Jeremiaz 3:6 - Bibl Koad 21: Ar Bibl e Brezhoneg evit ar Vretoned

⁶ An AOTROU a lavaras din en deizioù ar roue Jozia: Ha gwelet ec'h eus ar pezh he deus graet Israel an adfeilherez? Aet eo war bep menez uhel ha dindan pep gwezenn c'hlas d'en em reiñ d'ar gasterezh.

Jeremiaz 3:6 Referencias Cruzadas

1 Rouaned 14:23

Rak uhellec'hioù a savjont ivez gant peulioù hag Asheraoù war an holl grec'hioù ha dindan pep gwezenn c'hlas.

2 Danevelloù 34:1

Eizh vloaz e oa Jozia pa zeuas da roue, hag e renas ur bloaz ha tregont e Jeruzalem.

Salmoù 106:39

Hag en em saotrjont dre o oberoù, hag en em rojont d'ar gasterezh dre o doare.

Izaia 57:3

Met c'hwi, tostait amañ, mibien ar sorserez, gouenn an avoultrer hag ar c'hast!

Izaia 57:7

Lakaet ec'h eus da wele war ur menez uhel ha savet, hag ez out pignet eno evit aberzhiñ.

Jeremiaz 1:2

Komz an AOTROU a voe disklêriet dezhañ e deizioù Jozia mab Amon roue Juda, d'an trizekvet bloaz eus e ren,

Jeremiaz 11:10

Aet int en-dro da zireizhder o zadoù kentañ, ar re o deus nac'het selaou ouzh va c'homzoù hag a zo aet war-lerc'h doueoù all evit o servijañ. Ti Israel ha ti Juda o deus torret va emglev am eus graet gant o zadoù.

Jeremiaz 17:2

Evel ma soñjont en o mibien, e soñjont en o aoterioù hag en o Asheraoù e-kichen ar gwez glas ha war ar c'hrec'hiennoù uhel.

Jeremiaz 3:8

Hag em eus gwelet penaos, petra bennak ma em eus kaset kuit Israel an adfeilherez en abeg d'hec'h avoultriezh, ha ma em eus roet dezhi he skrid a dorr-dimeziñ, Juda ar c'hanazez n'he deus ket bet aon, hag eo en em roet d'ar gasterezh hi ivez.

Jeremiaz 31:22

Betek pegeit e vi o kantren, merc'h disent? Rak an AOTROU a grou un dra nevez war an douar: ar vaouez a gildroenno en-dro d'ar gwaz.

Jeremiaz 5:11

Rak ti Israel ha ti Juda a zo en em renet evel trubarded em c'heñver, eme an AOTROU.

Jeremiaz 7:24

Met n'o deus ket selaouet, n'o deus ket roet o skouarn, heuliet o deus kuzulioù ha kaleter o c'halon fall, hag int en em zistroet a-dreñv e-lec'h dont da'm c'havout.

Ezekiel 16:31

Pa saves da dosenn e digor kement straed, pa raes da uhellec'h war bep leurgêr, n'out ket zoken bet evel ur c'hast a c'houlenn ur gopr.

Ezekiel 16:35

Setu perak, avoultrerez, selaou komz an AOTROU:

Ezekiel 20:28

Derenet em eus anezho d'ar vro am boa savet va dorn he reiñ dezho, ha sellet o deus ouzh pep krec'hienn uhel hag ouzh pep gwezenn vodennek, graet o deus eno o aberzhoù, kinniget o deus eno o frofoù evit va c'hounnariñ, lakaet o deus eno o c'hwezoù-mat, skuilhet o deus eno o sparfadurioù.

Ezekiel 23:11

He c'hoar Oholiba a welas kement-se, ha gwashoc'h e voe egeti, en ur ober muioc'h a c'hastaouerezh eget he c'hoar en he riboderezh.

Ezekiel 23:4

An hini henañ a oa anvet Ohola, hag he c'hoar Oholiba. Din e oant, hag e c'hanjont mibien ha merc'hed. An hini anvet Ohola eo Samaria, hag Oholiba eo Jeruzalem.

Ozea 11:7

Va fobl a zo stag ouzh e emsavadeg em enep. D'an Uhel-Meurbet ez int galvet, met nikun ne uhela anezhañ.

Ozea 4:13

Aberzhiñ a reont war-lein ar menezioù, hag e lakaont da vogediñ war ar c'hrec'hiennoù, dindan an derv, an efl, an tourmantin, rak o skeud a zo plijus. Setu perak ho merc'hed a c'hastaouo, hag ho merc'hed-kaer a raio avoultriezh.

Ar Varnerien 2:17

Met ne fellas ket dezho selaou ouzh ar varnerien, hag en em rojont d'ar gasterezh gant doueoù all o stouiñ dirazo. Buan e tistrojont eus an hent m'o deus kerzhet warnañ o zadoù, o sentiñ ouzh gourc'hemennoù an AOTROU. Int ne rejont ket evel-se.