Jeremiaz 23:2 - Bibl Koad 21: Ar Bibl e Brezhoneg evit ar Vretoned

² Setu perak evel-henn e komz an AOTROU, Doue Israel, diwar-benn ar vêsaerien a beur va fobl: Stlabezet hoc'h eus va deñved, o c'haset hoc'h eus kuit, n'hoc'h eus ket graet war o zro. Setu ez an d'ober war ho tro en abeg da zrougiezh hoc'h oberoù, eme an AOTROU.

Jeremiaz 23:2 Referencias Cruzadas

Ermaeziadeg 32:34

Bremañ kae, ren ar bobl d'al lec'h am eus lavaret. Setu, va ael a yelo dirazout, met d'an deiz ma rin ar c'hastiz, e kastizin warno o fec'hed.

Jeremiaz 10:21

Rak ar vêsaerien a zo bet diboell, n'o deus ket klasket an AOTROU, en abeg da-se n'o deus ket graet berzh, hag o holl loened a zo bet stlabezet.

Jeremiaz 11:22

setu perak eta evel-henn e komz an AOTROU: Setu ez an da gastizañ anezho: an dud yaouank a varvo dre ar c'hleze, o mibien hag o merc'hed a varvo dre an naonegezh,

Jeremiaz 13:17

Ma ne selaouit ket kement-se, e ouelo va ene e kuzh en abeg d'ho lorc'h, hag e ouelo va lagad, o teuziñ e daeroù, dre ma vo kaset tropell an AOTROU en dalc'hidigezh.

Jeremiaz 13:20

Sav da zaoulagad ha gwel ar re a zeu eus an hanternoz. Pelec'h emañ an tropell a zo bet roet dit, an deñved a rae da c'hloar?

Jeremiaz 13:21

Petra a lavari pa gastizo ac'hanout? Te da-unan ac'h eus desket dezho bezañ mistri warnout. Ar poanioù, ha ne grogint ket ennout evel ur vaouez o wilioudiñ?

Jeremiaz 17:10

Me an AOTROU a furch ar galon hag a amprou al lounezhi, evit reiñ da bep hini hervez e hentoù, hervez frouezh e oberoù.

Jeremiaz 21:12

Ti David, evel-henn e komz an AOTROU: Roit gwir adalek ar beure, dieubit an hini gwasket eus daouarn ar mac'homer, gant aon na zeufe va c'hounnar da darzhañ evel un tan, ha na entanfe hep ma vefe den d'e vougañ, en abeg da zrougiezh hoc'h oberoù.

Jeremiaz 23:34

Ha diwar-benn ar profed pe an aberzhour pe den ar bobl a lavaro: Diougan an AOTROU, e kastizin an den-se hag e di.

Jeremiaz 44:22

An AOTROU n'en deus ket fellet dezhañ e c'houzañv pelloc'h, en abeg da zrougiezh hoc'h oberoù, en abeg d'an traoù euzhus hoc'h eus graet, en doare ma'z eo troet ho pro en ur gouelec'h, en ur souezh hag en ur vallozh, hep na vefe den o chom ennañ, evel ma vez gwelet hiziv.

Jeremiaz 5:29

Ha ne gastizin ket evit an traoù-se, eme an AOTROU, ha n'en em veñjo ket va ene eus un hevelep broad?

Jeremiaz 5:9

Ha ne gastizin ket evit an traoù-se, eme an AOTROU, ha n'en em veñjo ket va ene eus un hevelep broad?

Jeremiaz 8:12

Hag o deus bet mezh da vezañ graet traoù euzhus? Nann, n'o deus bet mezh ebet a gement-se, ha n'ouzont ket petra eo ruziañ. En abeg da-se e kouezhint gant ar re a gouezh, hag e vint diskaret da vare ma rin war o zro, eme an AOTROU.

Ezekiel 34:5

Stlabezet int bet dre vank a vêsaerien, lakaet int bet da zont da breizh da holl loened ar parkeier, o vezañ stlabezet.

Ozea 2:13

Hag e kastizin anezhi evit deizioù ar Baaloù, pa lakae da vogediñ evito, pa en em fiche gant he lagadennoù hag he c'helc'hennoù, pa'z ae war-lerc'h hec'h amourouzien ha va ankounac'hae, eme an AOTROU.

Mika 7:4

An hini gwellañ anezho a zo evel un drezenn, an hini eeunañ a zo gwashoc'h eget ur c'harzh-spern. Dont a ra an deiz diouganet gant da c'hedourien, deiz da gastiz, ha neuze e vint er vezh.

Zakaria 10:3

Entanet eo va c'hounnar a-enep ar vêsaerien, hag e kastizin ar bouc'hed. Rak AOTROU an armeoù en deus gweladennet e dropell, ti Juda, hag e raio anezho evel e varc'h a enor er brezel.

Zakaria 11:16

Rak setu ez an da sevel er vro ur mêsaer na welo ket ar re a ya da goll, na glasko ket ar re a zo yaouank, na bareo ket ar re a zo gouliet, na vesaio ket ar re a zo yac'h. Met debriñ a raio a re lartañ, hag e tiframmo diouto betek o ivinoù.

Mazhev 25:36

en noazh e oan ha va gwisket hoc’h eus; klañv e oan ha deuet oc’h da’m gwelout; er prizon e oan ha deuet oc’h da’m c’havout.

Mazhev 25:43

diavaeziad on bet ha n’hoc’h eus ket va degemeret; en noazh e oan ha n’hoc’h eus ket va gwisket; klañv hag er prizon e oan ha n’oc’h ket deuet da’m gwelout.

S. Jakes 1:27

Ar relijion glan ha dinamm dirak Doue hon Tad, eo gweladenniñ an emzivaded hag an intañvezed en o glac’har, hag en em virout diouzh saotroù ar bed.