Jeremiaz 30:8 - Bibl Koad 21: Ar Bibl e Brezhoneg evit ar Vretoned

⁸ Hag en deiz-se, eme AOTROU an armeoù, e vruzunin e yev diwar da c'houzoug hag e torrin da ereoù, ha ne vi ken sujet d'an diavaezidi.

Jeremiaz 30:8 Referencias Cruzadas

Salmoù 107:14

Tennet en deus anezho eus an deñvalijenn hag eus skeud ar marv, torret en deus o ereoù.

Izaia 10:27

En deiz-se e vo lamet e vec'h a-ziwar da zivskoaz, hag e yev diwar da c'houzoug. Ar yev a vo distrujet en abeg d'an druzoni.

Izaia 14:1

Rak an AOTROU en devo truez ouzh Jakob, dibab a raio Israel c'hoazh; adlakaat a raio anezho en o douar, an diavaezidi en em unano outo, hag en em stago ouzh ti Jakob.

Izaia 14:25

Breviñ an Asiria em douar, hag he mac'hañ war va menezioù. He yev a vo lamet kuit a-ziwarno, hag he bec'h a vo tennet a-ziwar o divskoaz.

Izaia 14:3

En deiz ma raio dit an AOTROU diskuizhañ eus da boan, eus da drubuilh, hag eus ar sklavelezh garv e oas bet lakaet dindani,

Izaia 9:4

Pep botez a zo douget gant ar brezelour er veskadeg, hag an dilhad ruilhet er gwad, a vo devet ha lonket gant ar flammoù.

Jeremiaz 2:20

Dre ma ec'h eus abaoe pell torret da yev ha dispennet da ereoù, lavaret ec'h eus: Ne vin ken er sklavelezh! Met war bep krec'hienn uhel ha dindan pep gwezenn c'hlas ec'h eus stouet evel ur c'hast.

Jeremiaz 25:14

Rak pobloù galloudek ha rouaned vras o sujo, int ivez, ha me a zaskoro dezho hervez o oberoù hag hervez labour o daouarn.

Jeremiaz 27:2

Evel-henn en deus komzet an AOTROU ouzhin: Gra ereoù ha yevioù, laka anezho war da c'houzoug,

Jeremiaz 27:7

An holl vroadoù a servijo anezhañ, e vab ha mab e vab, ken na zeuio an amzer evit e vro e-unan ivez da vezañ mestroniet gant meur a vroad ha rouaned bras.

Jeremiaz 28:10

Neuze ar profed Hanania a gemeras ar yev diwar c'houzoug Jeremiaz, hag a dorras anezhañ.

Jeremiaz 28:13

Kae ha komz ouzh Hanania, ha lavar dezhañ: Evel-henn e komz an AOTROU: Torret ec'h eus yevioù koad, met gra en o lec'h yevioù houarn.

Jeremiaz 28:4

Me a lakaio da zistreiñ d'al lec'h-mañ, eme an AOTROU, Jekonia mab Jojakim roue Juda, gant an holl harluidi Juda a zo aet da Vabilon, rak terriñ a rin yev roue Babilon.

Ezekiel 30:18

E Tapanez e teñvalaio an deiz, pa dorrin yev an Ejipt, ha pa baouezo lorc'h he nerzh. Ur goabrenn he goloio hag he merc'hed a yelo d'ar prizonerezh.

Ezekiel 34:27

Gwez ar parkeier a roio o frouezh, an douar a roio e drevad, hag int a vo e surentez en o bro, hag e ouezint ez on me an AOTROU, pa em bo torret koad o yev hag o dieubet eus dorn ar re a sklavelae anezho.

Nahum 1:13

Met bremañ e vruzunin ar yev diwarnout, hag e torrin da ereoù.