Jeremiaz 22:18 - Bibl Koad 21: Ar Bibl e Brezhoneg evit ar Vretoned

¹⁸ Setu perak evel-henn e komz an AOTROU diwar-benn Jojakim mab Jozia roue Juda: Ne vo ket gouelet warnañ en ur lavarout: Siwazh va breur, siwazh va c'hoar! Ne vo ket gouelet warnañ en ur lavarout: Siwazh aotrou, siwazh meurdez!

Jeremiaz 22:18 Referencias Cruzadas

2 Samuel 1:26

Jonatan va breur, er glac'har on abalamour dit. Ober a raes va flijadur, burzhudus e oa da garantez evidon, brasoc'h eget karantez ar merc'hed.

1 Rouaned 13:30

Lakaat a reas e gorf en e vez, hag e oueljont warnañ o lavarout: Siwazh, va breur!

2 Rouned 23:36

Pemp bloaz warn-ugent e oa Jojakim pa zeuas da roue, hag e renas unnek vloaz e Jeruzalem. E vamm a oa anvet Zebuda merc'h Pedaja, eus Ruma.

2 Rouned 23:6

Kas a reas an Ashera er-maez eus ti an AOTROU, hag er-maez eus Jeruzalem betek froud Kedron, hag he devas e-kichen froud Kedron, hag he lakaas e poultr, hag e taolas ar poultr-se war vezioù mibien ar bobl.

2 Rouned 24:6

Jojakim a c'hourvezas gant e dadoù. Ha Jojakin e vab a renas en e lec'h.

1 Danevelloù 3:15

Mibien Jozia a voe: ar c'hentañ-ganet Johanan, an eil Jojakim, an trede Sedesia, ar pevare Shallum.

2 Danevelloù 35:25

Jeremiaz a reas ur werz war Jozia, hag an holl ganerien hag an holl ganerezed o deus komzet eus Jozia en o gwerzioù betek hiziv, ha graet o deus a gement-se ur reolenn en Israel. Ha setu, an traoù-se a zo skrivet er gwerzioù.

2 Danevelloù 36:5

Pemp bloaz warn-ugent e oa Jojakim pa zeuas da roue, hag e renas unnek vloaz e Jeruzalem. Ober a reas ar pezh a zo fall dirak daoulagad an AOTROU e Zoue.

Jeremiaz 16:4

Mervel a raint dre varv ar c'hleñvedoù, ne vint na gouelet na sebeliet, met evel teil e vint war-c'horre an douar; distrujet e vint dre ar c'hleze ha dre an naonegezh, hag o c'horfoù marv a vo boued da laboused an neñvoù ha da loened an douar.

Jeremiaz 16:6

Ar re vras hag ar re vihan a varvo er vro-mañ, ne vint ket sebeliet, ne vint ket gouelet, den n'en em raio flañch ha den n'en em douzo evito.

Jeremiaz 21:11

Ha diwar-benn ti roue Juda: Selaouit komz an AOTROU:

Jeremiaz 22:10

Na ouelit ket war an hini a zo marv, na hirvoudit ket evitañ, met gouelit, gouelit war an hini a ya kuit, rak ne zistroio ket ha n'adwelo ket bro e c'hanedigezh.

Jeremiaz 22:12

met mervel a raio el lec'h m'eo kaset en harlu, ha ne welo ken ar vro-mañ.

Jeremiaz 34:5

Mervel a ri e peoc'h, hag evel ma voe devet louzoù-frondus evit da dadoù, ar rouaned a zo bet a-raok dit, evel-se e vo devet ivez evidout, ha gouelet e vo dit o lavarout: Siwazh Aotrou! Rak disklêriet em eus ar gomz-se, eme an AOTROU.

Jeremiaz 36:30

Setu perak evel-henn e komz an AOTROU diwar-benn Jojakim roue Juda: Hini ebet eus e re ne azezo war dron David, hag e gorf marv a vo taolet kuit da dommder an deiz ha da rev an noz.