Jeremiaz 4:23 - Bibl Koad 21: Ar Bibl e Brezhoneg evit ar Vretoned

²³ Sellout a ran ouzh an douar, ha setu emañ dizoare ha goullo, ouzh an neñvoù, n'eus ken a sklerijenn.

Jeremiaz 4:23 Referencias Cruzadas

Geneliezh 1:2

An douar a oa deuet dizoare ha goullo, an deñvalijenn a oa war-c'horre an donder, ha Spered Doue a fiñve dreist an doureier.

Izaia 13:10

Stered an neñvoù hag o steredegoù ne roint ken o lugern, an heol a vo teñvalaet adalek ma vo savet, al loar ne roio ken e sklêrijenn.

Izaia 5:30

En deiz-se e krozont en o enep evel ma kroz ar mor, hag en ur sellout ouzh an douar, e vo teñvalijenn hag anken, hag ar sklêrijenn a vo teñvalaet gant koumoul.

Jeremiaz 2:12

Neñvoù, bezit souezhet a gement-mañ, spouronit gant euzh, bezit gwall c'hlac'haret, eme an AOTROU.

Jeremiaz 9:10

War ar menezioù e savin va mouezh gant daeroù, gant hirvoudoù, ha war beurvanoù ar gouelec'h e tisklêrin ur werz, rak devet int ha den ne dremen enno. Ne vez ken klevet trouz an tropelloù; laboused an neñvoù hag al loened o deus tec'het kuit, aet int kuit.

Klemmganoù 3:2

Va renet en deus ha graet din kerzhout en deñvalijenn ha nann er sklêrijenn.

Joel 2:10

An douar a greno dirazo, an neñvoù a vo brañsellet, an heol hag al loar a deñvalaio, hag ar stered a serro o lugern.

Amoz 8:9

Hag e c'hoarvezo en deiz-se, eme an Aotrou AOTROU, ma rin d'an heol mont da guzh da greisteiz, ha ma teñvalain an douar e barr an deiz.

Zakaria 14:6

En deiz-se e c'hoarvezo na vo ket a sklêrijenn, met ar gouloù prizius a dec'ho.

Mazhev 24:29

Raktal goude glac’har an deizioù-se, an heol a vo teñvalaet, al loar ne roio ket he sklêrijenn, ar stered a gouezho eus an oabl, ha galloudoù an neñv a vo brañsellet.

Mazhev 24:35

An neñv hag an douar a dremeno, met va gerioù ne dremenint ket.

Apocalyps 20:11

Gwelout a ris un tron gwenn hag an hini a oa azezet warnañ. An douar hag an neñv a dec’has kuit a-zirak e zremm, ha lec’h ebet ne voe kavet ken evito.