Jeremiaz 29:20 - Bibl Koad 21: Ar Bibl e Brezhoneg evit ar Vretoned

²⁰ Selaouit ouzh komz an AOTROU, c'hwi holl harluidi, am eus kaset eus Jeruzalem da Vabilon,

Jeremiaz 29:20 Referencias Cruzadas

Jeremiaz 24:5

Evel-henn e komz an AOTROU, Doue Israel: Evel ar fiez mat-se, evel-se e tisheñvelain, evit o mad, harluidi Juda am eus kaset eus al lec'h-mañ da vro ar Galdeiz.

Jeremiaz 29:1

Setu amañ gerioù al lizher a gasas ar profed Jeremiaz eus Jeruzalem d'an nemorant eus an henaourien a zo bet harluet, d'an aberzhourien, d'ar brofeded ha d'an holl bobl, kaset en harlu gant Nebukadnezar eus Jeruzalem da Vabilon,

Jeremiaz 29:2

goude ma voe aet kuit eus Jeruzalem ar roue Jekonia gant ar rouanez, ar spazhidi, priñsed Juda ha Jeruzalem, ar gilvizien hag an alc'hwezerien.

Jeremiaz 29:31

Kas da lavarout ar gerioù-se d'an harluidi: Evel-henn e komz an AOTROU a-zivout Shemaja an Nekelamad: Shemaja en deus profedet deoc'h, ha ne'm eus ket e gaset, met ho lakaet en deus da fiziout er gaou,

Ezekiel 11:9

Lakaet e viot da vont e-maez eus he c'hreiz, ho lakain etre daouarn diavaezidi, hag e rin va barnedigezhioù a-enep deoc'h.

Ezekiel 3:11

Kae, kae etrezek ar re zalc'het, etrezek mibien da bobl, komz outo, ha pe e selaouint, pe ne raint ket, e lavari dezho: Evel-henn e komz an Aotrou AOTROU.

Ezekiel 3:15

Dont a ris neuze da re zalc'het e Tel-Abib, d'ar re a oa o chom tost da stêr Kebar, hag e chomis d'al lec'h ma choment, hag e chomis eno en o zouez, souezhet bras, e-pad seizh devezh.

Mika 4:10

Gouzañv gwentloù ha kri, merc'h Sion, evel ar wreg o wilioudiñ! Rak bremañ ez i eus kêr hag e vi o chom er parkeier, hag ez i betek Babilon. Eno e vi dieubet, eno e vi dasprenet gant an AOTROU eus dorn da enebourien.