Jeremiaz 40:11 - Bibl Koad 21: Ar Bibl e Brezhoneg evit ar Vretoned

¹¹ An holl Yuzevien ivez a oa e Moab, e-touez mibien Ammon, en Idumea, en holl vroioù-se, o vezañ klevet en doa roue Babilon lezet un nemorant e Juda, ha lakaet da c'houarnour warno Gedalia mab Ahikam mab Shafan,

Jeremiaz 40:11 Referencias Cruzadas

Geneliezh 36:8

Ezaü a chomas war Venez Seir. Ezaü a zo Edom.

Izaia 11:14

Nijal a raint war skoaz ar Filistined war-zu ar c'huzh-heol, a-gevret e preizhataint mibien ar sav-heol, astenn a raint o dorn war Edom ha Moab, mibien Ammon a vo dindano.

Izaia 16:4

Ra vo o chom an dec'hidi ez kichen, o Moab. Bez evito ur repu dirak an distrujer, rak ar gwaskerezh en deus paouezet, an distruj a zo echuet, ar re a vac'he ar vro a zo kuzumet.

Jeremiaz 24:9

Hag e rin dezho bezañ ur spont evit o gwalleur, dre holl rouantelezhioù an douar, evit bezañ un dismegañs, ur flemmadenn, ur c'hoapadenn, ur vallozh, en holl lec'hioù ma em bo o c'haset.

Jeremiaz 41:10

Ismael a gasas gantañ evel prizonidi an holl nemorant eus ar bobl a oa e Mizpa, merc'hed ar roue hag an holl re a oa manet e Mizpa, hag en doa Nebuzaradan penn ar warded fiziet e Gedalia mab Ahikam. Ismael mab Netania o c'hasas gantañ evel prizonidi, hag ez eas kuit evit tremen etrezek mibien Ammon.

Jeremiaz 43:5

Ha Johanan mab Kareak hag holl bennoù ar strolladoù a gemeras holl nemorant Juda a oa distroet eus an holl vroadoù ma oant bet stlabezet en o zouez evit chom e bro Juda,

Jeremiaz 43:6

ar baotred, ar maouezed, ar vugale, merc'hed ar roue, an holl dud en doa lezet Nebuzaradan penn ar warded gant Gedalia mab Ahikam mab Shafan, kenkoulz hag ar profed Jeremiaz ha Baruk mab Nerija,

Jeremiaz 9:26

An Ejipt, Juda, Edom, mibien Ammon, Moab, an holl re a douz kognoù o barv hag a zo o chom er gouelec'h, rak an holl vroadoù a zo diamdroc'h, hag holl di Israel a zo diamdroc'h a galon.

Ezekiel 25:12

Evel-henn e komz an Aotrou AOTROU: Peogwir eo en em roet Edom d'ar veñjañs e-keñver ti Juda, ha deuet kablus oc'h en em veñjiñ warno,

Ezekiel 25:2

Mab an den, tro da zremm ouzh mibien Ammon, hag e profedi a-enep dezho.

Ezekiel 25:6

Rak evel-henn e komz an Aotrou AOTROU: Peogwir ec'h eus stlaket da zaouarn ha skoet da zreid, ha laouenaet faeüs en da ene diwar-benn bro Israel,

Ezekiel 25:8

Evel-henn e komz an Aotrou AOTROU: Peogwir o deus lavaret Moab ha Seir: Setu, emañ ti Juda evel an holl vroadoù,

Ezekiel 34:6

Va deñved a zo bet o kantreal war an holl venezioù ha war an holl grec'hioù, va deñved a zo bet stlabezet war holl c'horre an douar, ha n'eus bet den o klask pe o kerc'hat anezho.

Ezekiel 35:15

Evel ma'z out bet laouenaet diwar-benn hêrezh ti Israel pa voe drastet, evel-se e rin dit. Te a vo drastet Menez Seir, gant Edom en e bezh, hag e ouezint ez on me an AOTROU.

Ezekiel 35:5

Dre ma ec'h eus bet ur gasoni beurbadus, ha ma ec'h eus roet mibien Israel da c'halloud ar c'hleze da zeiz o glac'har, da vare ma oa deuet o direizhder da benn,

Ezekiel 5:12

Un drederenn ac'hanout a varvo gant ar vosenn hag a vo kuzumet gant an naonegezh en da greiz; un drederenn a gouezho gant ar c'hleze tro-dro dit; un drederenn a stlabezin d'an holl avelioù, hag e tennin ar c'hleze war o lerc'h.

Ezekiel 5:3

Koulskoude e kemeri un nebeudig anezho, a lakai e pleg da vantell.

Niveroù 22:1

Mont a reas kuit mibien Israel hag e kampjont e plaenennoù Moab, en tu-mañ d'ar Jordan, a-dal da Jeriko.

Niveroù 25:1

Israel a chomas e Sitim, hag ar bobl en em lakaas da c'hastaouiñ gant merc'hed Moab.

Niveroù 25:2

Int a bedas ar bobl da aberzhoù o doueoù, hag ar bobl a zebras hag a stouas dirak o doueoù.

1 Samuel 11:1

Nakash an Ammonad a bignas hag a gampas a-enep Jabez-Galaad. Holl dud Jabez a lavaras da Nakash: Gra emglev ganeomp, hag e servijimp ac'hanout.

1 Samuel 12:12

Met, o welout e oa Nakash roue mibien Ammon o tont a-enep deoc'h, hoc'h eus lavaret din: Nann! Met ur roue a reno warnomp. Ha kement-se petra bennak ma oa an AOTROU ho Toue, ho roue.