Jeremiaz 37:7 - Bibl Koad 21: Ar Bibl e Brezhoneg evit ar Vretoned

⁷ Evel-henn e komz an AOTROU, Doue Israel: Lavarout a reot evel-henn da roue Juda en deus ho kaset da'm goulenn kuzul: Setu arme Faraon a zo deuet d'ho sikour hag a zistroio d'e vro en Ejipt.

Jeremiaz 37:7 Referencias Cruzadas

2 Rouned 22:18

Ha diwar-benn roue Juda en deus kaset ac'hanoc'h da c'houlennata an AOTROU, e lavarot dezhañ: Evel-henn e komz an AOTROU Doue Israel diwar-benn ar c'homzoù ach eus klevet:

2 Rouned 24:7

Roue an Ejipt ned eas ken er-maez eus e vro, rak kemeret en doa roue Babilon kement a oa da roue an Ejipt, adalek froud an Ejipt betek stêr Eufratez.

Krennlavarioù 21:30

N'eus na furnez na meiz na kuzul evit herzel ouzh an AOTROU.

Izaia 30:7

Rak sikour an Ejipt ne vo nemet moged ha netra; setu perak em eus anvet kement-se: Trouz bras evit netra.

Izaia 36:6

Setu e fiziez en Ejipt, er vazh-se, er gorzenn dorret-se a doull hag a dreuz dorn an hini a harp warni. Evel-se emañ Faraon roue an Ejipt evit an holl re a laka o fiziañs ennañ.

Jeremiaz 2:18

Ha bremañ, petra ac'h eus d'ober war hent an Ejipt da evañ dour ar Shihor, ha petra ac'h eus d'ober war hent an Asiria da evañ dour ar stêr?

Jeremiaz 2:36

Perak hastañ kement evit cheñch da hent? Bez' ez po mezh eus an Ejipt, evel ma ec'h eus bet mezh eus Asiria.

Jeremiaz 2:37

Ac'hane ivez e teui, da zaouarn war da benn, rak an AOTROU en deus distaolet ar re a fiziez enno, ha ne ri ket berzh en o c'hichen.

Jeremiaz 21:1

Ar gomz a voe disklêriet a-berzh an AOTROU da Jeremiaz, pa gasas ar roue Sedesia d'e gavout Pashur mab Malkija ha Sofonia mab Maaseja an aberzhour, evit lavarout:

Jeremiaz 21:2

Goulennata evidomp an AOTROU, rak Nebukadnezar roue Babilon a ra brezel a-enep deomp. Marteze e raio an AOTROU evidomp unan bennak eus e vurzhudoù, evit ma pellaio diouzhimp.

Jeremiaz 37:3

Koulskoude ar roue Sedesia a gasas Jukal mab Shelemia ha Sofonia mab Maaseja an aberzhour da gavout Jeremiaz ar profed ha da lavarout dezhañ: Erbed evidomp e-kichen an AOTROU hon Doue.

Jeremiaz 37:5

Arme Faraon a oa deuet er-maez eus an Ejipt, hag ar Galdeiz, ar re a sezize Jeruzalem, o vezañ anavezet kement-se, en em dennas eus Jeruzalem.

Jeremiaz 37:6

Ar gomz a voe disklêriet a-berzh an AOTROU d'ar profed Jeremiaz er gerioù-se:

Klemmganoù 1:7

En deizioù he glac'har hag he c'hantreadeg, Jeruzalem he deus bet soñj eus an holl draoù plijus he doa bet adalek an deizioù kozh. Pa'z eo kouezhet he fobl dre zorn an enebour, ne voe den ebet d'he sikour. Hec'h enebourien o deus he gwelet, hag o deus graet goap eus he deizioù sabad.

Klemmganoù 4:17

Semplaet o deus hon daoulagad en gortoz aner eus ur skoazell. Eus hon tourioù hon eus sellet etrezek ur bobl na c'helle ket hor saveteiñ.

Ezekiel 17:17

Ha Faraon gant un arme vras ha soudarded niverus, ne raio netra evitañ er brezel, pa vo savet tosennoù ha graet kreñvlec’hioù, evit lakaat da vervel tud niverus.

Ezekiel 29:16

Ne lakaio ken ti Israel e fiziañs enni, hag o devo soñj eus o direizhder pa droent etrezek enni. Hag e ouezint ez on me an Aotrou AOTROU.

Ezekiel 30:22

Setu perak evel-henn e komz an Aotrou AOTROU: Setu em eus droug ouzh Faraon roue an Ejipt, hag e torrin dezhañ e zivrec'h, an hini yac'h hag an hini dorret, hag e lakain ar c'hleze da gouezhañ eus e dorn.