Jeremiaz 27:22 - Bibl Koad 21: Ar Bibl e Brezhoneg evit ar Vretoned

²² Kaset e vint da Vabilon, hag e chomint eno betek an deiz ma weladennin anezho, eme an AOTROU; hag e rin dezho adsevel ha dont en-dro d'al lec'h-mañ.

Jeremiaz 27:22 Referencias Cruzadas

2 Rouned 25:13

Hag ar Galdeiz a lakaas a-dammoù ar c'holonennoù arem a oa e ti an AOTROU, ar sichennoù hag ar mor arem a oa e ti an AOTROU, hag e kasjont an holl arem ganto da Vabilon.

2 Danevelloù 36:21

evit ma vefe sevenet komz an AOTROU lavaret dre c'henoù Jeremiaz, betek ma voe laouenaet an douar en e zeizioù Sabad. Holl amzer e c'hlac'har a voe un diskuizh sabad dezhañ, evit leuniañ an dek vloaz ha tri-ugent.

Ezdra 1:11

An holl listri aour pe arc'hant a oa pemp mil pevar c'hant. Sheshbazar o c'hemeras holl, pa voe lakaet an harluidi da vont kuit eus Babilon da Jeruzalem.

Ezdra 7:19

Ha diwar-benn al listri a zo roet dit evit servij ti da Zoue, laka anezho dirak Doue Jeruzalem.

Ezdra 7:9

Rak d'an deiz kentañ eus ar miz kentañ e teraouas da bignat eus Babilon, ha d'an deiz kentañ eus ar pempvet miz ec'h erruas e Jeruzalem, rak dorn mat e Zoue a oa warnañ.

Krennlavarioù 21:30

N'eus na furnez na meiz na kuzul evit herzel ouzh an AOTROU.

Jeremiaz 20:5

Me a roio holl binvidigezhioù ar gêr-mañ, hec'h holl labour, hec'h holl draoù prizius, me a roio holl deñzorioù rouaned Juda etre daouarn o enebourien, a breizho anezho, a gemero anezho, hag a gaso anezho da Vabilon.

Jeremiaz 27:21

ya, evel-henn e komz AOTROU an armeoù, Doue Israel, diwar-benn an traoù a van e ti an AOTROU, e ti roue Juda hag e Jeruzalem:

Jeremiaz 27:7

An holl vroadoù a servijo anezhañ, e vab ha mab e vab, ken na zeuio an amzer evit e vro e-unan ivez da vezañ mestroniet gant meur a vroad ha rouaned bras.

Jeremiaz 29:10

Rak evel-henn e komz an AOTROU: Pa vo sevenet an dek vloaz ha tri-ugent evit Babilon, e weladennin ac'hanoc'h hag e sevenin va c'homz vat en ho keñver, evit ober deoc'h distreiñ d'al lec'h-mañ.

Jeremiaz 32:5

hag e kaso Sedesia da Vabilon, hag eno e vo betek ma weladennin anezhañ, eme an AOTROU, ha mar stourmit a-enep ar Galdeiz, ne reot ket berzh?

Jeremiaz 34:2

Evel-henn e komz an AOTROU, Doue Israel: Kae ha komz ouzh Sedesia roue Juda, ha lavar dezhañ: Evel-henn e komz an AOTROU: Setu ez an da lakaat ar gêr-mañ etre daouarn roue Babilon, hag e tevo anezhi dre an tan.

Jeremiaz 34:3

Ha ne dec'hi ket eus e zorn, met a-dra-sur e vi tapet, hag e vi lakaet etre e zaouarn, ha da zaoulagad a welo daoulagad roue Babilon, hag e komzo ouzhit genoù ouzh genoù, ha mont a ri da Vabilon.

Jeremiaz 34:5

Mervel a ri e peoc'h, hag evel ma voe devet louzoù-frondus evit da dadoù, ar rouaned a zo bet a-raok dit, evel-se e vo devet ivez evidout, ha gouelet e vo dit o lavarout: Siwazh Aotrou! Rak disklêriet em eus ar gomz-se, eme an AOTROU.

Daniel 5:23

Met en em uhelaet out a-enep Aotrou an neñvoù hag eo bet degaset dirazout listri ti Doue, evet hoc'h eus gwin enno, te, da re vras, da wragez ha da serc'hed. Meulet ec'h eus an doueoù aour, arc'hant, arem, houarn, koad ha mein, na welont ket, na glevont ket ha n'anavezont ket, ha ne'c'h eus ket roet gloar d'an Doue emañ en e zorn da c'hwezh ha da holl hentoù.

Daniel 9:2

er c'hentañ vloaz eus e ren, me, Daniel, a gomprenas dre al levrioù penaos niver ar bloavezhioù en doa an AOTROU komzet diwarno dre ar profed Jeremia, evit kas da benn glac’haroù Jeruzalem, a oa dek vloaz ha tri-ugent.