Jeremiaz 31:25 - Bibl Koad 21: Ar Bibl e Brezhoneg evit ar Vretoned

²⁵ Rak reiñ a rin da evañ d'an ene sec'hedik, hag e roin e walc'h da bep ene glac'haret.

Jeremiaz 31:25 Referencias Cruzadas

Salmoù 107:9

Rak roet en deus e walc'h d'an ene en doa sec'hed, ha leuniet en deus a vadoù an ene en doa naon.

Salmoù 23:3

Adsevel a ra va ene, va ren a ra war wenodennoù ar reizhder abalamour d'e anv.

Izaia 32:2

Pep hini anezho a vo evel ur gwasked ouzh an avel hag ur vod ouzh ar glav, evel gwazhioù-dour en ul lec'h sec'h, evel skeud ur roc'h vras war un douar kras.

Izaia 40:29

Reiñ a ra nerzh d'an hini a zo skuizh, kreskiñ a ra kreñvder an hini dic'halloud.

Izaia 41:17

An ezhommeien hag ar beorien a glask dour, ha n'eus ket; o zeod a zo disec'het gant an itik. Me an AOTROU o selaouo. Me Doue Israel ne zilezin ket anezho.

Izaia 50:4

An Aotrou AOTROU en deus roet din un teod a ziskibl, ma c'hellin kennerzhañ dre ar gomz an hini a zo glac'haret. Bep mintin e tihun ac'hanon, e tihun va skouarn, ma selaouin evel un diskibl.

Jeremiaz 31:12

Dont a raint, hag e kanint war uhelenn Sion, hag e teredint da vadoù an AOTROU, d'ar gwinizh, d'ar gwin, d'an eoul, da re vihan an deñved hag ar saout. O ene a vo evel ul liorzh douraet, ha ne vint ken er poanioù.

Jeremiaz 31:14

Hag e roin e walc'h a zruzoni da ene an aberzhourien, hag e vo leuniet va fobl eus va madoù, eme an AOTROU.

Ezekiel 34:14

Hag o lakain da beuriñ en ur beurvan vat, o chomadur a vo e menezioù uhel Israel. Eno e tiskuizhint en ul lec'h mat hag e peurint ur beurvan druz war venezioù Israel.

Mazhev 11:28

Deuit da’m c’havout, c’hwi holl a zo skuizh ha bec’hiet, ha me ho tiboanio.

Mazhev 5:6

Eürus ar re o deus naon ha sec’hed eus ar reizhder, rak o devo o gwalc’h!

Sant Lucas 1:53

Leuniet en deus a vadoù a re o doa naon ha kaset en deus kuit ar re binvidik er goullo.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

2 Korintiz 7:6

Met Doue a frealz ar re a zo dinerzhet, hor frealzet en deus dre zonedigezh Tit,