Jeremiaz 37:3 - Bibl Koad 21: Ar Bibl e Brezhoneg evit ar Vretoned

³ Koulskoude ar roue Sedesia a gasas Jukal mab Shelemia ha Sofonia mab Maaseja an aberzhour da gavout Jeremiaz ar profed ha da lavarout dezhañ: Erbed evidomp e-kichen an AOTROU hon Doue.

Jeremiaz 37:3 Referencias Cruzadas

1 Rouaned 13:6

Hag e stagas da gomz ar roue o lavarout d'an den Doue: Galv, mar plij, an AOTROU da Zoue, ha ped evidon evit ma c'hello va dorn dont en-dro din. Hag an den Doue a c'halvas an AOTROU, ha dorn ar roue a c'hellas distreiñ dezhañ, evel ma voe diagent.

Ermaeziadeg 10:17

Met bremañ, pardon va fec'hed, me az ped, evit ar wech-mañ hepken, ha pedit an AOTROU ho Toue, evit ma pellaio diouzhin ar marv-mañ hepken.

Ermaeziadeg 8:28

Faraon a lavaras: Me ho lezo da vont da aberzhiñ d'an AOTROU ho Toue er gouelec'h, nemet ned eot ket pell. Pedit evidon.

Ermaeziadeg 8:8

Faraon a c'halvas Moizez hag Aaron, hag a lavaras: Pedit evidon an AOTROU , evit ma pellaio ar raned diouzhin ha diouzh va fobl, hag e lezin ar bobl da vont evit aberzhiñ d'an AOTROU .

Ermaeziadeg 9:28

Pedit an AOTROU , ha ma ne vo ken na kurunadoù na grizilh; me ho lezo da vont ha c'hwi ne chomot ket pelloc'h.

Jeremiaz 15:11

Hag an AOTROU a lavar: Ha ne virin ket ac'hanout evit ar mad? Ha ne rin ket d'an enebour pediñ ac'hanout en amzer ar glac'har hag en amzer an estrenvan?

Jeremiaz 2:27

a lavar d'ar c'hoad: Te eo va zad, ha d'ar maen: Va ganet ec'h eus. Troet o deus o c'hein ouzhin ha nann o dremm, hag en amzer o gwalleur e lavaront: Sav ha savete ac'hanomp!

Jeremiaz 29:21

evel-henn e komz AOTROU an armeoù, Doue Israel, diwar-benn Akab mab Kolaja ha diwar-benn Sedesia mab Maaseja, rak e profedont deoc'h e gaou em anv: Setu ez an d'o lakaat e dorn Nebukadnezar roue Babilon, hag o lakaio d'ar marv dirak ho taoulagad.

Jeremiaz 29:25

Evel-henn e komz AOTROU an armeoù, Doue Israel: Kaset ec'h eus ez anv lizheroù d'an holl bobl a zo e Jeruzalem, da Sofonia mab Maaseja, an aberzhour, ha d'an holl aberzhourien, o lavarout:

Jeremiaz 37:17

Met ar roue Sedesia a gasas d'e gerc'hat ac'hane. Ar roue a reas goulennoù outañ e kuzh en e di, hag a lavaras: Ha bez' ez eus ur gomz bennak a-berzh an AOTROU? Jeremiaz a lavaras: Ya. Rak, emezañ, e vi lakaet etre daouarn roue Babilon.

Jeremiaz 37:7

Evel-henn e komz an AOTROU, Doue Israel: Lavarout a reot evel-henn da roue Juda en deus ho kaset da'm goulenn kuzul: Setu arme Faraon a zo deuet d'ho sikour hag a zistroio d'e vro en Ejipt.

Jeremiaz 38:1

Shefatia mab Matan, Gedalia mab Pashur, Jukal mab Shelemia ha Pashur mab Malkija a glevas ar c'homzoù a zisklêrie Jeremiaz dirak an holl bobl, o lavarout:

Jeremiaz 42:1

Neuze holl bennoù ar strolladoù, Johanan mab Kareak, Jezania mab Hoshea, hag an holl bobl, adalek ar bihanañ betek ar brasañ, a dostaas,

Jeremiaz 42:20

Rak en em douellet hoc'h eus hoc'h-unan pa hoc'h eus va c'haset etrezek an AOTROU ho Toue o lavarout: Ped evidomp an AOTROU hon Doue, ha disklêr deomp kement a lavaro an AOTROU hon Doue, hag e raimp kement-se.

Jeremiaz 52:24

Penn ar warded a gemeras an aberzhour-meur Seraja, an eil-aberzhour Sofonia, ha tri diwaller an treuzoù.

Niveroù 21:7

Ar bobl a zeuas da gavout Moizez hag a lavaras: Pec'het hon eus rak komzet hon eus a-enep an AOTROU hag a-enep dit. Ped an AOTROU ma pellaio diouzhomp an naered.

Actou an Ebestel 8:24

Simon a respontas: Pedit c’hwi an Aotrou evidon, evit na c’hoarvezo netra din eus ar pezh hoc’h eus lavaret.

1 Samuel 12:19

Hag an holl bobl a lavaras da Samuel: Ped an AOTROU da Zoue evit da servijerien, evit na varvimp ket. Rak ouzhpennet hon eus d'hon holl bec'hedoù ar fallagriezh da vezañ goulennet ur roue evidomp.