Jeremiaz 38:22 - Bibl Koad 21: Ar Bibl e Brezhoneg evit ar Vretoned

²² An holl vaouezed a zo manet e ti roue Juda a vo kaset er-maez da bennoù roue Babilon, hag e lavarint ez out bet touellet ha trec'het dre da vignoned a beoc'h. Da dreid o deus sanket er fank, hag ez int aet kuit.

Jeremiaz 38:22 Referencias Cruzadas

Levr Job 6:15

Va breudeur o deus touellet ac'hanon evel ur froud, evel naoz an dourredennoù o tremen;

Salmoù 41:9

Ur gwall bennak a bouezh warnañ, setu eñ gourvezet, emezo, ha ne adsavo ken.

Salmoù 69:14

Evidon-me, va fedenn a ya dit, o AOTROU, en amzer da drugarez. O Doue, respont din hervez da vadelezh vras ha va dieub hervez da fealded!

Salmoù 69:2

Va savete, o Doue, rak an doureier o deus tizhet va buhez.

Izaia 42:17

Mont a ra war-dreñv ha goloet eo a vezh ar re a fizi er skeudennoù kizellet, hag a lavar d'ar skeudennoù teuzet: C'hwi eo hon doueoù!

Jeremiaz 13:21

Petra a lavari pa gastizo ac'hanout? Te da-unan ac'h eus desket dezho bezañ mistri warnout. Ar poanioù, ha ne grogint ket ennout evel ur vaouez o wilioudiñ?

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 27:14

Na selaouit ket ouzh komzoù ar brofeded a gomz ouzhoc'h o lavarout: Ne servijot ket roue Babilon! Rak e profedont gevier deoc'h.

Jeremiaz 27:15

Ne'm eus ket kaset anezho, eme an AOTROU, hag e profedont e gaou em anv, evit ma kasin ac'hanoc'h kuit ha ma varvot, c'hwi hag ar brofeded a ro profediezhoù deoc'h.

Jeremiaz 38:19

Ar roue Sedesia a lavaras da Jeremiaz: Aon am eus rak ar Yuzevien a zo en em roet d'ar Galdeiz, aon am eus da vezañ lakaet etre o daouarn ha da vezañ gwallgaset.

Jeremiaz 38:21

Met ma ne fell ket dit mont er-maez, setu ar pezh en deus diskouezet din an AOTROU:

Jeremiaz 41:10

Ismael a gasas gantañ evel prizonidi an holl nemorant eus ar bobl a oa e Mizpa, merc'hed ar roue hag an holl re a oa manet e Mizpa, hag en doa Nebuzaradan penn ar warded fiziet e Gedalia mab Ahikam. Ismael mab Netania o c'hasas gantañ evel prizonidi, hag ez eas kuit evit tremen etrezek mibien Ammon.

Jeremiaz 43:6

ar baotred, ar maouezed, ar vugale, merc'hed ar roue, an holl dud en doa lezet Nebuzaradan penn ar warded gant Gedalia mab Ahikam mab Shafan, kenkoulz hag ar profed Jeremiaz ha Baruk mab Nerija,

Jeremiaz 46:21

He gopridi ivez a zo en he c'hreiz evel leueoù lart. Int ivez a dro kein dezhi, tec'hout a reont a-gevret, ne zalc'hont ket, rak deiz o glac'har a zo deuet warno, amzer o c'hastiz.

Jeremiaz 46:5

Petra 'welan? Spontet int, treiñ a reont o c'hein, o zud kreñv a zo lakaet a-dammoù, hag e tec'hont hep distreiñ. Ar spont a zo a bep tu, eme an AOTROU.

Jeremiaz 6:12

O ziez a dremeno da reoù all, gant ar parkeier hag ar gwragez, rak astenn a rin va dorn war dud ar vro, eme an AOTROU.

Jeremiaz 8:10

Setu perak e roin o gwragez da reoù all hag o farkeier da berc'henned nevez, rak adalek ar bihanañ betek ar brasañ, pep hini en em ro d'ar gounid dizonest, adalek ar profed betek an aberzhour, holl e reont gant touell.

Klemmganoù 1:13

Eus an nec'h en deus kaset em eskern un tan a lonk anezho. Stegnet en deus ur roued dindan va zreid. Graet en deus din kouezhañ en a-dreñv ha bezañ mantret ha dinerzh bemdez.

Klemmganoù 1:2

A-hed an noz e ouel hag an daeroù a c'holo he divjod. Nikun n'he frealz a-douez an holl re he c'hare. Hec'h holl vignoned o deus he zouellet, deuet int da vezañ hec'h enebourien.

Klemmganoù 5:11

Gwallet o deus ar maouezed e Sion hag ar gwerc'hezed e kêrioù Juda.

Mika 7:5

Na gred ket ur mignon, na fizi ket ez kenseurt nesañ, diwall da zigeriñ da c'henoù dirak an hini a gousk war da askre.