Jeremiaz 4:9 - Bibl Koad 21: Ar Bibl e Brezhoneg evit ar Vretoned

⁹ Hag en deiz-se, eme an AOTROU, kalon ar roue ha kalon ar pennoù a vo spouronet, an aberzhourien a vo souezhet, hag ar brofeded a vo sebezet.

Jeremiaz 4:9 Referencias Cruzadas

2 Rouned 25:4

Neuze un toull-freuz a voe graet da gêr, hag an holl dud a vrezel a dec'has da noz dre hent an nor etre an div voger e-kichen liorzh ar roue, e-pad ma oa ar Galdeiz en-dro da gêr, hag ez ejont etrezek ar blaenenn.

Salmoù 102:4

Rak va deizioù a ya evel ar moged, ha va eskern a zo devet evel un oaled.

Izaia 19:16

En deiz-se an Ejipt a vo evel gwragez, dianket ha spouronet e vo o welout dorn savet AOTROU an armeoù a vo savet a-enep dezhi.

Izaia 19:3

Spered an Ejipt a vanko en he c'hreiz, hag e tistrujin he c'huzul; hag e c'houlennint alioù digant an idoloù, an divinourien, ar c'houlennataerien speredoù hag ar sorserien.

Izaia 28:19

Kerkent ha ma tremeno e krogo ennoc'h, rak tremen a raio beure goude beure, en deiz hag en noz; hag ar spont hepken a vo he c'hemennadenn.

Jeremiaz 2:26

Evel ma'z eo mezhek al laer pa'z eo tapet, evel-se e vo mezhek re di Israel, int, o rouaned, o fennoù, o aberzhourien, o frofeded,

Jeremiaz 25:34

Youc'hit, mêsaerien, ha garmit! Torimellit, renerien an tropell! Rak deuet eo an deizioù ma viot lazhet, hag ez an d'ho stlabezañ, hag e kouezhot evel ul lestr prizius.

Jeremiaz 37:19

Pelec'h emañ ho profeded a brofede deoc'h o lavarout: Roue Babilon ne zeuio ket a-enep deoc'h, nag a-enep ar vro-mañ?

Jeremiaz 48:41

Keriod a zo kemeret, e greñvlec'hioù a zo tapet, kalon brezelerien Moab a vo, en deiz-se, evel kalon ur vaouez er poanioù.

Jeremiaz 5:31

Ar brofeded a brofed gevier, an aberzhourien a ren drezo, ha va fobl he deus kavet plijadur e kement-se. Petra a reot pa zeuio an diwezh?

Jeremiaz 52:7

Neuze un toull-freuz a voe graet da gêr, hag an holl dud a vrezel a dec'has hag a yeas er-maez eus kêr, da noz, dre hent an nor etre an div voger e-kichen liorzh ar roue, e-pad ma oa ar Galdeiz en-dro da gêr, hag ez ejont etrezek ar blaenenn.

Actou an Ebestel 13:41

Setu, c’hwi a zispriz ac’hanon, bezit souezhet ha kit diwar wel, rak emaon o vont d’ober un oberenn en ho tevezhioù, un oberenn ha ne gredfec’h ket ma vefe kontet deoc’h.