Jeremiaz 39:5 - Bibl Koad 21: Ar Bibl e Brezhoneg evit ar Vretoned

⁵ Met arme ar Galdeiz a redas war o lerc'h, hag e tizhjont Sedesia e plaenennoù Jeriko. O vezañ e dapet, e tegasjont anezhañ da Nebukadnezar roue Babilon, da Ribla e bro Hamad, e-lec'h ma voe lavaret ar varnedigezh en e enep.

Jeremiaz 39:5 Referencias Cruzadas

2 Samuel 8:9

Toi roue Hamad a ouezas en doa trec'het David holl arme Hadadezer,

2 Rouned 17:24

Roue Asiria a gasas tud eus Babilon, eus Kuta, eus Ava, eus Hamad hag eus Sefarvaim, hag a lakaas anezho e kêrioù Samaria, e-lec'h mibien Israel. Hag e perc'hennjont Samaria, hag e chomjont en he c'hêrioù.

2 Rouned 23:33

Faraon Neko a ereas anezhañ e Ribla e bro Hamad, evit ma ne renje ken e Jeruzalem. Hag e lakaas war ar vro un taos a gant talant arc'hant hag un talant aour.

2 Rouned 25:6

Kemer a rejont eta ar roue, hag e lakajont anezhañ da bignat etrezek roue Babilon e Ribla, e-lec'h ma voe barnet.

2 Danevelloù 33:11

Neuze an AOTROU a gasas a-enep dezho pennoù arme roue Asiria, a dapas Manase evit e lakaat ouzh an hern, hag e voe ereet gant ur chadenn arem doubl, hag e voe kaset da Vabilon.

Izaia 22:3

Da holl bennoù o deus tec'het a-gevret, ereet int bet gant ar waregerien. Da holl re hag a zo bet kavet, a zo bet ereet a-gevret, pa oant o tec'hout da bell.

Jeremiaz 21:7

Ha goude-se, eme an AOTROU, e lakain Sedesia roue Juda, e servijerien, ar bobl, ar re eus ar gêr-mañ a vo manet goude ar vosenn, ar c'hleze hag an naonegezh, etre daouarn Nebukadnezar roue Babilon, etre daouarn o enebourien, hag etre daouarn ar re a glask o buhez, hag e skoio warno gant troc'h ar c'hleze, n'esperno ket anezho, n'en devo na truez na trugarez.

Jeremiaz 24:8

Hag evel ar fiez fall-se na c'hell ket bezañ debret, ken fall ma'z int, eme an AOTROU, e lakain da vezañ evelto Sedesia roue Juda hag e briñsed hag an nemorant eus Jeruzalem, ar re a zo manet er vro-mañ hag ar re a zo o chom e bro Ejipt.

Jeremiaz 38:18

Met ma ned ez ket etrezek pennoù roue Babilon, ar gêr-mañ a vo lakaet etre daouarn ar Galdeiz, a zevo anezhi dre an tan, ha ne dec'hi ket kuit eus o daouarn.

Jeremiaz 38:23

Kaset e vo eta er-maez d'ar Galdeiz da holl wragez ha da vibien, ha te ne dec'hi ket eus o daouarn, met kroget e vo ennout gant dorn roue Babilon, hag e vi kiriek ma vo devet ar gêr-mañ dre an tan.

Jeremiaz 4:12

Spontusoc'h eo an avel a zeuio eus va ferzh. Bremañ e tisklêrin va barnedigezhioù warno.

Jeremiaz 44:30

Evel-henn e komz an AOTROU: Setu ez an da lakaat Faraon Hofra roue an Ejipt etre daouarn e enebourien, etre daouarn ar re a glask e vuhez, evel ma em eus lakaet Sedesia roue Juda etre daouarn Nebukadnezar roue Babilon, e enebour a glaske e vuhez.

Jeremiaz 49:23

Diwar-benn Damask. Hamad hag Arpad a zo mezhekaet, rak klevet o deus keloù fall, teuziñ a reont. Gwall vor 'zo ha ne c'hell ket sioulaat.

Klemmganoù 1:3

Juda a zo bet harluet, er glac'har eo hag en ur sklavelezh bras. Emañ o chom e-touez ar broadoù ha ne gav diskuizh ebet. E holl heskinerien o deus e dapet en enkrez.

Klemmganoù 4:20

C'hwezh hor fri, olevad an AOTROU, a zo bet tapet en o foulloù, hag e lavaremp diwar e benn: En e skeud e vevimp e-touez ar broadoù.

Ezekiel 23:24

Dont a raint a-enep dit, gant armoù, kirri hag ijinoù-ruilh, ha pobloù e niver bras, hag e lakaint a-enep dit a bep tu skoedoù bras, skoedoù bihan ha tokarnoù. Hag e roin dezho ar varnedigezh, hag e varnint ac'hanout hervez o barnedigezhioù.

Habakuk 1:7

Spontus hag euzhus eo; anezhi hec'h-unan e teuio he barnedigezh hag he braster.

Niveroù 13:21

Pignat a rejont evit spiañ ar vro, adalek gouelec'h Zin betek Reob, o vont war-zu Hamad.

Jozue 13:5

bro ar C'hibliz hag al Liban holl war-zu ar sav-heol, adalek Baal-Gad e traoñ Menez Hermon betek digor Hamad,

Jozue 4:13

War-dro daou-ugent mil den, gwisket evit ar brezel, a dremenas dirak an AOTROU evit stourm, etrezek plaenennoù Jeriko.

Jozue 5:10

Mibien Israel a gampas e Gilgal, hag e rejont ar Pask d'ar pevarzekvet deiz eus ar miz, da noz, e maezioù Jeriko.

Ar Varnerien 3:3

Pemp priñs ar Filistined, an holl Gananeiz, ar Sidoniz, an Hevianed a oa o chom e menez al Liban adalek menez Baal-Hermon betek digor Hamad.