Jeremiaz 31:2 - Bibl Koad 21: Ar Bibl e Brezhoneg evit ar Vretoned

² Evel-henn e komz an AOTROU: Kavet he deus gras er gouelec'h, ar bobl deuet salv eus ar c'hleze. Hag Israel a gerzh d'an diskuizh.

Jeremiaz 31:2 Referencias Cruzadas

Salmoù 78:52

Lakaat a reas e bobl da vont kuit evel deñved, hag o renas dre ar gouelec'h evel un tropell.

Salmoù 95:11

Touet em eus eta em c'hounnar: N'antreint ket em diskuizh.

Ermaeziadeg 1:16

Lavarout a reas: Pa wilioudot gwragez an Hebreed ha pa welot anezho war an azezoù, mard eo ur mab, e lazhot anezhañ, mard eo ur plac'h, e lezot anezhi da vevañ.

Ermaeziadeg 1:22

Neuze Faraon a roas an urzh-mañ d'e holl bobl: Taolit er stêr an holl vibien a c'hano, met lezit da vevañ an holl verc'hed.

Ermaeziadeg 12:37

Mibien Israel a yeas kuit eus Ramsez evit Sukkod. Bez' e oant war-dro c'hwec'h kant mil den war droad hep kontañ ar vugale vihan.

Ermaeziadeg 2:23

Hag e c'hoarvezas, pell goude, penaos e varvas roue an Ejipt. Mibien Israel a hirvoude abalamour d'o sklaverezh, hag a grias. O c'hriadennoù a bignas war-zu Doue eus o sklaverezh.

Ermaeziadeg 33:14

An AOTROU a lavaras: Va bezañs a yelo ganit hag e roin dit diskuizh.

Ermaeziadeg 5:21

hag e lavarjont: Ra sello an AOTROU ouzhoc'h ha ra varno! Lakaet hoc'h eus ac'hanomp ur flaer dirak Faraon ha dirak e servijerien, en ur lakaat ur c'hleze en o dorn evit hol lazhañ.

Jeremiaz 2:2

Kae ha youc'h ouzh divskouarn Jeruzalem, o lavarout: Evel-henn e komz an AOTROU: Soñj am eus ac'hanout, eus hegarated da yaouankiz, eus karantez da zimeziñ, pa zeues war va lerc'h er gouelec'h, en un douar na veze ket hadet.

Ezekiel 20:35

Ho tegas a rin da c'houelec'h ar pobloù, hag eno ez in e barnedigezh ganeoc'h, dremm ouzh dremm.

Ozea 11:4

O zennet em eus gant kerdin denel, gant ereoù a garantez. Bet on evito evel ar re o dije savet ar yev diwar o javedoù, ha kinniget em eus boued dezho.

Niveroù 10:33

Mont a rejont kuit eus menez an AOTROU evit un hent a dri devezh; arc'h emglev an AOTROU a yae a-raok dezho, oc'h ober an hent a dri devezh evit kavout ul lec'h diskuizh.

Niveroù 14:20

Hag an AOTROU a lavaras: Pardonet em eus, hervez da gomz,

Mazhev 11:28

Deuit da’m c’havout, c’hwi holl a zo skuizh ha bec’hiet, ha me ho tiboanio.

Adlezenn 1:30

An AOTROU ho Toue a gerzh dirazoc'h hag a stourmo e-unan evidoc'h, evel m'en deus graet evidoc'h en Ejipt dirak ho taoulagad,

Adlezenn 1:33

a yae en ho raok war an hent evit klask ul lec'h da sevel ho teltennoù, en tan e-pad an noz evit diskouez deoc'h an hent a gerzhec'h warnañ, hag er goabrenn e-pad an deiz.

Adlezenn 12:9

rak n'oc'h ket erruet c'hoazh d'an diskuizh ha d'an hêrezh a ro deoc'h an AOTROU ho Toue.

Adlezenn 2:7

Rak an AOTROU da Zoue en deus da venniget e kement a ri gant da zaouarn. Anavezet en deus da gerzhadeg dre ar gouelec'h bras-mañ. An AOTROU da Zoue a zo bet ganit e-pad an daou-ugent vloaz-se, ha netra n'en deus graet diouer dit.

Adlezenn 8:16

en deus roet dit da zebriñ er gouelec'h ar mann n'anaveze ket da dadoù, evit izelaat hag amprouiñ ac'hanout, hag evit ober vad dit da c'houde.

Jozue 1:13

Ho pet soñj eus ar c'homzoù en deus gourc'hemennet deoc'h Moizez servijer an AOTROU o lavarout: An AOTROU ho Toue en deus roet diskuizh deoc'h hag en deus roet deoc'h ar vro-se.