Jeremiaz 41:9 - Bibl Koad 21: Ar Bibl e Brezhoneg evit ar Vretoned

⁹ Ar puñs ma taolas ennañ Ismael korfoù marv an dud en doa lazhet da-geñver Gedalia, eo an hini en doa graet ar roue Asa p'en doe aon dirak Baesha roue Israel. Hag Ismael mab Netania a leunias ar puñs-se a dud lazhet.

Jeremiaz 41:9 Referencias Cruzadas

2 Samuel 17:9

Setu emañ bremañ kuzhet en ur poull bennak pe en ul lec'h all. Mar c’hoarvezfe e vefemp pilet ganto er penn kentañ, kement hini henn klevo a lavaro: Ar bobl aet war-lerc'h Absalom a zo bet pilet.

Izaia 14:19

met te a zo bet taolet pell diouzh da vez, evel ur vroustenn hakr, evel dilhad ar re doullet gant ar c'hleze hag a vez taolet war mein ar poull, evel ur c'horf marv mac'het gant an treid.

Hebreed 11:38

int ha ne oa ket ar bed dellezek anezho, o kildreiñ el lec’hioù distro ha war ar menezioù, e mougevioù ha toulloù an douar.

Ar Varnerien 6:2

Dorn Madian a voe galloudus a-enep Israel. En abeg d'ar Vadianiz, mibien Israel a reas kevioù er menezioù, ha mougevioù ha kreñvlec'hioù.

1 Samuel 13:6

Tud Israel a welas e oant en ur blegenn fall, rak ar bobl a oa spouronet. Ar bobl en em guzhas er c'hevioù, er bodennoù, e-touez ar reier, el lec'hioù kreñv hag er puñsoù.

1 Samuel 14:11

En em ziskouez a rejont eta o-daou da warded ar Filistined, hag ar Filistined a lavaras: Setu an Hebreed a zeu er-maez eus an toulloù ma oant kuzhet enno.

1 Samuel 14:22

An holl Israeliz hag a oa kuzhet war venez Efraim, o klevout e tec'he ar Filistined, a grogas da redek ivez war o lerc'h evit o c'hannañ.

1 Samuel 24:3

Dont a reas e klozioù deñved, tost ouzh an hent, hag e oa eno ur c'hev. Mont a reas Saül ennañ evit e ezhommoù. David hag e dud a oa e foñs ar c'hev.