Jeremiaz 43:12 - Bibl Koad 21: Ar Bibl e Brezhoneg evit ar Vretoned

¹² Hag ec'h enaouin an tan e tiez doueoù an Ejipt. Eñ a zevo anezho hag a harluo anezho; en em wiskañ a raio gant bro Ejipt evel ar mesaer a wisk e zilhad, hag ez aio kuit e peoc'h.

Jeremiaz 43:12 Referencias Cruzadas

2 Samuel 5:21

Lezel a rejont eno o doueoù, hag e voent dilamet gant David ha gant e dud.

Ester 6:9

ra vo roet an dilhad-se hag ar marc'h-se da unan eus priñsed uhelañ ar roue, ra vo gwisket an den a fell d'ar roue enoriñ, ra vo graet dezhañ mont war varc'h dre straedoù kêr, ra vo huchet dirazañ: Evel-se e vez graet d'an den a fell d'ar roue enoriñ!

Levr Job 40:10

Ha bremañ, en em fich gant kaerder ha braster, gwisk meurdez ha splannder,

Salmoù 104:2

En em baket er sklêrijenn evel un dilhad, ec'h astenn an neñvoù evel un deltenn,

Salmoù 132:16

Me a wisko a silvidigezh e aberzhourien, hag e re leal a gano gant ul levenez vras.

Salmoù 132:18

Goleiñ a rin a vezh e enebourien, ha warnañ e lugerno e dalgen.

Ermaeziadeg 12:12

En noz-se e tremenin dre vro Ejipt hag e skoin war bep kentañ-ganet e bro Ejipt, adalek an dud betek al loened, hag e rin barnadegoù war holl zoueoù an Ejipt. Me eo an AOTROU .

Izaia 19:1

Diougan diwar-benn an Ejipt. Setu, emañ an AOTROU douget war ur goabrenn skañv, dont a ra en Ejipt, idoloù an Ejipt a gren dirazañ, ha kalon an Ejipsianed a deuz en he c'hreiz.

Izaia 21:9

Ha setu, e teu ur c'harr gant un den ha marc'hegerien daou-ha-daou. Hag e komzas o lavarout: Kouezhet eo, kouezhet eo, Babilon! Hag holl skeudennoù he doueoù a zo bet bruzunet d'an douar.

Izaia 46:1

Bel a bleg, Nebo a stou, o idoloù a ya war gein loened, war loened-samm. An traoù a zougec'h a zo deuet da vezañ ur bec'h, ur samm d'al loened divi.

Izaia 46:2

Stouiñ ha plegañ a reont a-gevret, ne c'hellont ket saveteiñ ar samm, int o-unan a ya d'ar sklavelezh.

Izaia 49:18

Sav da zaoulagad en-dro dit, sell, holl en em zastumont, dont a reont da'z kavout. Me a zo bev, eme an AOTROU, te en em wisko ganto holl evel gant bragerizoù, te en em c'hourizo ganto evel ur wreg yaouank.

Izaia 52:1

Dihun! Dihun! Gwisk da nerzh, Sion! Gwisk dilhad da c'hloar, Jeruzalem kêr santel! Rak hiviziken ned aio ket ennout ar re ziamdroc'h hag ar re zic'hlan.

Izaia 59:17

Gwisket en deus ar reizhder evel un hobregon, ha tokarn ar silvidigezh war e benn, gwisket en deus ar veñjañs evel un dilhad, hag e oa goloet gant ar warizi evel gant ur vantell.

Izaia 61:10

Laouenaat kalz a rin en AOTROU, va ene a drido em Doue, rak va gwisket en deus gant dilhad ar silvidigezh, ha va goloet gant mantell ar reizhder, evel ma en em fich ur pried gant e gurunenn, hag en em gempenn ur plac'h nevez gant he bravigoù.

Izaia 61:5

An diavaezidi en em zalc'ho eno evit peuriñ deoc'h ho tropelloù, mibien an diavaeziad a vo ho labourerien-douar hag ho kwinierien.

Jeremiaz 10:11

Evel-henn e komzot outo: An doueoù ha n'o deus ket graet an neñvoù hag an douar, a yelo da goll diwar an douar hag a-zindan an neñvoù.

Jeremiaz 10:15

N'int nemet mogidelloù, oberennoù a douellerezh, mont a raint da netra da vare o c'hastiz.

Jeremiaz 25:19

da Faraon roue an Ejipt, d'e servijerien, d'e briñsed ha d'e holl bobl,

Jeremiaz 43:13

Terriñ a raio ivez skeudennoù ti an heol e bro Ejipt, hag e tevo dre an tan tiez doueoù an Ejipt.

Jeremiaz 46:25

Lavaret en deus AOTROU an armeoù, Doue Israel: Setu ez an da gastizañ pobl No, Faraon, an Ejipt, he doueoù, he rouaned, Faraon hag ar re a fizi ennañ.

Jeremiaz 48:7

Peogwir ec'h eus fiziet ez labourioù hag ez teñzorioù, e vi tapet ivez. Ha Kemosh a yelo d'an harlu, gant hec'h aberzhourien hag he fennoù.

Jeremiaz 49:27

Me a enaouo an tan e mogerioù Damask, hag e lonko palezioù Ben-Hadad.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Jeremiaz 51:44

Kastizañ a rin Bel e Babilon, hag e tennin eus e c'henoù ar pezh en doa lonket, hag ar broadoù ned aint ken etrezek ennañ. Moger Vabilon zoken a zo kouezhet.

Ezekiel 29:11

Troad den ne dremeno enni, ha troad loen ebet ne dremeno kennebeut, hag e-pad daou-ugent vloaz ne vo ket poblet.

Ezekiel 29:19

Setu perak evel-henn e komz an Aotrou AOTROU: Setu e roan bro Ejipt da Nebukadnezar roue Babilon. Sevel a raio kuit hec'h engroez, hag e kaso gantañ ar preizh, hag e raio riñs; kement-se a vo gopr e armead.

Ezekiel 30:13

Evel-henn e komz an Aotrou AOTROU: Distrujañ a rin an idoloù, kas a rin da netra falsdoueoù eus Nof, ne vo priñs ebet ken e bro Ejipt, hag e skuilhin ar spont e bro Ejipt.

Daniel 11:8

Hag e tougo zoken d'an Ejipt o doueoù dalc'het gant o skeudennoù teuzet hag o listri prizius arc'hant hag aour. Goude en em zalc'ho e-pad bloavezhioù pell diouzh roue an hanternoz.

Sofonia 2:11

An AOTROU a vo spontus en o enep, rak kas a raio da netra holl zoueoù an douar, ha pep den a stouo dirazañ en e vro, ha zoken holl inizi ar broadoù.

Romaned 13:12

An noz a zo aet war-raok hag an deiz a dosta. Diwiskomp eta oberoù an deñvalijenn ha gwiskomp armoù ar sklêrijenn.

Efeziz 4:24

ha da wiskañ an den nevez, krouet heñvel ouzh Doue, er reizhder hag e santelezh ar wirionez.

Efeziz 6:11

Gwiskit harnez Doue en e bezh, evit ma c’hellot derc’hel start a-enep troidelloù an diaoul.

Koloseiz 3:12

Gwiskit eta, evel tud dibabet gant Doue sent ha karet-mat, ur galon a drugarez, a vadelezh, a izelegezh, a zouster, a basianted,

Koloseiz 3:14

Met dreist an holl draoù-se gwiskit ar garantez, liamm ar barfeted eo.