Jeremiaz 3:1 - Bibl Koad 21: Ar Bibl e Brezhoneg evit ar Vretoned

¹ Lavaret eo: Mar kas un den e wreg kuit, hag o vezañ aet digantañ, ma teu houmañ da vezañ d'ur gwaz all, hag e tistroio c'hoazh d'he c'havout? Ha ne vefe ket e gwirionez saotret ar vro? Ha te ac'h eus gastaouet gant meur a amourouz; koulskoude, distro ouzhin, eme an AOTROU.

Jeremiaz 3:1 Referencias Cruzadas

Salmoù 106:38

Skuilhañ a rejont ar gwad didamall, gwad o mibien hag o merc'hed a aberzhjont da idoloù Kanaan; hag ar vro a voe disakret gant ar muntroù-se.

Izaia 24:5

An douar a zo saotret gant e annezerien, rak torret o deus al lezennoù, cheñchet o deus ar reolennoù, disc'hraet o deus an emglev peurbadus.

Jeremiaz 2:20

Dre ma ec'h eus abaoe pell torret da yev ha dispennet da ereoù, lavaret ec'h eus: Ne vin ken er sklavelezh! Met war bep krec'hienn uhel ha dindan pep gwezenn c'hlas ec'h eus stouet evel ur c'hast.

Jeremiaz 2:23

Penaos e lavarez: N'on ket saotret, n'on ket aet war-lerc'h ar Baaled? Sell da gammedoù en draonienn, anzav ar pezh ac'h eus graet, dremedal skañv o kantreal,

Jeremiaz 2:7

Rak em eus ho lakaet da vont da ur vro a liorzhoù, evit ma tebrot he frouezh hag he madoù, met kerkent ha ma'z oc'h aet enni hoc'h eus saotret va bro, hag hoc'h eus graet un euzhusted eus va hêrezh.

Jeremiaz 22:20

Pign d'al Liban, kri, sav da vouezh war ar Basan, kri eus lein an Abarim! Rak an holl re az kare a zo distrujet.

Jeremiaz 3:22

Distroit, mibien disent, yac'haat a rin ho tianzavadur. Setu e teuomp da'z kavout, rak an AOTROU hon Doue ez out.

Jeremiaz 3:9

Gant trouz he diroll he deus saotret ar vro. Graet he deus avoultriezh gant ar maen ha gant ar c'hoad.

Jeremiaz 31:22

Betek pegeit e vi o kantren, merc'h disent? Rak an AOTROU a grou un dra nevez war an douar: ar vaouez a gildroenno en-dro d'ar gwaz.

Jeremiaz 4:1

Israel, mar distroez, eme an AOTROU, mar distroez da'm c'havout, mar lamez da euzhusted a-zirazon, ne vi ken o kantreal,

Jeremiaz 4:14

Jeruzalem, disaotr da galon eus an droug evit ma vi saveteet. Betek pegeit e vo o chom ez tiabarzh da soñjoù direizh?

Klemmganoù 1:2

A-hed an noz e ouel hag an daeroù a c'holo he divjod. Nikun n'he frealz a-douez an holl re he c'hare. Hec'h holl vignoned o deus he zouellet, deuet int da vezañ hec'h enebourien.

Ezekiel 16:26

Gastaouet ec'h eus gant mibien an Ejipt, da amezeien o deus ur c'horf nerzhus, ha liesaet da c’hastaouerezh evit va c'hounnariñ.

Ezekiel 16:30

Pegen gwan eo da galon, eme an Aotrou AOTROU, pa ec'h eus graet an holl draoù-se e doare ur c'hast disklêriet!

Ezekiel 16:35

Setu perak, avoultrerez, selaou komz an AOTROU:

Ezekiel 33:11

Lavar dezho: Me a zo bev, eme an Aotrou AOTROU, ne gavan plijadur ebet e marv an den fall, met e distro an den fall diwar e hent, evit ma vevo. Distroit, distroit diwar hoc'h hent fall. Perak e varvfec'h, o ti Israel?

Ozea 1:2

Pa en em lakaas an AOTROU da gomz dre Ozea, an AOTROU a lavaras da Ozea: Kae, kemer evidout ur vaouez a c'hastaouerezh ha bugale a c'hastaouerezh, rak ar vro ne ra nemet gastaouiñ, pell diouzh an AOTROU.

Ozea 2:2

Breutait a-enep ho mamm, breutait, rak n'eo ket va gwreg, ha n'on ket he gwaz. Ra lamo he gastaouerezh a-zirazi hag hec'h avoultriezh diouzh he divronn,

Mika 2:10

Savit ha kerzhit! Rak n'emañ ket amañ lec'h ho tiskuizh, en abeg d'an hudurnez, an distruj a ziskaro, un distruj rust.

Zakaria 1:3

Lavarout a ri eta dezho: Evel-henn e komz AOTROU an armeoù: Distroit din, eme AOTROU an armeoù, hag e tistroin deoc'h, eme AOTROU an armeoù.

Mazhev 5:31

Lavaret eo bet ivez: Piv bennak a gaso kuit e wreg, ra roio dezhi ur skrid a dorr-dimeziñ.

Adlezenn 22:21

e tegasint ar plac'h yaouank ouzh dor ti he zad, hag e veinataio anezhi tud kêr, hag e varvo, rak graet he deus un euzhusted en Israel, o c'hastaouiñ e ti he zad. Evel-se e vo lamet an droug diouzh Israel.

Ar Varnerien 19:2

Met e serc'h en em roas d'ar gasterezh hag a yeas digantañ da di he zad, da Vetlehem Juda. Chom a reas eno war-dro pevar miz.