Jeremiaz 38:17 - Bibl Koad 21: Ar Bibl e Brezhoneg evit ar Vretoned

¹⁷ Jeremiaz a lavaras da Sedesia: Evel-henn e komz an AOTROU, Doue an armeoù, Doue Israel: Mard ez a-youl etrezek pennoù roue Babilon, da ene a vevo hag ar gêr-mañ ne vo ket devet dre an tan. Hag e vevi, te ha da di.

Jeremiaz 38:17 Referencias Cruzadas

Geneliezh 12:13

Lavar, me az ped, penaos out va c'hoar, evit ma vin degemeret mat en abeg dit ha ma em bo va buhez saveteet abalamour dit.

2 Rouned 24:12

Neuze Jojakin roue Juda a yeas da gavout roue Babilon, gant e vamm, e servijerien, e bennoù hag e spazhidi. Roue Babilon a gemeras anezhañ en eizhvet bloaz eus e ren.

2 Rouned 25:27

D'ar seizhvet bloaz ha tregont eus harlu Jojakin roue Juda, d'an daouzekvet miz, d'ar seizhvet warn-ugent eus ar miz, Evilmerodak roue Babilon, er bloaz ma teuas da roue, a adsavas penn Jojakin roue Juda, hag a dennas anezhañ eus an toull-bac'h.

1 Danevelloù 17:24

Ra vo startaet, ra vo meuraet da anv da viken, evit ma vo lavaret: AOTROU an armeoù, Doue Israel, a zo Doue evit Israel! Ha ra vo ti David da servijer startaet dirazout!

Ezdra 9:4

Hag an holl re a grene da gomzoù Doue Israel a zeuas d'en em vodañ etrezek ennon, en abeg da bec'hed mibien an harlu, ha me a azezas gwall c'hlac'haret betek donezonoù an abardaez.

Levr Job 23:13

Met e vennad a zo divizet, piv a raio dezhañ distreiñ? Ar pezh a c'hoanta e ene, en gra.

Salmoù 80:14

ma'z eo distrujet gant moc'h-gouez ar goadeg, peuret gant loened ar parkeier?

Salmoù 80:7

Ober a rez ac'hanomp un abeg a enebiezh d'hon amezeien, hag hon enebourien a ra goap ouzhimp etrezo.

Jeremiaz 27:12

Hag e komzis ouzh Sedesia roue Juda hervez an hevelep komzoù, hag e lavaris: Lakait ho kouzoug dindan yev roue Babilon, ha servijit anezhañ hag e bobl, hag e vevot.

Jeremiaz 27:17

Na selaouit ket outo. Servijit roue Babilon, hag e vevot. Perak e vefe ar gêr-mañ distrujet?

Jeremiaz 27:8

Ar vroad pe ar rouantelezh na servijo ket Nebukadnezar roue Babilon, ha na lakaio ket e c'houzoug dindan yev roue Babilon, ar vroad-se a gastizin-me, eme an AOTROU, dre ar c'hleze, dre an naonegezh ha dre ar vosenn, betek ma em bo distrujet anezho dre e zorn.

Jeremiaz 38:2

Evel-henn e komz an AOTROU: An hini a chomo er gêr-mañ a varvo dre ar c'hleze, dre an naonegezh pe dre ar vosenn, an hini a yelo etrezek ar Galdeiz a vevo; e ene en devo evel preizh, hag e vevo.

Jeremiaz 39:3

Holl bennoù roue Babilon a zeuas hag a azezas ouzh dor ar C'hreiz: Nergal-Sharezer, Samgar-Nebu, Sarsekim penn ar spazhidi, Nergal-Sharezer penn ar vajed, hag holl bennoù all roue Babilon.

Jeremiaz 40:9

Gedalia mab Ahikam mab Shafan a douas dezho ha d'o zud, o lavarout: N'ho pet ket aon da servijañ ar Galdeiz, chomit er vro ha servijit roue Babilon, hag ez aio mat an traoù ganeoc'h.

Jeremiaz 44:7

Ha bremañ evel-henn e komz an AOTROU, Doue an armeoù, Doue Israel: Perak e rit an droug bras-se deoc'h hoc'h-unan, en ur lakaat da lemel ac'hanoc'h a-douez Juda, paotred, maouezed, bugale, poupiged, en doare ma ne vo nemorant ebet ac'hanoc'h?

Ezekiel 8:4

Ha setu, gloar Doue Israel a oa eno, evel m'em boa e welet e gweledigezh en draonienn.

Amoz 5:27

Setu perak e harluin ac'hanoc'h en tu all da Zamask, eme an AOTROU, Doue an armeoù eo e anv.