atav astennet.

Izaia 19:2

Atizañ a rin an Ejipsian a-enep an Ejipsian, hag e stourmint, pep hini a-enep e vreur, pep hini a-enep e amezeg, kêr a-enep kêr, rouantelezh a-enep rouantelezh.

Izaia 24:11

Krial a reer er straedoù pa n'eus ket a win, pep levenez a zo troet e teñvalijenn, joa an douar a zo aet kuit.

Jeremiaz 14:2

Juda a zo bet e kañv, e zorojoù a zo mantret, glac'haret, gourvezet d'an douar, ha kriadegoù Jeruzalem a sav.

Jeremiaz 2:36

Perak hastañ kement evit cheñch da hent? Bez' ez po mezh eus an Ejipt, evel ma ec'h eus bet mezh eus Asiria.

Jeremiaz 46:6

Ra ne dec'ho ket ar skañvañ, ra ne redo ket ar c'hreñvañ! En hanternoz, war ribl stêr Eufratez, e strebotont hag e kouezhont!

Jeremiaz 47:2

Evel-henn e komz an AOTROU: Setu doureier a bign eus an hanternoz; dont a reont da vezañ ur froud o tic'hlannañ, hag e tic'hlannint war ar vro ha war ar pezh a zo enni, ar c'hêrioù hag ar re o chom enno. An dud a laosko kriadennoù, hag holl bobl ar vro a yudo.

Jeremiaz 48:34

En abeg da c'harmoù Hesbon e reont klevout o mouezh betek Eleale ha betek Jahaz, adalek Zoar betek Horonajim ha betek Eglad-Shelishija, rak doureier Nimrim a vo ivez glac'haret.

Jeremiaz 49:21

Gant trouz o lamm, an douar a gren, ha klevet eo mouezh o garm betek ar Mor Ruz.

Jeremiaz 50:46

Gant trouz kemer Babilon an douar a greno, hag ur garm a vo klevet e-touez ar broadoù.

Jeremiaz 51:54

Trouz ur c'harmadeg a glever eus Babilon, ur rivin bras eus bro ar Galdeiz,

Nahum 2:5

Soñj en devo eus e dud kadarn, met brañsellat a raint e-pad o c'herzh. Hastañ a raint etrezek ar voger, kempennet e vo an difenn…

Sofonia 1:10

En deiz se, eme an AOTROU, e vo klevet kriadennoù eus dor ar Pesked, yudadennoù eus an eil karter, hag un diskar bras eus ar c'hrec'hiennoù.

1 Samuel 5:12

An dud na varvent ket a veze skoet gant ruzderioù, ha garmadeg kêr a bigne betek an neñv.