Jeremiaz 44:7 - Bibl Koad 21: Ar Bibl e Brezhoneg evit ar Vretoned

⁷ Ha bremañ evel-henn e komz an AOTROU, Doue an armeoù, Doue Israel: Perak e rit an droug bras-se deoc'h hoc'h-unan, en ur lakaat da lemel ac'hanoc'h a-douez Juda, paotred, maouezed, bugale, poupiged, en doare ma ne vo nemorant ebet ac'hanoc'h?

Jeremiaz 44:7 Referencias Cruzadas

Krennlavarioù 1:18

met int a sav antelloù a-enep o gwad o-unan, hag e stegnont gripedoù d'o ene.

Krennlavarioù 15:32

An hini a daol kuit ar gelennadurezh a zispriz e ene, met an hini a selaou ar rebech a zesk meiz.

Krennlavarioù 5:22

An hini drouk a vo paket en e zireizher, hag a vo dalc'het en ereoù e bec'hed.

Krennlavarioù 8:36

met an hini a bec'h em enep a noaz d'e ene. An holl re a gasa ac'hanon a gar ar marv.

Jeremiaz 25:6

n'it ket war-lerc'h doueoù all evit o servijañ ha stouiñ dirazo, na'm imorit ket dre labour ho taouarn, ha ne rin droug ebet deoc'h.

Jeremiaz 25:7

Met n'hoc'h eus ket selaouet ouzhin, eme an AOTROU, en doare ma hoc'h eus va imoret dre labour ho taouarn, evit ho kwalleur.

Jeremiaz 26:19

Ezekiaz roue Juda hag holl dud Juda, hag en lakajont d'ar marv? Ha n'en deus ket doujet an AOTROU? Ha ne bedas ket an AOTROU? Ha keuz en deus bet an AOTROU d'an droug en doa lavaret en hoc'h enep. Ha ni, hag e kargimp hon eneoù eus un torfed ken bras?

Jeremiaz 3:24

Ar vezh he deus debret labour hon tadoù adalek hor yaouankiz, o deñved hag o saout, o mibien hag o merc'hed.

Jeremiaz 38:17

Jeremiaz a lavaras da Sedesia: Evel-henn e komz an AOTROU, Doue an armeoù, Doue Israel: Mard ez a-youl etrezek pennoù roue Babilon, da ene a vevo hag ar gêr-mañ ne vo ket devet dre an tan. Hag e vevi, te ha da di.

Jeremiaz 42:20

Rak en em douellet hoc'h eus hoc'h-unan pa hoc'h eus va c'haset etrezek an AOTROU ho Toue o lavarout: Ped evidomp an AOTROU hon Doue, ha disklêr deomp kement a lavaro an AOTROU hon Doue, hag e raimp kement-se.

Jeremiaz 44:14

ha den ne vano ha den ne dec'ho eus nemorant Juda deuet evit chom e bro Ejipt, hag evit distreiñ da vro Juda, e-lec'h e fell d'o ene distreiñ da chom. Ne zistroint ket, nemet un nebeud tec'hidi.

Jeremiaz 44:8

Perak e kounnarit ac'hanon dre oberoù ho taouarn, o kinnig ezañs da zoueoù all en Ejipt, e-lec'h ma oc'h deuet da chom ennañ, en doare da vezañ lamet ha da zont da vezañ ur vallozh hag un dismegañs e-touez holl vroadoù an douar?

Jeremiaz 51:22

drezout em eus brevet ar paotr hag ar plac'h, drezout em eus brevet an den kozh hag ar bugel, drezout em eus brevet an den yaouank hag ar plac'h yaouank,

Jeremiaz 7:19

Ha me eo a imoront? eme an AOTROU. Ha n'eo ket int o-unan, evit mezh o dremm?

Jeremiaz 9:21

Rak ar marv a zo pignet dre hor prenestroù, deuet eo en hor palezioù, o lazhañ ar vugale er straedoù hag an dud yaouank el leurennoù.

Klemmganoù 2:11

Va daoulagad a zo faezh gant an daeroù, va c'hreizon a verv. Va avu en em stlabez war an douar en abeg da c'houli merc'h va fobl. Ar bugaligoù hag ar magadelloù a sempl war leurioù kêr.

Klemmganoù 2:22

A bep tu ec'h eus galvet warnon ar spontoù evel d'un deiz gouel. Da zeiz kounnar an AOTROU den n'en deus tec'het na bevet. Ar re am boa mailhuret ha desavet, an enebour en deus o lonket.

Ezekiel 33:11

Lavar dezho: Me a zo bev, eme an Aotrou AOTROU, ne gavan plijadur ebet e marv an den fall, met e distro an den fall diwar e hent, evit ma vevo. Distroit, distroit diwar hoc'h hent fall. Perak e varvfec'h, o ti Israel?

Ezekiel 9:6

Lazhit anezho holl betek an distruj: tud kozh, tud yaouank, gwerc'hezed, bugale, maouezed; met na dostait ket ouzh kement hini a zougo ar merk; krogit gant va santual. Kregiñ a rejont gant ar re gozh a oa dirak an ti.

Habakuk 2:10

Divizet ec'h eus dismegañs evit da di, en ur zistrujañ pobloù niverus, ha pec'het ec'h eus a-enep da ene.

Niveroù 16:38

Diwar-benn podoù-glaou-bev ar re o deus pec'het a-enep o eneoù, ra vo graet diouto laonennoù ledan evit goleiñ an aoter. Pa'z int bet kinniget dirak an AOTROU, santelaet int, hag e vint un arouez da vibien Israel.

Adlezenn 32:25

Ar c'hleze a zistrujo er-maez, hag ar spouron e-barzh, o skeiñ an den yaouank hag ar werc'hez, ar poupig had an den gant blev gwenn.

Jozue 6:21

Hag e lakajont da verz kement a oa e kêr, dre varvenn ar c'hleze, gwaz ha gwreg, bugel ha kozh, ejen, dañvad hag azen.

Ar Varnerien 21:11

Setu ar pezh a reot: Lakaat a reot da verz pep gwaz ha pep maouez he deus kousket gant ur gwaz.

1 Samuel 15:3

Kae bremañ, sko war Amalek, ha laka da verz ar pezh en deus, n'espern ket anezhañ, met laka d'ar marv ar wazed hag ar maouezed, ar vugale hag ar re a zen, an ejened hag an deñved, ar c'hañvaled hag an ezen.

1 Samuel 22:19

Hag e lakaas da lazhañ gant barvenn ar c'hleze e Nob, kêr an aberzhourien, ar wazed, ar maouezed, ar vugale, ar re a zene, an ejened, an ezen, hag an deñved.