Jeremiaz 3:25 - Bibl Koad 21: Ar Bibl e Brezhoneg evit ar Vretoned

²⁵ Gourvezet omp en hor mezh, ha goloet gant hon dismegañs! Rak pec'het hon eus a-enep an AOTROU hon Doue, ni hag hon tadoù, adalek hor yaouankiz ha betek hiziv, ha n'hon eus ket sentet ouzh mouezh an AOTROU hon Doue.

Jeremiaz 3:25 Referencias Cruzadas

Salmoù 106:6

Pec'het hon eus, ni hag hon tadoù. Oberiet hon eus gant fallentez, an droug hon eus graet.

Salmoù 106:7

Hon tadoù en Ejipt ne voent ket evezhius ouzh da vurzhudoù, n'o doe ket soñj eus da vadelezhioù diniver, met disent e voent e-tal ar mor, war-zu ar Mor Ruz.

Salmoù 109:29

Ra vo va enebourien gwisket a zismegañs, ha goloet gant o mezh evel gant ur vantell!

Krennlavarioù 13:18

Ar baourentez hag an dismegañs a zeuio war an hini a daol kuit ar gelennadurezh, met an hini a selaou ar gourdrouz a vo enoret.

Krennlavarioù 5:13

Penaos n'em eus ket sentet ouzh mouezh ar re am c'helenne? Penaos n'em eus ket stouet va skouarn d'ar re a zeske ac'hanon?

Izaia 48:8

Ne'c'h eus ket klevet, ne'c'h eus ket anavezet, n'eo ket bet digoret a-raok da skouarn, rak gouzout a raen na vankfes ket da vezañ disleal: Anvet out bet disent abaoe ar c'hof.

Izaia 50:11

C'hwi holl hag a c'hwezh un tan hag a zo gourizet gant elf, it e-barzh flammoù ho tantad hag e-kreiz an elf hoc'h eus enaouet. Digant va dorn eo e teu deoc'h kement-se, e-kreiz ar poanioù e viot gourvezet.

Jeremiaz 11:13

Rak, o Juda, kement a zoueoù ac'h eus hag a gêrioù! Ha kement a straedoù a zo e Jeruzalem hag a aoterioù hoc'h eus savet d'an euzhuster, aoterioù evit kinnig ezañs da Vaal.

Jeremiaz 12:13

Hadet o deus gwinizh hag ec'h eostont draen, roet o deus bec'h hep gounid. Mezh hoc'h eus gant hoc'h eostoù, en abeg da gounnar entanet an AOTROU.

Jeremiaz 14:20

Anzav a reomp hon drougiezh, AOTROU, direizhder hon tadoù, rak pec'het hon eus a-enep dit.

Jeremiaz 14:7

Mar doug hon direizhder testeni a-enep deomp, gra evit da anv, o AOTROU! Rak hon dianzavadurioù a zo niverus, pec'het hon eus a-enep dit.

Jeremiaz 2:17

Kement-se, ha ne c'hoarvez ket ganit dre ma ec'h eus dilezet an AOTROU da Zoue, e-pad ma rene ac'hanout dre an hent?

Jeremiaz 2:19

Da zrougiezh az kastizo, da zianzavadur az kourdrouzo, hag e ouezi hag e weli ez eo un dra fall ha c'hwerv, ma az pefe dilezet an AOTROU da Zoue, ha ma ne vefe ket va doujañs ennout, eme an Aotrou AOTROU an armeoù.

Jeremiaz 2:2

Kae ha youc'h ouzh divskouarn Jeruzalem, o lavarout: Evel-henn e komz an AOTROU: Soñj am eus ac'hanout, eus hegarated da yaouankiz, eus karantez da zimeziñ, pa zeues war va lerc'h er gouelec'h, en un douar na veze ket hadet.

Jeremiaz 2:26

Evel ma'z eo mezhek al laer pa'z eo tapet, evel-se e vo mezhek re di Israel, int, o rouaned, o fennoù, o aberzhourien, o frofeded,

Jeremiaz 20:18

Perak ez on bet ganet, evit gwelout nemet trubuilh ha glac'har hag evit kuzumiñ er vezh va deizioù?

