Jeremiaz 19:13 - Bibl Koad 21: Ar Bibl e Brezhoneg evit ar Vretoned

¹³ Tiez Jeruzalem ha tiez rouaned Juda a vo saotret evel lec'h Tofed, evel an holl diez ma o deus kinniget ezañs war o zoennoù da holl arme an neñvoù, hag o deus graet sparfadurioù da zoueoù all.

Jeremiaz 19:13 Referencias Cruzadas

2 Rouned 17:16

O vezañ dilezet holl c'hourc'hemennoù an AOTROU o Doue, graet o doa dezho skeudennoù teuzet, daou leue. Graet o doa Asheraoù, hag azeulet holl arme an neñvoù, ha servijet Baal.

2 Rouned 23:10

Saotrañ a reas Tofed e traonienn mab Hinnon, evit na lakaje den da dremen e vab pe e verc'h dre an tan evit Molok.

2 Rouned 23:12

Ar roue a ziskaras an aoterioù a oa war doenn kambr uhel Akaz, hag o doa graet rouaned Juda, hag an aoterioù en doa savet Manase war ziv leurenn ti an AOTROU. Bruzunañ a reas anezho ouzh o lemel ac'hane, hag e taolas ar poultr anezho e froud Kedron.

2 Rouned 23:14

Bruzunañ a reas ar peulioù, troc'hañ an Asheraoù, hag e leunias al lec'h ma oant gant eskern tud.

Salmoù 74:7

Entanet o deus da santual, taolet d'an douar ha disakret o deus chomlec'h da anv.

Salmoù 79:1

Salm Azaf. O Doue, ar broadoù a zo aet en da hêrezh! Disakret o deus da dempl santel, lakaet o deus Jeruzalem en dismantroù.

Izaia 22:1

Diougan diwar-benn traonienn ar gweledigezhioù. Petra 'zo ganit, pa'z eo pignet da holl bobl war an toennoù?

Jeremiaz 19:12

Evel-se e rin d'al lec'h-mañ, eme an AOTROU, ha d'e dud, lakaat a rin ar gêr-mañ heñvel ouzh Tofed.

Jeremiaz 32:29

Ar Galdeiz hag a ra brezel ouzh ar gêr-mañ a zeuio tre, hag e lakaint an tan er gêr-mañ, hag e tevint anezhi, gant an tiez ma veze kinniget ezañs war o zoennoù da Vaal, ha ma veze graet sparfadurioù da zoueoù all evit va c'hounnariñ.

Jeremiaz 44:18

Met abaoe ma hon eus paouezet da ginnig ezañs da rouanez an neñvoù ha d'ober evadkinnigoù dezhi, hon eus manket a bep tra hag omp bet lonket dre ar c'hleze ha dre an naonegezh.

Jeremiaz 52:13

Deviñ a reas ti an AOTROU, ti ar roue hag holl diez Jeruzalem. An holl diez bras a voe devet dre an tan.

Jeremiaz 7:18

Ar vibien a zastum koad, an tadoù a enaou an tan, ar maouezed a vez an toaz, evit ober gwestell da rouanez an neñvoù hag evadkinnigoù da zoueoù estren, hag evit va imoriñ.

Jeremiaz 8:2

Astennet e vint dirak an heol, dirak al loar ha dirak holl arme an neñvoù, o deus karet, o deus servijet, o deus kerzhet war o lerc'h, o deus klasket, hag o deus stouet dirazo. Ne vint ket dastumet na sebeliet, hag e vint evel teil war-c'horre an douar.

Ezekiel 20:28

Derenet em eus anezho d'ar vro am boa savet va dorn he reiñ dezho, ha sellet o deus ouzh pep krec'hienn uhel hag ouzh pep gwezenn vodennek, graet o deus eno o aberzhoù, kinniget o deus eno o frofoù evit va c'hounnariñ, lakaet o deus eno o c'hwezoù-mat, skuilhet o deus eno o sparfadurioù.

Sofonia 1:5

hag ar re a stou war an toennoù dirak arme an neñvoù, hag ar re a stou en ur douiñ dre an AOTROU hag en ur douiñ ivez dre o roue,

Actou an Ebestel 10:9

An deiz war-lerc’h, evel ma oant en hent ha ma tostaent ouzh kêr, Pêr a bignas war leurdoenn an ti, war-dro ar c’hwec’hvet eur, da bediñ.

Actou an Ebestel 7:42

Met Doue a zistroas diouto hag o lakaas da servijañ armead an neñv, evel ma’z eo skrivet e levr ar brofeded: Ti Israel, ha din-me eo hoc’h eus kinniget profoù-loened hag aberzhoù e-pad daou-ugent vloaz el lec’h distro?

Adlezenn 4:19

gant aon ivez penaos o sevel ho taoulagad war-zu an neñv hag o welout an heol, al loar, ar stered, holl arme an neñv, na vefes bountet da stouiñ dirazo ha da servijañ an traoù-se, a zo bet lodet gant an AOTROU da Zoue d'an holl bobloù a zo dindan an neñvoù.