Jeremiaz 22:21

Komzet em eus ouzhit en amzer da verzh, hag e lavares: Ne selaouin ket. Setu da hent abaoe da yaouankiz, ne'c'h eus ket selaouet ouzh va mouezh.

Jeremiaz 3:13

Anzav da zireizhder, ma'z out en em savet a-enep an AOTROU da Zoue, ma ec'h eus troet amañ-ahont da gammedoù etrezek an diavaezidi dindan pep gwezenn c'hlas, ha ma ne'c'h eus ket selaouet va mouezh, eme an AOTROU.

Jeremiaz 31:19

Goude bezañ distroet em eus bet keuz, goude bezañ bet desket em eus skoet war va morzhed. Mezhek ez on bet ha pinous, dre ma tougen dismegañs va yaouankiz.

Jeremiaz 6:26

Merc'h va fobl, en em c'houriz eus ur sac'h ha ruilh el ludu, bez e kañv evel evit ur mab nemetañ, ha gouel daeroù c'hwerv-meurbet, rak an distrujer a zeu buan warnomp.

Jeremiaz 7:19

Ha me eo a imoront? eme an AOTROU. Ha n'eo ket int o-unan, evit mezh o dremm?

Jeremiaz 8:14

Perak e chomomp azezet? Bodadit, deomp d'ar c'hêrioù kreñv, ha bezomp didrouz eno, rak an AOTROU hon Doue en deus graet deomp tevel, ha roet deomp dour ampoezonet da evañ, rak hon eus pec'het a-enep an AOTROU.

Jeremiaz 9:18

ra hastint ha ra tisklêrint warnomp ur werz, ra deuzo hon daoulagad e daeroù, ra redo an dour eus hor malvennoù.

Klemmganoù 5:16

Kurunenn hor penn a zo kouezhet. Gwalleur deomp, rak pec'het hon eus.

Klemmganoù 5:7

Hon tadoù o deus pec'het ha n'emaint ken, ha ni hon eus douget o direizhder.

Ezekiel 2:3

Hag e lavaras din: Mab an den, kas a ran ac'hanout etrezek mibien Israel, etrezek ur vroad disent a zo en em savet em enep. Int hag o zadoù o deus pec'het em enep betek hiziv zoken.

Ezekiel 36:32

Ne ran ket kement-se abalamour deoc'h, eme an Aotrou AOTROU, ra vo anavezet ganeoc'h! Bezit mezhek ha pinous diouzh hoc'h hentoù, o ti Israel!

Ezekiel 44:13

Ne dostaint ket ouzhin evel aberzhour din, ne dostaint ket ouzh va zraoù santel el lec'hioù santel-meurbet, met e tougint o dismegañs hag o euzhusterioù o deus graet.

Ezekiel 7:18

En em c'hourizañ a raint gant seier, ar spouron o goloio, ar vezh a vo war o holl zremmoù, o holl bennoù a vo touzet.

Daniel 12:2

Ha kalz eus ar re a zo o kousket e poultr an douar a zihuno, darn evit ar vuhez peurbadus, ha darn evit an dismegañs hag ar vezh peurbadus.

Ozea 9:10

Kavet em eus Israel evel rezin er gouelec'h, gwelet em eus ho tadoù evel ar frouezh kentañ eus ur fiezenn en e zeroù, met aet int da gavout Baal-Peor, en em ouestlet int d'un dra euzhus, deuet int da vezañ euzhus evel ar pezh o deus karet.

Sofonia 1:17

Lakaat a rin an dud en estrenvan, hag e kerzhint evel dalled, dre m'o deus pec'het a-enep an AOTROU. Hag o gwad a vo skuilhet evel ar poultr, hag o c'hig evel lastez.

Romaned 6:21

Peseurt frouezh a dennec’h eta neuze eus an traoù-se a ra mezh deoc’h bremañ? Rak diwezh an traoù-se eo ar marv.

Ar Varnerien 2:2

ha ne reot ket a emglev gant tud ar vro-mañ, hag e tiskarot o aoterioù. Met n'hoc'h eus ket sentet ouzh va mouezh. Perak hoc'h eus graet evel-se?